ගම්පහ දිස්ත්‍රික්කයෙන් කොරෝනා ආසාදිතයින් 494 දෙනෙකු අද (18) උදෑසන වනවිට ගතවූ පැය 24 ක කාලය තුල හමුව ඇති බවත් මින් 80 දෙනෙකු වන වැඩිම ආසාදිතයින් පිරිසක් සීදූව සෞඛ්‍ය වෛද්‍ය නිලධාරී කොට්ඨාසයෙන් හමුව ඇති බවත් දිස්ත්‍රික් සෞඛ්‍ය සේවා අධ්‍යක්ෂ කාර්යාලය සදහන් කරයි.

රජයේ වෙබ් අඩවි 4කට සයිබර් ප්‍රහාරයක් එල්ල වී තිබේ. සෞඛ්‍ය අමාත්‍යාංශය, විදුලි බල මණ්ඩලය, චීනයේ ශ්‍රී ලංකා තානාපති කාර්යාලය හා රජරට විශ්ව විද්‍යාල වෙබ් පිටු වෙත මෙම සයිබර් ප්‍රහාරය එල්ල වී තිබේ.

හෙට පෙ.ව 8.30 සිට පැය 16ක් පැලියගොඩ ,වත්තල -මාබෝල , ජා ඇල නගරය ,කටුනායක ,සිදුව,කැලණිය ,වත්තල ,බියගම ,මහර ,දොම්පේ සහ ගම්පහ ප්‍රදේශ කිහිපයකට ජල සැපයුම අත්හිටුවන බව ජලසම්පාදන මණ්ඩලය පවසයි.

රක්ෂිත බන්ධනාගාරගතව සිටින මන්ත්‍රී ප්‍රේමලාල් ජයසේකර මහතා සහ අපරාධ පරීක්ෂණ දෙපාර්තමේන්තුව භාරයේ රැඳවුම් නියෝග මත සිටින මන්ත්‍රී රිෂාඩ් බදියුදීන් මහතා අද (18) පැවැත්වෙන පාර්ලිමේන්තු රැස්වීම සඳහා පැමිණ ඇති බව වාර්තා වෙයි.

වරාය නගර ආර්ථික කොමිෂන් සභා පනතේ වගන්ති කිහිපයක් සම්මත කළ හැක්කේ පාර්ලිමේන්තුවේ විශේෂ බහුතරයකින් හා ජනමත විචාරයකින් බව ශ්‍රේෂ්ඨාධිකරණය දැනුම් දී තිබේ.

මැයි 24 දා සඳුදා 25 දා අඟහරුවාදා විශේෂ රජයේ නිවාඩු දිනයන් ලෙස ප්‍රකාශයට පත්කිරීමට රජය තීරණය කර තිබේ. එසේම මැයි 26 දා 27 දා වෙසක් පොහෝ දිනයන් නිවාඩු වෙයි.

දේශීය ප්‍රතිසන්ධාන ක්‍රියාවලියේ තීරණාත්මක අවස්ථාවකදී එක්සත් ජනපදය ඒකපාර්ශවිකව හමුදා ඉවත් කර ගැනීම ඇෆ්ගනිස්ථානයේ වත්මන් තත්ත්වයට අවිනිශ්චිතතාවයක් ගෙන ආවත්, ඇෆ්ගනිස්තානයේ සාමය වෙනුවෙන් කැපවන බවත්, එරට ජනතාවගේ මෙන්ම ජාත්‍යන්තර ප්‍රජාවේද පොදු අපේක්ෂාවන් මල්ඵල ගන්වන බවත් චීනය පවසයි.

වසර 30 කාලයක් පැවති එල්.ටී.ටී.ඊ ත්‍රස්තවාදය පරාජය පත් කර අදට (18) 12 වසරක් සපිරෙයි.

කොවිඩ් රෝගීන්ට ප්‍රතිකාර ලබාදීම වෙනුවෙන් ශ්‍රී ලංකා යුද හමුදාව සකස් කළ ඇඳන් 1300කින් සමන්විත ප්‍රතිකාර මධ්‍යස්ථානය අද (18දා) ජනාධිපති ගෝඨාභය රාජපක්ෂ මහතාගේ ප්‍රධානත්වයෙන් විවෘත කිරීමට නියමිතය.

