වර්තමානයේ රට පුරා අධ්‍යාපන ක්ෂේත්‍රයේ දක්නට ලැබෙන දියුණුවට හේතුව අධ්‍යාපන අමාත්‍ය නීතිඥ අකිල විරාජ් කාරියවසම් මහතාගේ කැපවීම බව අග්‍රාමාත්‍ය රනිල් වික්‍රමසිංහ මහතා ප්‍රකාශ කළේය.

වත්මන් රජය ඇමරිකාවත් සමඟ අත්සන් කිරීමට සැරසෙන සෝෆා ගිවිසුම, ඇක්සා ගිවිසුම හා මිලේනියම් කෝපරේෂන් ගිවිසුම් නිසා රටට අත්විය හැකි ප්රවතිවිපාක පිළිබඳව විපක්ෂම නායක මහින්ද රාජපක්ෂ් මහතා දැනුවත් කිරීමට හා ඒ පිළිබඳව සාකච්ඡා කිරිමක් සිදු විය.

යුද සමයේදී දෙමළ ජාතියම විනාශ කිරීමට දායක වූ යුදහමුදාව අද පාසල් ආරක්ෂාවට පෙනී සිටිමින් හොඳ නාමය ලබාගැනීමේ උත්සාහයක නිරත වෙමින් සිටින බවට දෙමළ ජාතික සන්ධාන පාර්ලිමේන්තු මන්ත්‍රී එස්.ශ්‍රිධරන් පැවසීය.

පාවෙන අවි ගබඩාවක් පවත්වා ගෙන යාම සම්බන්ධයෙන් ඇවන්ඩ්ගාර්ඩ් සමාගමේ සභාපති නිශ්ශංක සේනාධිපති ඇතුළු 08 දෙනෙකු වහාම අත්අඩංගුවට ගෙන අධිකරණයට ඉදිරිපත් කරන ලෙස නිතිපතිවරයා අපරාධ පරික්ෂණ දෙපාර්තමේන්තුව භාර ජ්‍යෙෂ්ඨ නියෝජ්‍ය පොලිස්පතිවරයාට සහ එහි අධ්‍යක්ෂකවරයාට අද (05) නියෝග කරනු ලැබීය.

මරණ දඩුවම ක්‍රියාත්මක කිරීම වළක්වාලමින් ශ්‍රේෂ්ඨාධිකරණයෙන් අද (05) අතුරු තහනම් නියෝගයක් නිකුත් කළේය.

අනවශ්‍ය ලෙස නඩු ප්‍රමාදවිම් වැලැක්වීම සදහා ඉදිරි දින කිහිපය තුළදී නව පනත් දෙකක් පාර්ලිමේන්තුවට ගෙන ඒමට කටයුතු කරන බව අධිකරණ හා බන්ධනාගාර ප්‍රතිසංස්කරණ අමාත්‍ය තලතා අතුකොරළ මහත්මිය පැවසුවාය.

මුලතිව් කේපාපිලහි කැලෑබද ප්‍රදේශයක ඊයේ (04) රාත්‍රියේ කිසියම් විශාල පිපිරීමක් සිදුව ඇති බවටත් අදාළ පිපිරීම පීඩන බෝම්බයක් පුපුරා යාමක් බවට සැක පල කරන අතර ඉන් කිසිවෙකුටත් හානියක් සිදු නොවී ඇති බවටද මුල්ලියාවලෙයි පොලීසිය පවසයි.

මාකදුරේ මධූෂ් හෙළි කළ කරුණු වලට අනුව ශ්‍රී ලංකා පොදුජන පෙරමුණ නියෝජනය කරන පාර්ලිමේන්තු මන්ත්‍රීවරයෙකු ළඟදීම අත්අඩංගුවට ගැනීමට නියමිත බව සෞඛ්‍ය , පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතා පවසයි.

මහියංගණ මහවැලි වියානා ඇළ පතුලේ පොලිතින් උරයක බහා සඟවා තිබු ටී 56 අවියේ මැගසීන් 03ක් හා ටී 56 අවියේ උණඩ 53ක් ඊයේ සවස (04) මාපාකඩවැව 17 කණුව ප්‍රදේශයේදි හමුවු බව මහියංගණ පොලීසිය පවසයි.

2019 වසරේ පළමුව ජනාධිපතිවරණය පැවැත්වෙන බවත්, එක්සත් ජාතික පෙරමුණ දැනට සමාජයේ කථාබහට ලක්වන අපේක්ෂකයින්ගෙන් ජයග්‍රාහි අපේක්ෂකයා මැතිවරණයට ඉදිරිපත් කිරීමටත්, ඕනෑම මැතිවරණයකට මුහුණදීමට සුදානම් බවත්, සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතා පවසයි.

