සංවර්ධනයේ අදුරු සෙවනැලි මකාලමින්, ගතානුගතික සම්ප්‍රදායෙන් ඔබ්බට ගොස් සෞභාග්‍යයේ නව එළිය පතුරුවාලන්නට සියලුදෙනා ජන හදට ලංවි වැඩකළ යුතු කාලය දැන් එළඹ ඇතැයිද අමාත්‍යවරයා පැවැසීය.

සිංහරාජ ලෝක උරුමය ආරක්ෂා කර ගැනීමට කටයුතු කරන ලෙස සඳහන් කරමින් හිටපු අමාත්‍ය මංගල සමරවීර මහතා යුනෙස්කෝව වෙත ලිපියක් යොමුකර තිබේ.

තවත් ආසාදිතයින් දෙදෙනෙක් වාර්තා වීමත් සමග මෙරට කෝවිඩ් - 19 ආසාදිතයින් සංඛ්‍යාව 3113 දක්වා ඉහල ගොස් ඇත.

මාතලේ ප්‍රදේශයේ ප්‍රධාන පෙළේ ළමා නිවාසයක පරිවාස භාරයේ සිටි බාල වයස්කාර සිසුන් තිදෙනෙකු එහි තාප්පයෙන් පැන පළා යමින් සිටියදී වාහනයක ගමන් ගත් අයෙකුට හමුවී කටුගස්තොට පොලිසිය වෙත අද 04 භාර දෙනු ලැබ තිබේ.

ශ්‍රී ලංකා රතු කරුස සංවිධානයේ අනුග්‍රහයෙන් හා සම්බන්ධිකරණයෙන් විශේෂිත ආරක්ෂිත PCR පරික්ෂන සදහා භාවිතා කරණ ලක්ෂ 10 ක පමන වටිනා ඇදුම් කට්ටල 5000ක් ශ්‍රී ලංකා රතු කරුස සංවිධානයේ අධ්‍යක්ෂ ජෙනරාල් මහේස් ගුණසේකර මහතා විසින් මහනුවර මහ රෝහලේ අධ්‍යක් වෛද්‍ය සමන් රත්නායක වෙත අද (04) මහනුවර මහරෝහලේදි පරිත්‍යාග කළේය.

ගිනිගෙන අනතුරට පත්වී ඇති MT-New Diamond තෙල් නෞකාවෙන් සමුද්‍රිය ඇතුළු පරිසරයට සිදුවිය හැකි හානි වළක්වා ගැනීමට අවශ්‍ය උපරිම ක‍්‍රියාමාර්ග ගන්නා ලෙස නාගරික සංවර්ධන හා නිවාස අමාත්‍යවරයා වශයෙන් අග‍්‍රාමාත්‍ය මහින්ද රාජපක්ෂ මැතිතුමා වෙරළ සංරක්ෂණ හා වෙරළ සම්පත් කළමණාකරණ දෙපාර්තමේන්තුවට උපදෙස් ලබාදී ඇති බව නාගරික සංවර්ධන හා නිවාස අමාත්‍යාංශයේ ලේකම් සිරිනිමල් පෙරේරා මහතා ප‍්‍රකාශ කරයි.

තවත් කොරොනා ආසාදිතයන් 18 දෙනෙකු පුර්ණ සුවය ලබා රෝහල්වලින් පිටව ගොස් ඇත.

ප්‍රංශයේ රැදී සිටි ශ්‍රී ලාංකිකයන් 198 දෙනෙකු රැගෙන ශ්‍රී ලන්කන් ගුවන් සේවයේ විශේෂ ගුවන් යානයක් 9/04 දින දහවල් මත්තල ගුවන් තොටුපළ වෙත පැමිණ තිබේ .