රුසියාවේ නිෂ්පාදිත ’ස්පුට්නික් V’ එන්නත් මාත්‍රා තොගයක් ලබන අඟහරුවාදා (25) මෙරටට ලැබීමට නියමිත බව රාජ්‍ය අමාත්‍ය, මහාචාර්ය චන්න ජයසුමන මහතා ප්‍රකාශ කළේය.

හිටපු පාර්ලිමේන්තු මන්ත්‍රීවරයෙක් වන එස්. තුරෙයිරත්නසිංහම් මහතා කොවිඩ් ආසාදනය වීම හේතුවෙන් ජීවිතක්ෂයට පත්ව තිබේ.

චීනයෙන් ශ්‍රී ලංකාවට ලැබුණ සයිනොෆාම් එන්නත් මාත්‍රා ලක්ෂ 6න් ඊයේ වන විට පළමු මාත්‍රාව වශයෙන් 424823ක් හා දෙවැනි මාත්‍රාව වශයෙන් 2435ක් ලබාදී තිබේ.

ගතවු පැය 24ක කාලය තුළ නිරෝධායනය නීතිය උල්ලංඝනය කළ පුද්ගලයින් 223ක් අත්අඩංගුවට ගත් බව පොලිස් මාධ්‍ය ප්‍රකාශක නි.පොලිස්පති අජිත් රෝහණ පවසයි.

තවත් ග්‍රාම නිලධාරී වසම් 03ක් හුදෙකලා කළ බව යුද හමුදාපති ජනරාල් ශවේන්ද්‍ර සිල්වා පවසනවා.

ශ්‍රී ලංකාවෙන් තවත් කොවිඩ් මරණ 19ක් වාර්තා වී ඇති බව රජයේ ප්‍රවෘත්ති දෙපාර්තමේන්තුව පවසයි. මේ අනුව මෙරටින් වාර්තාවන සමස්ත මරණ සංඛ්‍යාව 981ක් දක්වා වර්ධනය වී තිබේ.

ගෙවීගිය දිනයේ අවම වශයෙන් නව කොවිඩ්-19 ආසාදිතයන් 335ක් රට තුළ වාර්තා වීමෙන් පසුව මෙම තහනම පැනවී අති අතර, එම ආසාදිතයන් අතරින් 333ක්ම දේශීයව සම්ප්‍රේෂණය වූ සිද්ධීන් වීම ඔවුන්ගේ වැඩි අවධානයට යොමුව ඇත.

කොවිඩ් -19 වෛරසය ආසාදනය වූ 854 දෙනෙකු අද (17) දිනයේ හඳුනාගෙන ඇති බව යුද හමුදාපති ජෙනරාල් ශවේන්ද්‍ර සිල්වා මහතා පැවසීය.

මධ්‍යම පළාතට අයත් මහනුවර මාතලේ සහ නුවරඑළිය දිස්ත්‍රික්කවලින් අද 17 වනදා දක්වා වූ ගෙවී ගිය පැය 24 ක කාලය තුල නව ආසාදිතයින් 277දෙනෙකු වාර්තා වීමත් සමඟ මධ්‍යම පළාත තුලින් මේ දක්වා වාර්තා වී ඇති කොවිඩ් ආසාදිත සංඛ්‍යාව 13,291 දෙනෙකු දක්වා ඉහළ ගොස් ඇති බව මධ්‍යම පළාත් සෞඛ්‍ය සේවා දෙපාර්තමේන්තුව ප්‍රකාශ කරයි.

දේශපාලන පලිගැනිම් පිළිබදව සොයා බැලු ජනාධිපති කොමිසම විසින් තමන්ට එරෙහිව සිදු කර තිබෙන නිර්දේශ බල රහිත කිරිමේ රිට් අඥාවක් නිකුත් කරන ලෙස ඉල්ලා ජනතා විමුක්ති පෙරමුණේ නායක සහ පාර්ලිමේන්තු මන්ත්‍රී අනුර කුමාර දිසානායක සහ ජ්‍යෙෂ්ඨ නීතිඥ ජනක බණ්ඩාර යන මහත්වරු විසින් ඉදිරිපත් කල පෙත්සම් සලකා බැලිම ලබන 25 කැඳවිමට අභියාචනාධිකරණය නියම කළේය.