නූරි වතුඅධිකාරී ඝාතනය කිරීමේ චෝදානා සඳහා වැරදිකරු වී මරණ දඬුවම නියම වී සිටින චම්පික විජේසිංහ නොහොත් අතකොටා (දැරණියගල ප්‍රාදේශීය සභාවේ හිටපු සභාපති) පුද්ගලයෙකුට වීදි රේඛා සහතිකයක් ලබාදීම සඳහා රුපියල් ලක්ෂ 5ක අල්ලසක් ඉල්ලීමේ චෝදනාවටද අද (05දා) වරදකරු වූයේය.

යුද සමයේදී ශ්‍රී ලංකා යුද හමුදා භාරයට පත්කර තිබූ පලාලි ගුවන් තොටුපොළ අද (05දා) යළිත් සිවිල් ගුවන් සේවා අධිකාරියට භාරදීමට කටයුතු කළේය.

සංවර්ධිත රටවල් මෙන් අපේ රටේ ද තවත් නොබෝ කලකින් පෙළපොත් අභ්‍යාස පොත් වෙනුවට පරිගණක යන්ත්‍ර මඟින් අධ්‍යාපන ක්‍රියාකාරකම් සිදු කළ හැකි රටක් ලෙස අපි සංවර්ධනය වේවි යැයි කෘෂිකර්ම, පශු සම්පත් සංවර්ධන, වාරිමාර්ග සහ ධීවර හා ජලජ සම්පත් සංවර්ධන අමාත්‍ය පී. හැරිසන් මහතා පවසයි.

මරණ දඬුවම ක්‍රියාත්මක කරන දිනය, වේලාව, ස්ථානය මෙන්ම එල්ලා මරා දමන පුද්ගලයන් කවුරුන්දැයි යන්න ජනපති මෛත්‍රීපාල සිරිසේන මහතා මේ දක්වා බන්ධනාගාර දෙපාර්තමේන්තුවට දන්වා නැතැයි බන්ධනාගාර කොමසාරිස් පවසයි.

පුද්ගලයන් ලියාපදිංචි කිරීමේ දෙපාර්තමේන්තුවේ පරිගණක පද්ධතියේ හටගෙන ඇති දෝෂයක් හේතුවෙන් ජාතික හැඳුනුම්පත් නිකුත් කිරීමේ එක්දින අද (05දා) ක්‍රියාත්මක නොකරන බව එම දෙපාර්තමේන්තුව සඳහන් කරයි.

රුපියල් අසූ ලක්ෂයක් වටිනා රත්තරන් බිස්කට්ටුවක් , බිස්කට් පැකැට්ටුවක සඟවා ගෙන නීතිවිරෝධි ලෙස ශ්‍රී ලංකාවට පැමිණීමට තැත් කළ ප්‍රංශ ජාතික ගුවන් මගියෙකු ඊයේ (4) දින සවස කටුනායක ගුවන් තොටුපළේ දී රේගු නිලධාරීන් පිරිසක් විසින් අත්අඩංගුවට ගෙන ඇති බව වැඩබලන රේගු මාධ්‍ය ප්‍රකාශක , රේගු අධිකාරී ලාල් වීරකෝන් මහතා පැවසීය .

පසුගිය ජුනි 09 වැනිදා සිට ක්‍රියාත්මක කරන මත්ද්‍රව්‍ය නිවාරණ වැඩසටහන යටතේ ගෙවීගිය සති තුනක කාලය තුළදී සිදුකළ වැටලීම්වලදී විෂ මත්ද්‍රව්‍ය සම්බන්ධයෙන් සැකකරුවන් නවදහස් හාරසිය දහයක් අත්අඩංගුවට ගෙන ඇතැයි පොලිස් මූලස්ථානය පවසයි.

එංගලන්තයේදී දැන් පැවැත්වෙන ලෝක කුසලාන ක්‍රිකට් තරගාවලියට සහභාගි වී සිටින ශ්‍රී ලංකා කණ්ඩායමේ ප්‍රධාන පුහුණුකරු චන්දික හතුරුසිංහ ඇතුළු නිලධාරීන් හයදෙනකු වහාම ඉවත් කිරීමට තීරණය කර ඇති බව ශ්‍රී ලංකා ක්‍රිකට් ආරංචි මාර්ග සඳහන් කරයි.

