අරමුදලට බැර වූ මුළු මුදල- රු. 1,752,402,793.24 අරමුදලේ පවතින ශේෂය -රු. 1,360,922,969.24

අද (10) දිනය තුළදී ප්‍රතිකාර ලබමින් සිටි කොවිඩ් ආසාදිතයින් 1,148ක් ප්‍රතිකාර ලබා රෝහල්වලින් පිටව ගිය බව සෞඛ්‍ය අංශ පවසති.

විපක්ෂනායකතුමා හිතන විදියට කඩයකට ගිහින් පාන් ගෙඩියක් ගන්නවා වගේ කොවිඩ් එන්නත් ලබා ගන්න බැහැ. අනුමත කරලා තියෙන එන්නත් 03 මේ වනවිට එන්නත කිරිම ආරම්භ කරලා තියෙනවා. ඉදිරි එන්නත් සඳහා අවශ්‍ය කටයුතු කරලා තියෙනවා. දැන් තියෙන්නේ අදාළ රටවල් සමග සාකච්ඡා කරලා එන්නත් ටික ලබාගැනිම.

කොරෝනා රෝගය ව්‍යාප්ත වීම පාලනය කිරීමේ අරමුණින් නැගෙනහිර පළාතේ දිස්ත්‍රික් අතර සංචරණ සීමා පැනවීමට අවශ්‍ය ක්‍රියාමාර්ග ගන්නැයි පළාත් ආණ්ඩුකාර අනුරාධා යහම්පත් මහත්මිය ආරක්ෂක අංශ වෙත නියෝග කර තිබේ.

කොවිඩ් වසංගතයේ තෙවැනි රැල්ල හේතුවෙන් රට වසා දැමීමක් සිදු නොවන බව යුද හමුදාපති ජනරාල් ශවෙන්ද්‍ර සිල්වා මහතා පැවැසීය.

මධ්‍යම පළාතට අයත් මහනුවර මාතලේ සහ නුවරඑළිය දිස්ත්‍රික්කවලින් අද (10) පෙරවරුව දක්වා වූ ගෙවී ගිය පැය 24 ක කාලය තුල නව ආසාදිතයින් 246දෙනෙකු වාර්තා වීමත් සමඟ මධ්‍යම පළාත තුලින් මේ දක්වා කොවිඩ් 19 වෛරසය ආසාදිත සංඛ්‍යාව 11,408දෙනෙකු දක්වා ඉහළ ගොස් ඇති බව මධ්‍යම පළාත් සෞඛ්‍ය සේවා දෙපාර්තම්න්තුව ප්‍රකාශ කරයි.

බණ්ඩාරගම සෞඛ්‍යයට වෛද්‍ය නිලධාරී බල ප්‍රදේශයෙන් දින විසි එකක් තුළදී කොරෝනා වෛරසය ආසාදිත රෝගීන් 410 කු වාර්තා වී ඇතැයි සෞඛ්‍ය වෛද්‍ය නිලධාරී වෛද්‍ය නිමේෂා රත්නවිර මහත්මිය පැවසුවාය.

වොෂිංටන් විශ්වවිද්‍යාලයට අනුබද්ධ Institute for Health Metrics and Evaluation (IHME) ලංකාවේ තත්ත්වය ගැනද ගණිත මාදිලියක් මගින් පුරෝකථනයක් කර ඇති අතර එහිදී ලබන සැප්තැම්බර් මස 01 දා වන විට ශ්‍රී ලංකාවේ කොවිඩ් මරණ 20000 ඉක්මවා යනු ඇතැයි ඔවුන් සමීක්ෂණය කර තිබේ.

ශ්‍රී ලංකා විභාග දෙපාර්මේන්තුව මඟින් මැයි මාසය තුළ දී පැවැත්වීමට නියමිතව තිබූ ආයතනික විභාග දින නියමක් නොමැතිව කල් දමා තිබේ.

මෙම සහනදායී ණය ආධාරයෙහි ණය පොළී අනුපාතය 0.15%-0.20% වැනි අවම අගයක් ගන්නා අතර ණය ආපසු ගෙවීම සඳහා, වසර 10 සහන කාලයක් සහිතව වසර 40ක පමණ දීර්ඝ කාලයක් හිමි වේ.

නොර්වුඩ් පුද්ගලික ඇගලුම් කම්හලින් කොවිඩ් ආසාදිතයන් 09 දෙනකු හමුවිමත් සමග එම ඇගලුම් කම්හල විෂබිජහරණයට ලක් කල යුතු බැවින් එම ඇගලුම් කම්හල තාවකාලිකව වසා දැමිමට උපදෙස් දුන් බව මස්කෙළිය සෞඛ්‍ය වෛද්‍ය කාර්යාලයේ නිලධාරියකු පවසන ලදි.