ඊශ්‍රායලයේ හා පලස්තීනයේ ප්‍රචණ්ඩ ක්‍රියා ඉහළ යාම පිළිබඳව ශ්‍රී ලංකාව දැඩි අවධානයෙන් පසුවෙයි.

ගම්පහ දිස්ත්‍රික්කය තුළ අද දින වැඩිම කොරෝනා ආසාදිතයන් සංඛ්‍යාව ලෙස , ආසාදිතයන් 123 දෙනෙකු කටුනායක ප්‍රදේශයෙන් අද දින වාර්තා වී ඇති බව ගම්පහ දිස්ත්‍රික් ප්‍රාදේශීය සෞඛ්‍ය සේවා අධ්‍යක්ෂ , වෛද්‍ය නලීන් ආරියරත්න මහතා පැවසීය .

හැඳුනුම්පතට අනුව පුද්ගල සංචරණ සිදුකරන්නේද යන්න පිළිබඳව අද මෝදරදී සිදුකළ පරීක්ෂාවකදී මත්ද්‍රව්‍ය සිය භාරයේ තබාගෙන ගමන් කළ කාන්තාවක් අත්අඩංගුවට ගත් බව පොලීසිය කියයි.

කොවිඩ් -19 වෛරසය ආසාදනය වූ 1,579 දෙනෙකු අද (17) දිනයේ හඳුනාගෙන ඇති බව යුද හමුදාපති ජෙනරාල් ශවේන්ද්‍ර සිල්වා මහතා පැවසීය.

ජනප්‍රිය ගායන ශිල්පි භාතිය ජයකොඩි හට නව කොවිඩ් වෛරසය ආසාදනය වි ඇත.

මැයි 21 වන සිකුරාදා රාත්‍රී 11 සිට මැයි 25 වන අඟහරුවාදා උදෑසන 4 දක්වාත් නැවතත් මැයි 25 වන අඟහරුවාදා රාත්‍රී 11 සිට මැයි 28 වන සිකුරාදා උදෑසන 4 දක්වා මුළු දිවයිනටම සංචරණ සීමා පැනවෙන බව යුද හමුදාපති ජෙනරාල් ශවේන්ද්‍ර සිල්වා සඳහන් කර සිටියි.

කොවිඩ් -19 වෛරසය ආසාදනය වී රෝහල්ගතව ප්‍රතිකාර ගෙන පූර්ණ සුවය ලැබූ 1,307 දෙනෙකු අද (17) දිනයේ සුවය ලබා පිටව ගොස් තිබේ.

පාසල් ඉක්මනින් විවෘත කිරිමට නම් පාසල් තුළ අවශ්‍ය සෞඛ්‍යාරක්ෂිත ක්‍රමවේද සකස් කළ යුතු බව අධ්‍යාපන අමාත්‍ය ජි.එල් පිරිස් පවසයි.

ශ්‍රී ලංකාවේ භාවිත කරන ප්‍රධාන භාෂා තුන වන සිංහල, දමිල හා ඉංග්‍රීසි යන භාෂා ත්‍රිත්වය අනුගමනය කරන ලෙස ශ්‍රී ලංකාවේ පවතින චීන සමාගම්වලට දැනුම් දෙන බව ශ්‍රී ලංකාවේ චීන තානාපති කාර්යාලය පවසයි.

බුද්ධශාසන,ආගමික හා සංස්කෘතික කටයුතු අමාත්‍යවරයා වශයෙන් අග්‍රාමාත්‍ය මහින්ද රාජපක්ෂ මහතා අද (17) දින අරලියගහ මන්දිරයේ දි හින්දු සංස්කෘතික අරමුදලට නව සාමාජිකයන් පත් කළේය.