ඉන්දියාවෙන් පෙරේදා වාර්තා වූ 83,337ක් වන දෛනික ආසාදිත අගය මෙතෙක් ගෝලීය වශයෙන් දිනක් තුළ වාර්තා වූ වැඩිම ආසාදිත අගය ලෙස සැලකෙන අතර, අසල්වැසි රටවල කොවිඩ්-19 අවදානමද මේ සමග ඉහළ දැමෙයි.

’ද බැට්මෑන්’ නවතම චිත්‍රපටයේ නිෂ්පාදන කටයුතුවලට සම්බන්ධ වූ පුද්ගලයෙකු කොවිඩ්-19 සඳහා ධනාත්මක බව පරීක්‍ෂා කර තිබීම හේතුවෙන්, එහි රූගත කිරීම් තාවකාලිකව අත්හිටුවා ඇති බව වෝනර් බ්‍රදර්ස් සමාගම පවසයි.

මෙම නෞකාව නැගෙනහිර චීන මුහුදේදී සිව්වැනි කාණ්ඩයේ මයිසාක් සුළි කුණාටුවට හසුව ඇති අතර, නෞකාවේ සිටි නාවිකයන් සහ ප්‍රවාහනය කළ ගවයන් සමග එය සාගරයේ සැඟව ගොස් ඇත.

ගෝලීය වශයෙන් නව කොරෝනා වෛරසය ආසාදිතයන් සංඛ්‍යාව 26,200,000 ඉක්මවා ඇති අතර, එන්නතක් තවම නොමැති නිසා සෞඛ්‍යාරක්ෂක ක්‍රම අමතක නොකිරීමේ වැදගත්කම සෞඛ්‍ය බලධාරීන් යළි යළිත් සිහිපත් කරයි.

එක්සත් ජාතික පක්ෂයට නව නායකයෙකු පත්කර ගැනෙන කෘත්‍යාධිකාරී මණ්ඩල රැස්වීම දින නියමකින් තොරව කල් දමා ඇති බව සිරිකොත ආරංචි මාර්ග සඳහන් කරයි.

ආණ්ඩුක්‍රම ව්‍යවස්ථාවේ 19 වැනි සංශෝධනය සම්මත කළ පසු එය අහෝසි කිරීමට යෑම මහා විනාශයක ආරම්භයක් බවද රනිල් වික්‍රමසිංහ මහතා වැඩිදුරටත් සඳහන් කළේය.

නේපාලයේ සහ ඊශ්‍රායලයේ රැදී සිටි ශ්‍රී ලාංකිකයන් 229 දෙනෙකු රැගෙන ශ්‍රී ලන්කන් ගුවන් සේවයේ විශේෂ ගුවන් යානා 02 ක් 9/03 දින රාත්‍රී කටුනායක ගුවන් තොටුපළ වෙත පැමිණ තිබුණි.

ජල නළ එළිමේදී මාර්ගවලට වන හානිය සහ එමගින් ජාතික ධනය විනාශවීම වැළැක්වීමට මාර්ග සංවර්ධන අධිකාරිය සහ ජල සම්පාදන මණ්ඩලය ඒකාබද්ධව සංවර්ධන සැලසුම් ක්‍රියාත්මක කිරීමට ද එකඟතාව පළ කෙරිණි.

එක්සත් ජාතික පක්ෂ නායකත්වයට රුවන් විජයවර්ධන මහතා පත් කරන ලෙස වූ යෝජනාවක් එම පක්ෂයේ කෘත්‍යාධිකාරී මණ්ඩලයට නිල වශයෙන් භාරදීමට සූදානම් බව ජාතික යොවුන් පෙරමුණේ ප්‍රධාන ලේකම් දර්ශන චතුරංග බ්‍රහ්මණ මහතා පැවසීය.

කලුතර,මිගමුව,මාතර හා හෝමාගම මහාධිකරණවල නඩු 600කට වඩා ගොඩගැසි ඇති නිසා නීතිපති දෙපාර්තමේන්තුව එ වෙනුවෙන් අතිරේක රජයේ අධිනිතීඥයෙක් යෙදවිමට තිරණය කර තිබේ.

