’’අද (14) දින පෙරවරුවේ බෞද්ධාලෝක මාවතේ ශාන්ති පදනම විහාරස්ථානයේදී පුරවැසියෙකු ලෙස මා හට හිමි කොවිඩ්-19 එන්නත ලබාගතිමි.’’

ශ්‍රී ලංකා තුන් ඉරියව් ක්‍රීඩක වනිදු හසරංග අයි.සී.සී පන්දුවාර 20-20 පන්දු යවන්නන් ශ්‍රේණිගත කිරීම්හි 4 වන ස්ථානය දක්වා ඉදිරියට පැමිණ ති​බේ.ඔහු මීට පෙර එහි රැදී සිටියේ 5 වැනි ස්ථානයේයි.

රුපියල් මිලියන 125ක අල්ලසක් ලබාගැනිම ඇතුළු අධිචෝදනා 4ක් යටතේ හිටපු රේගු අධිකාරිවරුන් 4 දෙනෙකුට එරෙහිව අල්ලස් කොමිසම කොළඹ මහාධිකරණය හමුවේ අධිචෝදනා ගොනු කර අද යළි නඩු පවරනු ලැබිය.

ශ්‍රී ලංකාව මේ වන විට මුහුණ දෙමින් පවතින විශාල විදේශ විනිමය අර්බුදය සම්බන්ධයෙන් පාර්ලිමේන්තුවේ විවාදයක් අවශ්‍ය බව එක්සත් ජාතික පක්ෂ නායක, හිටපු අග්‍රාමාත්‍ය, පාර්ලිමේන්තු මන්ත්‍රී රනිල් වික්‍රමසිංහ මහතා පැවැසීය.

විශාල වෙනසක් ඇති නොවුණහොත් සැප්තැම්බර් වනවිට රට සම්පූර්ණයෙන් විවෘත කිරීමට බලාපොරොත්තු වන බව යුද හමුදාපති ජෙනරාල් ශවේන්ද්‍ර සිල්වා සඳහන් කර සිටියි.

ගාල්ල දිස්ත්‍රික්කයේ ශ්‍රිලනිපය නියෝජනය කරන ප්‍රාදේශිය සභා මන්ත්‍රිවරුන් 11 දෙනෙකුට එරෙහිව පක්ෂයේ විනය කමිටුවක් මගින් විනය පරික්ෂණ සිදුකොට ඇති බැව් ශ්‍රිලනිපයේ ගාල්ල දිස්ත්‍රික් නායක හා ගාල්ල දිස්ත්‍රික් පාර්ලිමේන්තු මන්ත්‍රි ෂාන් විජේලාල් ද සිල්වා පවසයි.

ගම්පහ දිස්ත්‍රික් සෞඛ්‍ය අධ්‍යක්ෂකවරයාගේ අධීක්ෂණය යටතේ ක්‍රියාත්මක කෙරෙන මෙම එන්නත්කරන වැඩපිළිවෙළට අනුව දිස්ත්‍රික්කය ආවරණය වන පරිදි සයිනොෆාම් එන්නත් මාත්‍රා ලක්ෂ 5ක් එන්නත්කරනය සඳහා සැලසුම් සකස් කර තිබේ. ඒ යටතේ සෞඛ්‍ය වෛද්‍ය නිලධාරී කාර්යාල හරහා පුද්ගලයින් 268300ක් හා රෝහල් හරහා පුද්ගලයින් 231,700කුත් එන්නත්කිරීම සඳහා අවශ්‍ය එන්නත් දිස්ත්‍රික්කය පුරා බෙදා හැර තිබේ.

පුළුල් දේශගුණික පැකේජයක කොටසක් ලෙස වසර 20ක් තුළ පෙට්‍රල් සහ ඩීසල් මෝටර් රථ අලෙවිය අවසන් වන බවට සංඥා කරමින්, විදුලි මෝටර් රථ භාවිතයට මාරුවීම වේගවත් කරන යෝජනාවකට යුරෝපා සංගමය සූදානම් වෙයි.

මෙරට මුල් අදියර ලෙස නිෂ්පාදන ගම්මාන තුළින් තෝරාගත් 50,000 ක ව්‍යවසායකයින්ගේ මාසික ආදායම අවම රුපියල් 30,000 ට ඉහල ආදායමක් ලැබෙන ලෙස වෙළඳපොල ශක්තිමක් කිරීමට අපේක්ෂා කරන බව සමෘද්ධි, ගෘහ ආර්ථික ක්ෂ්ද්‍ර මූල්‍ය ස්වයං රැකියා හා ව්‍යාපාර සංවර්ධන රාජ්‍ය අමාත්‍ය ශෙහාන් සේමසිංහ මහතා පැවැසීය.