කොවිඩ් වෛරසය සිඝ්‍රයෙන් පැතිරී යාම හේතුවෙන් කොවිඩ් මර්දනය සඳහා ක්‍රියාමාර්ග හා දැඩි තීන්දු තීරණ ගැනීමට විශේෂ ක්‍රියාකාරී කාර්යසාධන සමාලෝචන කමිටුවේ විශේෂ රැස්වීමක් අද දින (10දා) සෞඛ්‍ය අමාත්‍ය පවිත්‍රා වන්නිආරච්චි මහත්මියගේ ප්‍රධානත්වයෙන් සෞඛ්‍ය අමාත්‍යාංශයේ ශ්‍රවණාගාරයේ දී පැවැත්විණි.

ඒ අනුව කොම්පඤ්ඤවීදිය නගර සභා බෙහෙත් ශාලාව, වැල්ලවත්ත වෙළඳසංකීර්ණය, නව බසාර් මාතෘ නිවාසය, මුගලන් පාර සිතුමිණ ප්‍රජා මධයස්ථානය, ඛෙත්තාරම විහාරස්ථානය යන ස්ථාවලදී සිනොෆාම් එන්නත ලබාදීමට නියමිතය.

මොනරාගල පොලිස් අධිකාරී කාර්යාලයේ සිවිල් රාජකාරි කටයුතු වල නිරත වන නිලධාරීන් 11 දෙනෙකුට කොවිඩ් වෛරසය ආසාදනයවී ඇතැයි පොලිස් අධිකාරී කාර්යාලයේ ප්‍රකාශකයෙක් පැවසීය.

ආයතන, කර්මාන්ත ශාලා හෝ කාර්යාලවල සේවය කරන පිරිස් එකට එකතු වී ආහාර පාන නොගන්නා ලෙස පොලිස් මුලස්ථානය සියලුම සේවක සේවිකාවන්ගෙන් ඉල්ලා සිටියි.

ෆයිසර් එන්නත සඳහා ලොව පුරා රටවල් 19කින් ලබාගත් විවිධ ද්‍රව්‍ය හා සංරචක 280ක් අවශ්‍ය බව බෝර්ලා පැවසීය. පේටන්ට් බලපත්‍රයක් නොමැතිව එන්නත් නිෂ්පාදනය කිරීමේදී ෆයිසර්ට වඩා අඩු පළපුරුද්දක් ඇති ආයතන එකම අමුද්‍රව්‍ය සඳහා තරග කිරීමට පටන් ගන්නා බවට ඔහු තර්ක කළේය.

ඉකුත් අප්‍රේල් 17 දින සිට (09) දින වන විට පොලොන්නරුවේ කොවිඩ් මරණ 10ක් සහ හමුවු ආසාදිත රෝගින් සංඛ්‍යාව 536 දක්වා ඉහළ ගොස් ඇති අතර වැඩිම අසාදිතයින් හමු වි ඇත්තේ හිගුරක්ගොඩ ප්‍රදේශයෙන් බව පොලොන්නරුව ප‍්‍රාදේශිය සෞඛ්‍ය සේවා අධ්‍යක්‍ෂක විශේඥ වෛද්‍ය ඩබ්.කේ.ඩබ්. එස්. කුමාරවංශ මහතා පවසයි.

පෑලියගොඩ රථ වාහන අංශයේ ස්ථානාධිපතිවරයා වු පොලිස් පරීක්ෂක චමින්ද ජූඩ් තිසේරා (52) මහතා කොළඹ ජාතික රෝහලේ ප්‍රතිකාර ලබමින් සිටියදී ජීවිතක්ෂයට පත් විය.

හුදකලා කර ඇති නොර්වුඩ් පොලිස් වසමට අයත් ඉන්ජස්ට්‍රි වතු යායේ සහ සංචරණ සිමා පනවා ඇති හැටන් පොලිස් වසමට අයත් පොඩයිස් වතු යායෙන් කොවිඩ් 19 වෛරසය අසාදනය වි තවත් අසාදිතයන් 18 දෙනෙකු අද දින හදුනාගත් බව බගවන්තලාව සෞඛ්‍ය වෛද්‍ය නිලධාරි කාර්යාලයේ මහජන සෞඛ්‍ය පරික්ෂකවරයෙකු පැවසිය.

කෙළඹ දිස්ත්‍රික්කයෙන් වාර්තා වී ඇති ආසාදිතයන් සංඛ්‍යාව 755කි. සමස්ත කොළඹ දිස්ත්‍රික්කයෙන් වාර්තාවී ඇති ආසාදිතයන් සංඛ්‍යාවෙන් සියයට 50කට ආසන්න සංඛ්‍යාවක් පිළියන්දළින් හා කැස්බෑවෙන් වාර්තාවී තිබේ.

