දේශපාලන පළිගැනීම්වලට ලක්වූවන් (2015-2019) පිළිබඳ සොයා බලන කමිටුවේ මූලික වාර්තාව අද 02 දින අරලියගහ මන්දිරයේදී අග්‍රාමාත්‍ය මහින්ද රාජපක්ෂ මහතාට භාර දෙන ලදී.

ජනතාව භුක්ති විඳිමින් සිටින ගැටළු නැති ඉඩම් සඳහා මාස 03ක් ඇතුළත නිරවුල් ඔප්පු දෙන්නැයි ජනාධිපති ගෝඨාභය රාජපක්ෂ නිලධාරීන්ට උපදෙස් දෙයි.

අපි රජයක් විදිහට මේ රටින් මත්ද්‍රව්‍ය උවදුර තුරන් කර මත්ද්‍රව්‍ය සම්බන්ධව අග මුල ගිය තැන් සියල්ල සොයන බවත් රටේ සියලුම මිනිස්සු ආරක්ෂා කරන බවත් අධිකරණ අමාත්‍ය ජනාධිපති නීතිඥ මොහොමඩ් අලි සබ්රි මහතා පවසයි.

මට්ටක්කුලිය මැද පාර ප්‍රදේශයේදී ලොරි රථයක් ප්‍රතිවිරුද්ධ දිසාවෙන් පැමිණි තීරෝද රථ දෙකක ගැටීමෙන් සිදුවූ අනතුරකින් කාන්තාවක් ඇතුළු පුද්ගලයන් තිදෙනෙක් මිය ගොස් තවත් දෙදෙනෙක් බරපතළ තුවාල ලැබූ මව මට්ටක්කුලිය පොලීසිය කියයි.

එක්සත් ජාතික පක්ෂ නායකයා ලෙස රුවන් විජයවර්ධන මහතා පත් කොට 2025දී රාජ්‍ය බලය ලබා ගැනීම සඳහා අවස්ථාව සලසා දෙන ලෙසට රනිල් වික්‍රමසිංහ සහ කරු ජයසූරිය යන මහත්වරුන් ඇතුළු කෘත්‍යාධිකාරී මණ්ඩලයෙන් ඉල්ලා සිටින බව ගම්පහ දිස්ත්‍රික් එක්සත් ජාතික පක්ෂ පළාත් පාලන මන්ත්‍රී සංසදය අද (2දා) ගම්පහදී මාධ්‍ය සාකච්ඡාවක් පවත්වමින් පැවැසීය.

පාස්කු ප්‍රහාරයෙන් විපතට පත් කුලී නිවාසයන්හි දිවි ගෙවන පවුල් හයක සාමාජිකයින් සදහා ගණේමුල්ල, බොල්ලත ඉදිකළ නිවාස හයක් ප්‍රදානය කිරීම මැල්කම් කාදිනල් රංජිත් කොළඹ අගරදගුරුතුමන්ගේ ප්‍රධානත්වයෙන් සිදු කෙරිණි.

දිවයිනේ ප්‍රථම වරට උප්පැන්න සහ මරණ සහතික පරිගණක තාක්ෂණය ඔස්සේ ජනතාවට නිකුත් කිරීම අද (2දා) කුරුණෑගල ශික්ෂණ රෝහලේදී ආරම්භ කරනු ලැබීය.

මේජර් ජෙනරාල් ප්‍රියංකර පෙරේරා ඇතුළු යුධ හමුදාවේ කර්නල්වරුන් දෙදෙනෙකුට, මේජර්වරයෙකුට සහ නාගරික සංවර්ධන අධිකාරියට මේ මස (15) දින හැටන් මහෙස්ත්‍රාත් අධිකරණයේ පෙනි සිටින ලෙස හැටන් දිසා විනිසුරු සහ මහෙස්ත්‍රාත් ජේ.ස්ට්‍රොස්කි මහතා විසින් අද (02) දින නොතෙසි නිකුත් කල බව ජනාධිපති නිතිඥය මෛත්‍රි ගුණරත්න මහතා පැවසිය.

20 වැනි ආණ්ඩුක්‍රම ව්‍යස්ථා සංශෝධනයට අදාළව නීතිපතිට ඉදිරිපත් කළ කෙටුම්පත සඳහා ජනමත විචාරණයක් අවශ්‍ය නොවන බවට නීතිපති දප්පුලද ලිවේරා මහතා විසින් අධිකරණ අමාත්‍යාංශ ලේකම්වරයාට දන්වා තිබේ.

