ජාතික නිදහස් පෙරමුණේ නායක අමාත්‍ය විමල් වීරවංශ මහතා හා එම පක්ෂයේ පාර්ලිමේන්තු මන්ත්‍රි ජයන්ත කැටගොඩ මහතා අතර පාර්ලිමේන්තුව තුළ අද දිනයේදී උණුසුම් තත්ත්වයක් ඇතිව තිබෙන බව වාර්තා වෙයි.

මීගොඩ ආර්ථික වෙළෙද මධ්‍යස්ථානයේ ව්‍යාපාරිකයකු හට කෝවිඩ් වෛරසය ආසාදනය වී ඇති බවට තහවුරු වී ඇත.

තවත් කෝවිඩ් ආසාදිතයින් 44 දෙනෙක් පුර්ණ සුවය ලබා පිටව ගොස් ඇත.

පවතින කොවිඩ් -19 වසංගත තත්ත්වය හෙතුවෙන් මහජන දිනය ඇතුළු සියලු හමුවීම් අත්හිටුවීමට රාජ්‍ය සේවා කොමිසන් සභාව තීරණය කර ඇත.

වෙනත් රටක පුරවැසිභාවය හිමි පුද්ගලයන්ටද ශ්‍රී ලංකාවේ පාලනයට එක්වීමට හැකිවන ආකාරයට රටේ ආණ්ඩුක්‍රම ව්‍යවස්ථාව සංශෝධනය කිරීමට රජය දරණ උත්සාහය පිළිබඳව සිය ව්‍යාපාරය බලවත් විරෝධය පළ කරන බව සාධාරණ සමාජයක් සඳහා වන ව්‍යාපාරය බලවත් විරෝධය පළ බව එහි සභාපති කරු ජයසූරිය මහතා නිවේදනයක් නිකුත් කරමින් පවසයි.

කුරුණෑගල ශික්ෂණ රෝහලට අයත් තැලසීමියා රෝග ප්‍රතිකාර ඒකකයේ සේවය කරන උපස්ථායිකාවකට කොරෝනා වෛරසය ආසාදනය වී ඇති බව අනාවරණය වීම හේතුවෙන් එම ඒකකය අද (21දා) සිට තාවකාලිකව වසා දැමීමට රෝහල් බලධාරීන් පියවර ගෙන ඇත.

අද (21) රාත්‍රී 10 සිට එළඹෙන සඳුදා උදෑසන 5 දක්වා ගම්පහ දිස්ත්‍රික්කයට නිරෝධායන ඇඳිරි නීතිය පැනවීමට තීරණය කර තිබේ.

ද්විත්ව පුරවැසියන් පාලනයට සම්බන්ධ නොවිය යුතු බවත් විසිවැනි ව්‍යවස්ථා සංශෝධනෙය් සඳහන් ද්විත්ව පුරවැසි වගන්තියට කාරක සභා අවස්ථාවේදී වෙනසක් කළ යුතු යැයි පාර්ලිමේන්තු මන්ත්‍රී වාසුදේව නානායක්කාර මහතා පැවැසීය.

සාමාන්‍යයෙන් දිනකට පාසැල් පද්ධතිය තුළ පමණක් ඉවත ලන හිස් කාබන් පෑන් බට ප්‍රමාණය කිලෝ 80ක් පමණ වේ. ඒ් අනුව වසරකට පාසැල් පද්ධතිය මගින් පරිසරයට බැහැර කරන හිස් කාබන් පෑන් බට ප්‍රමාණය කිලෝ ග්‍රෑම් 29,000 ඉක්මවයි. නමුත් තවමත් රාජ්‍ය ආයතන හා පුද්ගලික ආයතන මෙන්ම වෙනත් අංශ විසින් දිනපතා බැහැර කරන කාබන් පෑන් බට ප්‍රමාණය කෙතෙක් දැයි මෙතෙක් කිසිදු සංගණනයක් සිදු කර නැත.

අධිකරණයට අපහාස කළේ යැයි හිටපු අමාත්‍ය රංජන් රාමනායක මහතාට එරෙහිව ඉදිරිපත් කර ඇති පැමිණිල්ලක් නොවැම්බර් මස 06 වනදා යළි කැඳවන ලෙස ශ්‍රේෂ්ඨාධිකරණය නියම කළේය.