වැල්ලවාය ඌව කුඩාඔය පොලිසිය විසින් සිදු කල හදිසි වැටලීමකදී සපත්තුවක් තුල සූක්ෂම ලෙස හෙරොයින් ග්‍රෑම් දදකයි මිලිග්රැම් අනූවක් සගවාගෙන සිටි සැකකරුවකු අත්අඩංගුවට ගෙන ඇත

රට තුළ ඇති වී තිබෙන ආර්ථික තත්වය සැළකිල්ලට ගෙන ලංකාවට ග්‍රැනයිට් ආනයනය කිරීම තාවකාලිකය තහනම් කර තිබියදී සමාගම් පහකට ග්‍රැනයිට් ආනයනය කිරීමට අවස්ථාව ලබාදී ඇති බව පාරිභෝගික අයිතින් සුරැකීමේ ජාතික ව්‍යාපාරරය පවසයි..

ආනවිළුන්දාව රම්සා අභය භූමිය තුල ඉස්සන් පොකුණක් ඉදිකිරීම සදහා භූමිය සකස් කළ බව කියන පුද්ගලයින් දෙදෙනා ලබන 18 වනදා දක්වා තවදුරටත් රක්ෂිත බන්ධනාගාරගත කර තිබෙනවා.

නැගෙනහිර මුහුදේ ගිනි ගැනීමකට ලක්ව තිබෙන ඉන්ධන නැව සම්බන්ධව අද දින 04 පරිසර අමාත්‍යාංශයේ දී විශේෂ සාකච්ඡාවක් පැවැත්විනි.

දිවයින පුරා ජනතාවට සහන මිලට අළුත් මාළු මිලදී ගැනිමට සැලැස්වීම උදෙසා දිවයින පුරා මාළු අලෙවිසැල් ඇරඹීමට කටයුතු සංවිධානය කර ඇතැයි ධීවර අමාත්‍යාංශය පවසයි.

අලුතින් මිලදීගත් ධිවර යාත්‍රාවකින් මුහුදට ඇද වැටීමෙන් ධීවර කාර්මික දෙදරු පියකු අතුරුදන් වී ඇති බවට අද(4) පැමිණිල්ලක් ලැබී ඇතැයි තංගල්ල මූලස්ථාන පොලිසිය කියයි.

හිටපු මුදල් අමාත්‍ය රවි කරුණානායක මහතා ඇතුළු පිරිසක් අත්අඩංගුවට ගැනීම සඳහා නිකුත් කර තිබෙන වරෙන්තු ක්‍රියාත්මක කිරීම වළක්වාලමින් තහනම් නියෝග නිකුත් කළ පෙත්සම්වලට අදාළ විරෝධතා ඉදිරිපත් කිරීම සඳහා අභියාචනාධිකරණය විසින් මේ මස 14 වනදා දක්වා නීතිපතිවරයාට කල් දී තිබේ.

බීමත්ව අශෝභනව හැසිරීම සම්බන්ධයෙන් මත්තේගොඩ පොලිසියේ කොස්තාපල්වරුන් දෙදෙනෙක් (4) අත්අඩංගුවට ගත් බව මත්තේගොඩ පොලිසිය කියයි

ආයුර්වේද මධ්‍යස්ථානයක් මුවාවෙන් රාජගිරිය ප්‍රදේශයේ පවත්වාගෙන ගිය ගණිකා මධ්‍යස්ථානයක් වටලා එහි රැඳී සිටි කාන්තාවන් හතර දෙනෙක් ඊයේ 4 අත්අඩංගුවට ගත් බව නුගේගොඩ විශේෂ අපරාධ විමර්ශන අංශය කියයි

රුපියල් ලක්ෂ හතරකට අධික වටිනා හොරෙයින් මත්කුඩු සමග එකම පවුලේ සහෝදරියන් දෙදෙනෙක් පානදුර නිව්ඩාව ප්‍රදේශයේ නිවසකදී අද (4දා) අත්අඩංගුවට ගත් බව පානදුර දකුණ පොලීසිය කියයි. සැකකාරියන් සමග මත්කුඩු ග්‍රෑම් 15 කට ආසන්න ප්‍රමාණයක් ජංගම දුරකථන හතරක් සහ බැංකු ගිණුම් පොතක් පොලිස් භාරයට ගෙන ඇත.