පවතින වැසි සහිත කාලගුණික තත්ත්වය හේතුවෙන් උඩරට මාර්ග භාවිතා කිරීමේදී ඒ පිළිබඳව දැඩි අවධානයෙන් යුතුව කටයුතු කල යුතු බව උඩරට පොලීසිය රථ වාහන රියදුරන්ගෙන් ඉල්ලා සිටී.

සපුගස්කන්ද හෙයියන්තුඩුව ප්‍රදේශයේ වඩු මඩුවක සඟවා තිබූ රුපියල් කෝටි 23 අධික වටිනාකමින් හොරෙයින් මත්කුඩු තොගයක් සමග වඩු කාර්මිකයෙකු (2) අත්අඩංගුවට ගත් බව මීගහවත්ත පොලීසිය කියයි

තවත් කෝවිඩ් - 19 ආසාදිතයින් 4ක් පූර්ණ සුවට ලැබීමත් සමග මෙරට පූර්ණ සුවය ලැබූ කෝවිඩ් -19 ආසාදිතයින් සංඛ්‍යාව 2883ක් දක්වා ඉහල ගොස් ඇත.

අද (02) සහ හෙට (03) කොළඹ 12,13,14 සහ 15 යන ප්‍රදේශ වලට පැය 18ක ජල කප්පාදුවක් සිදු කරන බව ජාතික ජල සම්පාදන හා ජලාපවහන මණ්ඩලය සඳහන් කර සිටියි.

වේදනා මර්දනයට විශේෂිතව හඳුන්වා දෙන කොළඹ 07, හෝටන් පෙදෙසේ, අංක 31 ස්ථානයේ, ස්ථාපිත “ලන්ඩන් වේදනා මර්දන කළමනාකරණ මධ්යාස්ථානය“ අග්‍රමාත්‍ය මහින්ද රාජපක්ෂ මැතිතුමාගේ ප්‍රධානත්වයෙන් අද 2020.09.02 දින විවෘත විය.

යතුරු පැදි ආනයන තහනම ඉවත් කරන ලෙස ඉල්ලමින් ඔවුන් මෙම විරෝධතාව සංවිධානය කර තිබේ. රජය ආනයන සීමා කිරීමේ සංකල්පය අනුව මෙසේ යතුරු පැදි ආනයන සීමා කර තිබේ.

මේ වසරේ මෙරට ආරම්භ කෙරෙන විශාලතම සංවර්ධන ව්‍යාපෘතිය වන කටුනායක බණ්ඩාරනායක ජාත්‍යන්තර ගුවන්තොටුපල පුළුල් කිරීමේ ව්‍යාපෘතිය මේ මස අගදී ආරම්භ කෙරේ. ඒ සඳහා අවශ්‍යය සියලු මූලික කටයුතු ද මේ වනවිට අවසන් කර ඇතැයි සංචාරක ඇමති ප්‍රසන්න රණතුංග පවසයි.

නීතිය හා සාමය පිළිබද හිටපු අමාත්‍යවරයෙකු වන රංජිත් මද්දුම බණ්ඩාර සහ හිටපු පාර්ලිමේන්තු මන්ත්‍රී ආශ්‍ර මාරසිංහ අද පාස්කු ප්‍රහාරය සම්බන්ධයෙන් සොයාබලන ජනාධිපති කොමිසමේ පොලිස් ඒකකය වෙත අද පැමිණියා.

ශ්‍රී ලංකාවේ රෝහල් තුළ කොවිඩ් ආසාදිතයන් ප්‍රතිකාර ලබන බවට ඇතැම් පුද්ගලයන්ට අමතක වී ඇති බවත් ජනතාවගෙන් බොහෝ පිරිසක් හැසිරෙන්නේ ලංකාවේ කොවිඩ් නොතිබූ ලෙස යැයි යුද හමුදාපති ලුතිනන් ජනරාල් ශවේන්ද්‍ර සිල්වා මහතා පැවැසීය.

මාතර , මිරිස්ස ප‍්‍රදේශයේ බාල වයස්කාර දරුවෙක් මුහුදු රස්සාවේ රැගෙන ගොස් දින 48 ක් විවිධ කෲර වද හිංසා කිරිමේ සිදුවිම සම්බන්ධව එම දරුවාගේ සුවදුක් විමසිම සදහා කාන්තා හා ළමා සංවර්ධන පෙර පාසල් හා ප‍්‍රාථමික අධ්‍යාපන පාසල් යටිතල පහසුකම් හා අධ්‍යාපන සේවා රාජ්‍ය අමාත්‍ය පියල් නිශාන්ත මහතා දෙවන වරටත් මිරිස්ස බණ්ඩරමුල්ල ප‍්‍රදේශයේ එම දරුවාගේ නිවස වෙත ඊයේ (1) පැමිණියේය.