රාජ්‍ය අංශයේ හා පෞද්ගලික අංශයේ සේවයේ නියතු මධ්‍යම පාන්තික ආදායම්ලාභී සේවකයන් සඳහා ඔවුන්ගේ ආදායමට දැරිය හැකි නිවාස ලබාදීමට රජයේ අවධානය යොමුව තිබේ.

පාර්ලිමේන්තුවේ භෝජනාගාරයේ භාණ්ඩ භාරගැනීමේ නිළධාරියා පලතුරු සැපයුම්කරුවෙකු ගෙන් රුපියල් 60,000 ක අල්ලස් මුදලක් ලබා ගනිද්දී අත්අඩංගුවට ගත් බව අල්ලස් හෝ දූෂණ චෝදනා විමර්ශන කොමිෂන් සභාවේ අධ්‍යක්ෂ කාන්තා ජේෂ්ඨ පොලිස් අධිකාරි පද්මිණී වීරසූරිය මහත්මිය පැවසුවාය

නාගරික සංවර්ධන, වෙරළ සංරක්ෂණ, අපද්‍රව්‍ය බැහැරලීම හා ප්‍රජා පවිත්‍රතා රාජ්‍ය අමාත්‍ය ආචාර්ය නාලක ගොඩහේවා සිය අමාත්‍ය ධූරයේ රාජකාරී භාර ගැනීමෙන් පසු අති උතුම් මැල්කම් කාදිනල් රංජිත් අගරදගුරුතුමෝ බොරැල්ල අගරදගුරු නිල නිවසේදී 2020.09.03 වන දින මුණගැසී ආශිර්වාද ලබා ගන්නා ලදී.

සමෘද්ධි, ගෘහ ආර්ථික, ක්ෂුද්‍ර මූල්‍ය, ස්වයං රැකියා, ව්‍යාපාර සංවර්ධන හා ඌණ උපයෝජන, රාජ්‍ය මූල්‍ය සම්පත් සංවර්ධන රාජ්‍ය අමාත්‍ය ෂෙහාන් සේමසිංහ මහතා සහ මාලදිවයින් මහ කොමසාරිස් ඔමාර් අබ්දුල් රසාක් මහතා අතර හමුවක් අද (03) පැවැත්විණි.

දඹුල්ල මූලික රෝහලේ පැතිරී ඇති මකුණු ගහනය පිළිබඳව ජනමාධ්‍ය මඟින් හෙළිදරව් කිරීමෙන් අනතුරුව රෝහල් කාර්ය මණ්ඩලය දඹුල්ල මහනගර සභාව එක්ව රෝහලේ මකුණු මර්දනය කිරීම සඳහා කෘමිනාශක ඉසීමේ වැඩපිළිවෙලක් අද දින ක්‍රියාත්මක වූහ.

තවත් කොරෝනා ආසාදිතයින් පස් දෙනෙකු හදුනාගෙන ඇති අතර එ අනුව කොරෝනා ආසාදිතයින් ගණන 3111 දක්වා ඉහළ ගොස් තිබේ.

2018 වර්ෂයේ අ.පො.ස උසස් පෙළ ප්‍රතිඵල මත 2020 වර්ෂය සඳහා ජාතික අධ්‍යාපන විද්‍යාපීඨවලට ශික්ෂණලාභීන් ඇතුළත් කිරී‍මට අදාළ ගැසට් නිවේදනය හෙට (04 ) ගැසට් පත්‍රයේ පළ කෙරේ.

පිලියන්දල මාකන්දන විජිතපුර නිවසක සගවා තිබු අත් මාංචු කුට්ටම් දෙකක් හා ගංජා ග්‍රෑම් 5ක් සමග එකම පවුලේ සොහොයුරන් දෙදෙනෙක් (3) අත්අඩංගුවට ගත් බව ගල්කිස්ස කොට්ඨාස ක්ෂණික මෙහෙයුම් වැටලීම් ඒකකය කියයි

ලබන සැප්තැම්බර් 08 වැනිදා සිට 11 වැනිදා දක්වා පාර්ලිමේන්තුව රැස්කිරීමට අද (03) පෙරවරුවේ කථානායක මහින්ද යාපා අබේවර්ධන මහතාගේ ප්‍රධානත්වයෙන් පැවැති පාර්ලිමේන්තු කටයුතු පිළිබද කාරක සභාවේදී තීරණය කර තිබේ.