අධික වර්ෂාවක් පවතින කාලවල වැසි ජලයෙන් සහ පිටාර ගලන කැලණි ගගේ ජලයෙන් යටවෙන කොළඹ නගරය, මෙවර පැවැති වැසි සමයේදී යට නොවී තිබීමට නාගරික සංවර්ධන හා නිවාස අමාත්‍ය අග්‍රාමාත්‍ය මහින්ද රාජපක්ෂ ගංවතුර පාලනය සඳහා සකස්කර ක්‍රියාත්මක කිරීමට දුන් සැලසුම් සහ උපදෙස් හේතුවූ බව, ශ්‍රී ලංකා ඉඩම් සංවර්ධනය කිරීමේ සංස්ථාව ප්‍රකාශ කරන බව නාගරික සංවර්ධන හා නිවාස අමාත්‍යාංශය අවධාරණය කරයි.

කොවිඩ් -19 ආසාදිතයින් 1,413 දෙනෙකු ඊයේ (13) මෙරටින් හඳුනාගෙන තිබේ.

නුවරඑළිය දිස්ත්‍රික්කයේ උඩරට වතුකරයේ පාසල්වල ගුරුවරුන්ට කොවිඩ් එන්නතේ පලමු මාත්‍රාව ලබාදීම අද (14) සිට ආරම්භ කිරීමට පියවර ගත් බව සෞඛ්‍ය අංශ නිලධාරීහු පවසති.

පාස්කු ඉරුදි ත්‍රස්ත ප්‍රහාර සිද්ධිය සම්බන්ධයෙන් සිදුකෙරෙන විමර්ශනවලට අදාළව පාර්ලිමේන්තු මන්ත්‍රී හරීන් ප්‍රනාන්දු සැප්තැම්බර් මස 01 වනදා තෙක් අත්අඩංගුවට ගැනීමක් නොකරන බව නීතිපතිවරයා අද ශ්‍රේෂ්ඨාධිකරණයට දැනුම් දී තිබේ.

ජනාධිපතිවරයා හා ක්‍රිකට් බලධාරීන් සමඟ විශේෂ හමුවක් අද පැවැත්වීමට නියමිත බව ක්‍රීඩා අමාත්‍ය නාමල් රාජපක්ෂ සිය නිල ට්විටර් ගිණුමේ සටහනක් තබා ඇත.

ඔන්ලයින් ඉගැන්වීම්වලින් ඉවත් වෙමින් ගුරු සංගම් ආරම්භ කළ වර්ජනය අද (14) දිනයේත් ක්‍රියාත්මකය.

මුහුණු ආවරණ පැළඳ දුම්රියට පිවිසෙන ලෙස සඳහන් කළ දුම්රිය නියාමකවරයෙකුට පහරදුන් තරුණයින් දෙදෙනෙක් අත්අඩංගුවට ගත් බව පොලිස් මාධ්‍ය ප්‍රකාශක ජ්‍යෙෂ්ඨ නියෝජ්‍ය පොලිස්පති අජිත් රෝහණ මහතා පවසයි.

මැතිවරණ ඡන්ද විමසීම් ව්‍යුහයේ හා නීති රීති ප්‍රතිසංස්කරණය සඳහා සංශෝධන ඉදිරිපත් කිරීමට පත් කළ පාර්ලිමේන්තු විශේෂ කාරක සභාව පාර්ලිමේන්තු සංකීර්ණයේදී අද පස්වරුවේ රැස්වෙයි.

මෙරට වැඩිම දෛනික කොවිඩ් මර්දන එන්නත්කරණය ඊයේ (13) සිදුකර තිබේ.

පොලිස් නිලධාරීන්ගේ හැඳුනුම්පත් ඉල්ලීමට ජනතාවට අයිතියක් තියෙනවා.

අග්‍රාමාත්‍ය මහින්ද රාජපක්ෂ මහතා යටතේ පවතින ආර්ථික ප්‍රතිපත්ති හා සැලසුම් ක්‍රියාත්මක කිරීමේ අමාත්‍යංශයේ නව ලේකම්වරයා ලෙස අනූෂ පැල්පිට මහතා කටයුතු කර තිබේ.