කොටවෙහෙර ප්‍රදේශයෙන් දෙවන කොරෝනා වෛරස් ආසාධිතයාත් අද 21 දා වෛද්‍ය වාර්ථා වලින් තහවුරු වී ඇති බව සෞඛ්‍ය වෛද්‍ය නිලධාරී කාර්යාලය පවසයි .

විසි වැනි සංශෝධනය ගෙනඑන්නේ රටඅරාජික කළජනතාවට එපා වූ 19 වැනි සංශෝධනය ඉවත් කිරීමට බව අග්‍රාමාත්‍ය මහින්ද රාජපක්ෂ අද 2020.10.21 දින පාර්ලිමේන්තුවේදී පැවැසීය.

ශ්‍රී ලංකා ප්‍රිමියර් ලීග තරගාවලියේ නුවර කණ්ඩායම ඉන්දීය සුපිරි නළු සල්මන් ඛාන්ගේ පවුල විසින් මිලදීගෙන ඇති බව ඉන්දීය මාධ්‍ය වාර්තා කරයි.

ශ්‍රී ලංකා රජය ගෙනයන කලාපයේ වඩාත් ප්‍රශස්ත කොරෝනා මර්ධන මෙහෙයුම සදහා ජපන් ශ්‍රී ලංකා ඓතිහාසික මිතුදම සංකේතවත් කරමින් ඇමරිකානු ඩොලර් මිලියන 9.6 මුදලක් ලබාදෙන බවත්, ශ්‍රී ලංකාවේ විදුලිබල ක්ෂේත්‍රයේ උන්නතිය වෙනුවෙන් ජපන් තාක්ෂණික හා මූල්‍ය සහයෝගය ඉදිරියටද ලැබෙනු ඇති බවත් ශ්‍රී ලංකාවේ ජපාන තානාපති එච්.ඊ. අකිරා සුගියාමා මහතා පවසයි.

පෑලියගොඩ තොග මත්ස්‍ය වෙළෙද සංකීර්ණයේ සේවය කරනු ලබන පුද්ගලයින් 49 දෙනෙකු හට නව කොරෝනා වෛරසය ආසාදනය වී ඇති බවට පෙරේදා දිනයේදී සිදුකළ PCR පරීක්ෂණයකින් තහවුරු වී ඇති බව කැලණිය සෞඛ්‍ය වෛද්‍ය නිලධාරී කාර්යාලය සඳහන් කර සිටියි.

රුපියල් දෙකෝටි දෙලක්ෂ හතලිස් දහසක් (20,240,000/=) ක් වටිනා මෙතැම්පටමයින් නැමැති භයානක මත්ද්‍රව්‍ය පෙති 4,048 ක් සූක්ෂම ලෙස සගවා , ත්‍යාගයක් සේ පාර්සල් කර ප්‍රංශයේ සිට කොළඹ මධ්‍යම තැපැල් හුවමාරුව වෙත එවා තිබියදී රේගු මත්ද්‍රව්‍ය පාලන අංශයේ නිලධාරීන් පිරිසක් විසින් 10/20 දින රාත්‍රී එය භාර ගැනීමට පැමිණි කාන්තාවක ද සමග අත් අඩංගුවට ගෙන ඇතැයි රේගු මාධ්‍ය ප්‍රකාශක , අතිරේක රේගු අධ්‍යක්ෂ ජනරාල් සුනිල් ජයරත්න මහතා පැවසීය .

ඩුබායි සැඟවී සිටින සංවිධානාත්මක අපරාධ කරුවෙක් හා මත්ද්‍රව්‍ය ජාවාරම්කරුවෙක් වන රත්මලාන කුඩු අංජු නැමැත්තාගේ මත්ද්‍රව්‍ය ජාවාරමට සම්බන්ධ කාන්තාවක් ඇතුළු පුද්ගලයින් තිදෙනෙක් රුපියල් ලක්ෂ 6ක මත්කුඩු සමග අද (21) අත්අඩංගුවට ගත් බව ගල්කිස්ස පොලිසිය කියයි

2016 වසරේ රාජගිරිය ප්‍රදේශයේදී රිය අනතුරක් සිදුකර තරුණයෙකුට බරපතල තුවාල සිදු කිරීම ඇතුළු චෝදනා යටතේ හිටපු අමාත්‍ය පාඨලී චම්පික රණවකට අද (21) කොළඹ මහාධිකරණය හමුවේ අධිචෝදනා පත්‍ර භාර දී ඇත.