ඉන්දියාවේ සිට නීතිවිරෝධී අයුරින් මෙරට ට ආනයන කරන ලද කහ තොගයක් බේරුවල වරායේ ධීවර යාත්‍රාවක සඟවා තිබියදී නාවික හමුදාවේ වෙරළ ආරක්ෂක නිලධාරීන් සහ බේරුවල පොලිසිය ඒකාබද්ධව සිදුකළ වැටලීමකදී (3) සොයා ගැනීමට හැකි වී ඇත

ශ්‍රී ලංකාවෙන් වාර්තා වන කොරෝනා ආසාදිතයින් ගණන 3104 දක්වා ඉහළ ගොස් තිබේ.

මෙම සතිය අවසන් වනවිට නීතිපති දෙපාර්තමෙන්තුවේ මත්ද්‍රව්‍ය නඩු අංශයේ මත්ද්‍රව්‍ය සිද්ධීන් වලට අදාළ කිසිඳු නඩු ගොනුවක් ඉතිරි නොවීමට කටයුතු කරන ලෙස නීතිපති දප්පුල ද ලිවේරා මහතා එම අංශයේ නිලධාරීන්ට අද (03) උපදෙස් ලබා දී ඇත.

කොවිඩ් 19 අභියෝගයට සාර්ථකව මුහුණ දුන් රටවල් අතර ශ්‍රී ලංකාව ඉදිරියෙන්ම සිටින බවත් එම අභියෝගය ජය ගැනීමට රජය ගත් පියවර ඉතා අගය කරන බවත් ශ්‍රී ලංකාවේ නෝවීජියානු තානාපතිනි ට්‍රීනි යොරන්ලි එස්කඩා මහත්මිය පැවසුවාය.

උඩරට දුම්රිය මාර්ගයේ හාලිඇල - සහ උඩුවර යන දුම්රිය ස්ථාන අතර ස්ථානයකදී අද (3) දා ප.ව. 3.00 ට පමණ තරුණියක් දුම්රිය පැන සියදිවි නසාගෙන තිබේ .

20 වැනි ආණ්ඩුක්‍රම ව්‍යවස්ථා සංශෝධනය ගැසට් මගින් ප්‍රකාශයට පත්කර තිබේ. රජයේ මුද්‍රණ දෙපාර්තමේන්තුවේ වෙබ් අඩවිය හරහා මෙය පළකර තිබේ.

කහ සහ ගම්මිරිස් සඳහා ස්ථාවර මිලක් දී වගාකරුවන් රැකගත යුතුයැයි ජනාධිපති ගෝඨාභය රාජපක්ෂ අවධාරණය කරයි.

ඊසි කෑෂ් ක්‍රමය යටතේ දඹුල්ල ,බකමූණ ,නාවුල, සීගිරිය ,ගලේවෙල ආදී ප්‍රදේශවලට හෙරෝයින් බෙදාහරින ජාවාරමේ නිරත වූ පුද්ගලයින් එකොළොස් දෙනෙකු සැකපිට අද (3) දින දහවල් දඹුල්ල පොලිසිය මගින් අත්අඩංගුවට ගෙන තිබේ.

අඟුරුවාතොට බටගොඩ සහ උඩුවර ප්‍රදේශවල සිදුකළ වැටලීම් දෙකකින් රුපියල් ලක්ෂ පහකට අධික වටිනා මත්පෙති , හොරෙයින් මත්කුඩු සහ ගංජා සමග පුද්ගලයන් දෙදෙනෙක් (3) අත්අඩංගුවට ගත් බව අඟුරුවාතොට පොලීසිය කියයි

හම්බන්තොට දිස්ත්‍රික් මහ රෝහලේ නේවාසික ප්‍රතිකාර ලැබූ පිළිකා රෝගීන් දෙදෙනෙකු එන්නත් ලබා දුන් පසුව එම රෝගීන් දෙදෙනා ජීවිතක්ෂයට පත්වීම සම්බන්ධයෙන් අප අමාත්‍යාංශය හරහා විධිමත් පරික්ෂණයක් සඳහා අවශ්‍ය කටයුතු මේ වනවිටත් ක්‍රියාත්මක වෙමින් පවතින බව ඖෂධ නිෂ්පාදන සැපයීම හා නියාමනය පිළිබඳ රාජ්‍ය අමාත්‍ය චන්න ජයසුමන මහතා පවසන ලදී.