ගත වූ පැය විසිහතරක කාලය තුළ නිරෝධායන නීති උල්ලංඝණය කිරීම සම්බන්ධයෙන් පුද්ගලයින් 164 දෙනෙකු අත්අඩංගුවට ගෙන ඇති බව පොලිස් මාධ්‍ය ප්‍රකාශක ජ්‍යෙෂ්ඨ නියෝජ්‍ය පොලිස්පති අජිත් රෝහණ සඳහන් කර සිටියි.

අද උදෑසන 6 සිට හුදකලා කර ඇති ග්‍රම නිලධාරි වසම් හා ප්‍රදේශ කිහිපක් හුදකලා බව ඉවත් කර තිබේ.

දකුණු අප්‍රිකාව පුරා නගරවල ජනයා පොලීසිය සමග ගැටුම් ඇතිකර ගනිමින්, සාප්පු සංකීර්ණ කොල්ලකමින් හා ගිනි තබමින් ප්‍රචණ්ඩක්‍රියාවල යෙදෙන අතර, උද්ඝෝෂණ හේතුවෙන් පුද්ගලයන් 72 දෙනෙකු පමණ ජීවිතක්ෂයට පත්ව ඇති අතර 1,234 දෙනෙකු අත්අඩංගුවට ගෙන ඇති බව පොලීසිය පවසයි.

සංචරණ සීමා පනවා ඇති කෑගල්ල ගෝලින්දාවත්ත වතුයායේ 03වන කොටසේ සිදුකල පී සි ආර් පරික්ෂණ120 න්අසාදිතයන් 43දෙනකු හදුනාගෙන ඇති බව බුළුගහදෙණිය මහජන සෞඛ්‍ය පරික්ෂක බංඩාර අත්තනායක මහතා අද පවසයි.

ශ්‍රී ලංකාවේ ක්‍රිකට් ක්‍රීඩාව සම්බන්ධයෙන් හිටපු ක්‍රිකට් නායක අර්ජුන රණතුංග මහතා ඇතුළු ශ්‍රී ලංකාව නියෝජනය කළ සියලුම නායකයන් සමග සාකච්ඡා කිරීමට බලාපොරොත්තුවන බව ක්‍රීඩා අමාත්‍ය නාමල් රාජපක්ෂ මහතා පැවැසීය.

සිය පාරම්පරික නිජබිම් එළිකර බඩඉරිඟු වගාව සඳහා පෞද්ගලික සමාගම් වෙත පවරාදීමට මහවැලි සංවර්ධන අධිකාරිය ගෙන ඇති තීරණය බලරහිත කරන ලෙස ඉල්ලා ආදීවාසී නායක ඌරුවරිගේ වන්නියලැ ඇත්තෝ විසින් ඉදිරිපත්කර තිබෙන රිට් පෙත්සම සලකාබැලීම සඳහා සැප්තැම්බර් මස 08 වනදා කැඳවන ලෙස අභියාචනාධිකරණය දින නියම කළේය.

දෙසැම්බර් හෝ ජනවාරි මාසවලදී එන්නත් විදගත් එක්සත් ජනපදවාසීන් අතර කොවිඩ්-19 සඳහා ප්‍රතිශක්තිය අඩුවී ඇති බවට කිසිදු සාක්ෂියක් තමන් දැක නොමැති බව එක්සත් ජනපද රෝග පාලනය හා වැළැක්වීම සඳහා වූ මධ්‍යස්ථානයේ නියෝජ්‍ය අධ්‍යක්ෂ ජේ බට්ලර් පවසයි.

රාජ්‍ය හා අර්ධ රාජ්‍ය ආයතන සේවකයන් විසින් රාජකාරි ඉටු කිරීමේ දී සද්භාවයෙන් යුතුව ගන්නා ලද ක්‍රියාමාර්ග වලට අදාළව එම සේවකයන් සඳහා සුදුසු ආරක්ෂාවක් ලබාදීම පිණිස නීති කෙටුම්පත් කරන්නැයි අග්‍රාමාත්‍ය මහින්ද රාජපක්ෂ මහතා නීති කෙටුම්පත් සම්පාදකට උපදෙස් දුන්නේය.

කොවිඩ් -19 ආසාදිත තවත් පුද්ගලයින් 522ක් අද (13) දිනයේ හඳුනාගෙන ඇති බව යුද හමුදාපති, ජෙනරාල් ශවේන්ද්‍ර සිල්වා මහතා පවසයි.