යුද සමයේදී ශ්‍රී ලංකා යුද හමුදා භාරයට පත් කොට තිබූ පලාලි ගුවන්තොටුපොළ අද (05දා) යළිත් සිවිල් ගුවන් සේවා අධිකාරියට භාරදීමට කටයුතු යොදා තිබේ

මඩකලපුව පුදූර් ප්‍රදේශයේදී රථ වාහන රාජකාරියේ යෙදී සිටි පොලිස් නිලධාරීන් දෙදෙනෙකුට පහරදී රිවෝල්වර අවියක් හා එම පතරොම් 05ක් පැහැරගෙන යෑමේ සිදුවීම සඳහා සැකකරුවන් 4ක් අත්අඩංගුවට ගත් බව පොලීසිය පවසයි.

මත්ද්‍රව්‍ය සම්බන්ධ තොරතුරු ලබා ගැනීම සඳහා පොලිස් මූලස්ථානයේ ආරම්භ කර ඇති විශේෂ මෙහෙයුම් මැදිරියට තොරතුරු ලබාදීම සඳහා 1984 කෙටි දුරකතන අංකය හඳුන්වා දී තිබේ.

එක්සත් ජාතික පෙරමුණෙන් ඉදිරි මැතිවරණයට නව මුහුණක් ඉදිරිපත් කරන බවත්, ඒ සම්බන්ධව ඉදිරි සති තුනෙදී රටට සුභ ආරංචියක් ලැබීමට නියමිත බවත් ජාතික ඒකාබද්ධතා, රාජ්‍ය භාෂා, සමාජ ප්‍රගති සහ හින්දු ආගමික කටයුතු අමාත්‍ය මනෝ ගනේෂන් මහතා පැවසීය.

ශ්‍රී ලංකාව ඇතුළු ආසියාවේ රටවල් හතරක බැංකු වෙත සයිබර් ප්‍රහරයක් එල්ලවී ඇති බව www.zdnet.com වෙබ් අඩවිය සඳහන් කරයි. ශ්‍රී ලංකාවට අමතරව ඉන්දියාව, බංග්ලාදේශය හා කජිගිස්තානය ‘සයිලන්ස් හැකර්ස්’ නම් කණ්ඩායමේ සයිබර් ප්‍රහාරයකට ලක්ව ඇති බව එම වෙබ් අඩවිය සඳහන් කරයි.

ඩුබායිහි සැඟව සිටි කාලයේදී මාකඳුරේ මධුෂ් විසින් සිදුකකරන ලද බවට සැකකරන අපරාධ හතරක් පිළිබඳ විමර්ශන ආරම්භ කර ඇතැයි පොලිස් මූලස්ථානය සඳහන් කරයි.

ජාතික පාසල්වල උසස්පෙළ හදාරණ සිසුන් වෙනුවෙන් ටැබ් පරිගණක ලබාදීමෙන් පසුව එම ව්‍යාපෘතිය වයිෆයි පහසුකම් ඇති පළාත් පාසල්ටලට ලබාදෙන බව අග්‍රාමාත්‍ය රනිල් වික්‍රමසිංහ මහතා පවසයි.

මෙම සැකකරු නුවරඑළියේ තව්හීත් ජමාත් සංවිධාන පුහුණු කඳවුරේ දේශන වලට සම්බන්ධ වී ඇති පුද්ගලයකු වෙයි.

මෙතන තිබුණේ වසර ගණනාවක පටන් පැවති ප්‍රශ්නයක් බවත් ඒ ප්‍රශ්නයට මානුෂීය විසඳුමක් ලබාදෙන්න අද අපට හැකි වුණ බව විදුලිබල , බලශක්ති හා ව්‍යාපාර සංවර්ධන අමාත්‍ය රවී කරුණානායක මහතා පවසයි.

රුපියල් දෙකෝටි හැත්තෑ ලක්ෂයක් වටිනා මෙතැම්පටමයින් නැමැති රසායනික විද්‍යාත්මක නාමයෙන් හඳුන්වන භයානක මත්ද්‍රව්‍ය පෙති තොගයක් , ඒවා රැගෙන යෑමට පැමිණි පුද්ගලයෙකු ද සමග කොළඹ මධ්‍යම තැපැල් හුවමාරුවේ දී රේගු නිලධාරීන් විසින් අත්අඩංගුවට ගෙන ඇති බව වැඩබලන රේගු මාධ්‍ය ප්‍රකාශක , රේගු අධිකාරී ලාල් වීරකෝන් මහතා පැවසීය .

‘වහබ් අන්තවාදය මව්බිමෙන් අතුගා දමමු’ යන මැයෙන් සංවිධානය කර ඇති ජනතා ව්‍යාපාර රැළියක් අද (04දා) පස්වරුවේ නුගේගොඩ ආනන්ද සමරකෝන් රංග පීඨයේදී පැවැත්වීය.