මේ වන විට රක්ෂිත බන්ධනාගර ගත කර සිටින පාර්ලිමේන්තු මන්ත්‍රී රිෂාඩ් බද්යුදීන් මහතාට දින 14ක් නිරෝධානයට යොමුකර ඇති හෙයින් ඔහුට පාර්ලිමේන්තුවට පැමිණීමට නොහැකි බව කථානායක මහින්ද යාපා අබේවර්ධන මහත පැවැසීය.

අහුංගල්ල ඌරගහ පාරේ අවමංගල්‍ය උත්සවයකට සහභාගී වූ තිදෙනකු කොරෝනා ආසාදිතයන් බව තහවුරු වී ඇතැයි ගාල්ල දිස්ත්‍රික් සෞඛ්‍ය වෛද්‍ය නිලධාරී කාර්යාලය පවසයි.

වැලිකඩ බන්ධනාගාරයේ සිට දුරකථන හරහා ක්‍රියාත්මක මත්ද්‍රව්‍ය ජාවාරමක ප්‍රධාන සැකකරු ඇතුළු පුද්ගලයන් තිදෙනෙක් රුපියල් ලක්ෂ 10 ආසන්න වටිනා මත්කුඩු සමග අද 21 මොරටුව නගරයේදී අත්අඩංගුවට ගත් බව ගල්කිස්ස කොට්ඨාස අපරාධ විමර්ශන අංශය කියයි .

කහතුඩුව හයිඩ‍්‍රාමනී ආයතනයේ සේවය කළ හොරණ සෞඛ්‍ය වෛද්‍ය නිලධාරී බල ප‍්‍රදේශයේ තලගල පදිංචි තවත් සේවකයකුට කොරෝනා වැළඳී ඇතැයි හොරණ සෞඛ්‍ය වෛද්‍ය නිලධාරී වෛද්‍ය චානක මල්ලිකාරච්චි මහතා පවසයි.

20 වැනි ආණ්ඩුක්‍රම ව්‍යවස්ථා සංශෝධන පනත් කෙටුම්පත සම්බන්ධයෙන් වන පාර්ලිමේන්තු විවාදය මේ වන විට ආරම්භ කර තිබේ.

කොවිඩ් 19 සම්බන්ධයෙන් විපක්ෂනායක සජිත් ප්‍රේමදාස මහතා හා සෞඛ්‍ය අමාත්‍ය පවිත්‍රා වන්නිආරච්චි මහත්මිය අතර උණුසුම් වචන හුවමාරුවක් පාර්ලිමේන්තුවේදී ඇතිවිය.

තමා අත්අඩංගුවට ගැනීම වළක්වන ලෙස ඉල්ලමින් හිටපු අමාත්‍ය රිෂාඩ් බද්යුදීන් මහතාගේ සෙහොයුරු රියාජ් බද්යුදීන් මහතා අභියාචනාධිරකරණයට ඉදිරිපත් කළ පෙත්සම අභියාචනාධිකරණය ප්‍රතික්ෂෙප කර තිබේ.

මෙවර පහ ශ්‍රේණිය ශිෂ්‍යත්ව විභාගයේ පිළිතුරු පත්‍ර ඇගයීම් කටයුතු හෙට (22) දිනයේ සිට ආරම්භ කරන බව විභාග දෙපාර්තමේන්තුව පවසයි.

20 වැනි ව්‍යවස්ථා සංශෝධනය සම්බන්ධයෙන් කාරක සභා අවස්ථාවේදී ඉදිරිපත් කළ යුතු සංශෝධන අද පස්වරු 6.00 ට පෙර පාර්ලිමේන්තු මහලේකම්වරයාට ඉදිරිපත් කරන ලෙස කථානායක මහින්ද යාපා අබේවර්ධන මහතා පාර්ලිමේන්තුවට දැනුම් දුන්නේය.

වෙඩි හුවමාරුවේදී ඝාතනයට ලක්වූ මෙරට ප්‍රභල සංවිධානාත්මක අපරාධකල්ලි සාමාජිකයෙක් වන මාකඳුරේ මදූෂ්ගේ අවසන් කටයුතු අද දිනයේදී සිදුකිරීමට නියමිතව තිබේ.

අද (21දා) දිනයේ සිට නගරාන්තර දුම්රිය ගමන්වාර කිහිපයක් තාවකාලිකව අත්හිටුවීමට දුම්රිය දෙපාර්තමේන්තුව තීරණය කර තිබේ.