ඊයේ (03) ඉතාලියේ කොවිඩ් ආසාධිතයන් 1397 ක් සොයාගත් බව ඉතාලි සෞඛ්‍ය අමාත්‍යංශ​ය පවසයි

බිබිල නගරයේ ප්‍රාදේශීය සභාව ඉදිරිපිටදී ඊයේ (03දා) ස්කැවේටර් යන්ත්‍රයකට යටවීමෙන් 77 හැවිරිදි අටදරු පියෙකු ජීවිතක්ෂයට පත්වී ඇතැයි බිබිල පොලීසිය පවසයි.

පසුගිය සතිය තුල නාවික හමුදාව විසින් ක්‍රියාත්මක කල විශේෂ මෙහෙයුම් මගින් නීතිවිරෝධී ලෙස ධීවර කර්මාන්තයේ යෙදුනු පුද්ගලයින් 29 දෙනෙකු සහ ධීවර ආම්පන්න නාවික හමුදා භාරයට ගැනීමට කටයුතු කෙරිණි.

ශ්‍රී ලංකාව මතු අනාගතයේ දී ආනයනික භාණ්ඩවලින් පිරුණු රටක් වෙනුවට අපනයන වෙළඳපොළ ජයගත් මිනිසුන්ගෙන් පිරුණු රටක් බවට පත් කිරීමට අවශ්‍ය තාක්ෂණය, ඊට අදාළ මානසිකත්වය හා සංස්කෘතිය නිර්මාණය කිරීමට කැප වන ලෙස කර්මාන්ත ක්ෂේත්‍රයට අදාළ සියලු පිරිස් වෙතින් කර්මාන්ත අමාත්‍ය විමල් වීරවංශ මහතා ඉල්ලා සිටියි.

’’ලිංගික සෞඛ්‍යය අපගේ සමස්ත සෞඛ්‍යයේ වැදගත් අංගයක්. කෙසේ වෙතත් කොවිඩ්-19 කාලය තුළ ලිංගිකත්වය සංකීර්ණ විය හැකියි.’’ කැනඩාවේ ප්‍රධාන මහජන සෞඛ්‍ය නිලධාරී වෛද්‍ය තෙරේසා ටෑම් කියයි.

පානදුර දකුණ පොලිසිය මගින් හෙරොයින් සන්තකව සිටි කාන්තාවන් දෙදෙනෙකු අත්අඩංගුවට ගෙන තිබෙනවා.

ඇමෙරිකා එක්සත් ජනපදයේ සමස්ත කොවිඩ්-19 ආසාදිතයන් සංඛ්‍යාව 6,149,289ක් දක්වා ඉහළ ගොස් ඇති අතර, එරට සමස්ත කොවිඩ්-19 මරණ සංඛයාව 186,785කි.

බොහෝ රටවල මරණ නිල වශයෙන් ලියාපදිංචි වී නොමැති බැවින් මෙම සංඛ්‍යා පවා සැලකිය යුතු අවතක්සේරු කිරීමක් විය හැකි බව ඇම්නෙස්ටි පවසයි.

බ්‍රසීලයේ කොවිඩ්-19 වෛරසය ආසාදිතයන්ගේ සුළු පහළ යෑමක් තිබුණත්, එරට මරණ සංඛ්‍යාව තවදුරටත් පහළ ගොස් නොමැත. රුසියාවේ ආසාදිතයන් වාර්තා වීමද එක් මට්ටමක තවදුරටත් පවතින බව සඳහන් වෙයි.

ආපදාවට පත් ‍නෞකාවේ කාර්යමණ්ඩලයේ 23 දෙනා අතරින් 22කු බේරා ගැනීමට සමත්වූ බව නාවික හමුදාව නිවේදනය කරයි.

මෙම නෞකාවේ ඇති වූ ගින්නෙන් එහි ගබඩා කර ඇති මෙට්‍රික්ටෝන් 2,70,000ක් වූ බොරතෙල් සංචිතයට මේ වන තෙක් කිසිදු බලපෑමක් සිදු වී නොමැති අතර ගින්න එම බොරතෙල් සංචිත ගබඩාවන් වෙත පැතිරයාම වැළැක්වීම සඳහා අවශ්‍ය පියවර ගනිමින් සිටී.