ශ්‍රී ලංකාවේ කොවිඩ් රෝගීන් වාර්තාවීම වේගවත් වීමත් සමගින් ඔවුන්ගේ භාවිතය සඳහා අවශ්‍ය ඔක්සිජන් හා වෙන්ටිලේටර්ස් යන්ත්‍ර චීනයෙන් ප්‍රදානයක් ලෙස ලබාගැනීම සඳහා අග්‍රාමාත්‍ය මහින්ද රාජපක්ෂ මහතා ඉල්ලීමක් කර ඇති බව වාර්තා වෙයි.

කොවිඩ් -19 එරෙහිව චීනය විසින් හදුන්වාදුන් සීනෝෆාම් එන්නත ශ්‍රී ලංකාවේදි නිශ්පාදනය කිරීම සදහා චීන සමාගම සහ ශ්‍රී ලංකා නියෝජිතයන් අතර මේ වනවිට සාකච්ඡා අරම්භ වී ඇති බව වාර්තාවේ

ශ්‍රී ලංකාවේ වාර්තා වූ ආසාදිතයන් අතරින් වැඩිම පිරිසක් කොළඹ දිස්ත්‍රික්කයෙන් වාර්තා වන අතර එම සංඛ්‍යාව 755කි. ඉන් අනතුරව ගම්පහ (323), කළුතර(234) ක් ලෙස වැඩිම ආසාදිතයන් වාර්තා වී තිබේ. සෙසු ආසාදිතයන් 1347 දෙනා දිවයිනේ සෙසු දිස්ත්‍රික්කවලින් වාර්තා වී තිබේ.

ගම්පහ දිස්ත්‍රික්කයෙන් අද (10) උදෑසන වනවිට ගතවූ පැය 24 ක කාලය තුල කොරෝනා ආසාදිතයින් 499 දෙනෙකු හමුව ඇති බවත් මින් 68 දෙනෙකු වන වැඩිම පිරිසක් මිනුවන්ගොඩ සෞඛ්‍ය වෛද්‍ය නිලධාරී කොට්ඨාසයෙන් වන බවත් දිස්ත්‍රික් සෞඛ්‍ය සේවා අධ්‍යක්ෂ කාර්යාලය සදහන් කරයි.

කොවිඩ් 19 ව්‍යාප්තිය විධිමත් ලෙස පාලනය කිරීමේ කටයුතු සඳහා මජහන සෞඛ්‍ය පරීක්ෂකවරුන්ට ඌව පළාත් හා බදුල්ල දිස්ත්‍රික් සෞඛ්‍ය බළධාරින්ගේ නිසි සහයෝගයක් නොලැබෙන බවට චොද්නා කරමින් බදුල්ල දිස්ත්‍රික්කයේ සියළුම මහජන සෞඛ්‍ය පරික්ෂකවරු අද (10) ලෙඩ නිවාඩු දමා වැඩ වර්ජනය කර සිටින බව බදුල්ල දිස්ත්‍රික් මහජන සෞඛ්‍ය පරික්ෂකවරුන්ගේ සංගමයේ සභාපති ඩී.එම්.ඒ.ආර්. දිසානායක මහතා පැවසීය .

අද (10) දිනය තුළ දිස්ත්‍රික්ක කිහිපයකට තැනින් තැන මි.මී 100 ඉක්මවු වැසි ඇති විය හැකි බව කාලගුණ විද්‍යා දෙපාර්තමේන්තුව සඳහන් කරයි.

ලාඕසය අපේ‍්‍රල් 14දා අලුත් අවුරුදු නිවාඩුවේ සිට කොවිඩ්-19 ආසාදිතයන්ගේ වැඩිවීමක් අත්විඳිමින් සිටින බව කියයි. ජෝන්ස් හොප්කින්ස් විශ්ව විද්‍යාලයේ දත්තවලට අනුව සෙනසුරාදා වනවිට රට තුළ වාර්තා වී ඇත්තේ ආසාදිතයන් 1,233ක් පමණි. ඉන් 1,184ක් පසුගිය මාසයේ වාර්තා වී තිබේ. ඉන් 28ක් සෙනසුරාදා වාර්තා විය.

දිස්ත්‍රික්ක පහකට අයත් ග්‍රාම නිලධාරී වසම් 16ක් වහාම ක්‍රියාත්මක වන පරිදි හුදෙකලා කිරීමට කටයුතු කර තිබේ. මීට අමතරව දිස්ත්‍රික්ක පහකට අයත් ග්‍රාම නිලධාරී වසම් 14ක හුදෙකලා බව ඉවත් කිරීමටද කටයුතු කර තිබේ.

ශ්‍රී ලංකාවේ කොවිඩ් මරණ සංඛ්‍යාව 800 සීමාව ඉක්මවා ගොස් තිබේ. ඒ අද දිනයේදී තවත් කොවිඩ් මරණ 15ක් සෞඛ්‍ය සේවා අධ්‍යක්ෂ ජනරාල්වරයා විසින් තහවුරු කිරීමත් සමගිනි.