වැල්ලවාය කොස්ගහවෙල කොටිගංබොක්ක තිරිවානා නිධිය කැණීම් කටයුතු විදිමත් ව හා පරිසර හිතකාමීව සිදු කිරීම සඳහා ගත යුතු ක්‍රියාමාර්ග පිළිබඳව සොයා බැලීම සඳහා පරිසර අමාත්‍ය මහින්ද අමරවීර මහතා ඊයේ (01දා) එම ප්‍රදේශයට ‍ගොස් විශේෂ නිරීක්ෂණ චාරිකාවක නිරත විය.

ඔවුන් මුදල් අමාත්‍යාංශයට හා ජනාධිපති ලේකම් කාර්යාලයට සංදේශයක් භාර දිම වෙනුවෙන් පාගමනින් කොළඹ කොටුවේ සිට පැමිණි අතර පසුව ලෝටස් පාර සම්පූර්ණයෙන් අවහිර කරමින් විරෝධතාවක් ආරම්භ කර තිබේ.

ඊයේ (01) ඉතාලියේ කොවිඩ් ආසාදිතයන් 978 ක් සොයාගත් බව ඉතාලි සෞඛ්‍ය අමාත්‍යාංශය පවසයි.

මහනුවර, පල්ලෙකැලේ ප්‍රදේශයේ නැවතත් පොළොවේ සෙලවීමක් වාර්තා වී තිබේ. අද (02) පෙරවරු 07.06 ට පමණ මෙම සිදුවීම වාර්තා වී තිබේ.

පවතින වැසි සහිත කාලගුණ තත්තවය හේතුවෙන් දිසිත්‍රික්ක 4ක් වෙත නාය යෑමේ නිවේදන නිකුත් කිරීමට ජාතික ගොඩනැගිලි පර්යේෂණ සංවිධානය කටයුතු කර තිබේ.

කාන්තා මත්ද්‍රව්‍ය ජාවාරම්කරුවෙකු වන දිනේෂා සඳමාලි නොහොත් “කුඩු සඳා” හෙරෝයින් ග්‍රෑම් 26ක් ,ජංගම දුරකථන 6ක් සහ ස්වයංක්‍රීය ටෙලර් යන්ත්‍ර 10ක් සමඟ තොටලග ප්‍රදේශයේදි පොලිස් අත්අඩංගුවට ගෙන තිබේ.

ජපානය හා ශ්‍රී ලංකාව අතර පවතින ද්විපාර්ශ්වික සම්බන්ධතාවය තවදුරටත් වැඩිදියුණු වනු ඇතැයි තමන් බලාපොරොත්තු වන බව සිය ධුරයෙන් ඉල්ලා අස්වූ ජපාන අග්‍රාමාත්‍ය සින්ෂෝ අබේ මහතා ප්‍රකාශ කරයි.

ශ්‍රී ලංකාවේ කොවිඩ් - 19 ප්‍රතිකාර සේවාවන් ඉහළ නැංවීමේ අරමුණ ඇතිව එක්සත් ජනපද රජය, අන්තර්ජාතික සංවර්ධනය සඳහා වන එක්සත් ජනපද ඒජන්සිය (USAID) හරහා ශ්‍රී ලංකාවට Portable ventilators යන්ත්‍ර 200 ක් පරිත්‍යාග කිරීමට කටයුතු කර තිබේ.

රත්නපුර දිස්ත‍්‍රික්කයේ සමනළ කඳුවැටිය ආශ‍්‍රීත ප‍්‍රදේශවලට ඇදහැලූන තද වැසි සමග කලූ ගගේ ජලමට්ටම ඉහළයමින් පවතින බව වාරිමාර්ග දෙපාර්තමේන්තුව පවසයි.

දිවයින ආශ්‍රිත පහළ වායුගෝලයේ පවතින කැළඹිලි ස්වාභාවය හේතුවෙන් දිවයිිිිිනේ බොහෝ ප්‍රදේශවලට තද වැසි හා තද සුළං තත්ත්වයක් ඇතිව තිබේ.