දැයේ දරුවන්ගේ අධ්‍යාපනික අවශ්‍යතාව මේ මොහොතේ ප්‍රමුඛ අරමුණ කරගනිමින් සියලු විද්‍යුත් හා මුද්‍රිත මාධ්‍ය ඒ සදහා වැඩි ඉඩක් ලබාදෙන්නැයි අමාත්‍ය කෙහෙළිය රඹුක්වැල්ල මහතා සියලු මාධ්‍ය ආයතනවලින් ඉල්ලීමක් කරනවා.

පසුගිය සතියේ සිට ඔලිම්පික් උළෙල සඳහා සත්කාරකත්වය සැපයූ ටෝකියෝ නුවරින් පමණක් අද දිනයේ දෛනිකව කොවිඩ්-19 ආසාදිතයන් 3,177 ක් වාර්තා කර තිබේ.

ජපානයේ ඔලිම්පික් තරගාවලිය සඳහා සම්බන්ධ වී සිටින ක්‍රීඩා අමාත්‍ය නාමල් රාජපක්ෂ මහතාට සහ ග්‍රාමීය හා පාසල් යටිතල පහසුකම් ප්‍රවර්ධන රාජ්‍ය අමාත්‍ය තේනුක විදානගමගේ මහතාට එම සංචාරය සඳහා ක්‍රීඩා සංවර්ධන දෙපාර්තමේන්තුව මගින් මුදල් ප්‍රතිපාදන වෙන් නොකළ බව එම දෙපාර්තමේන්තුවේ අධ්‍යක්ෂ ජනරාල් අමල් එදිරිසූරිය මහතා පවසයි.

ඉන්දීය කණ්ඩායම හා ශ්‍රී ලංකා කණ්ඩායම අතර පැවැත්වෙන දෙවන 20-20තරගයේ කාසියේ වාසිය දිනා ගැනීමට ශ්‍රී ලංකා කණ්ඩායම සමත් වි​ය.

පසුගිය සතිය හා සසඳන විට ගෝලීය වශයෙන් නව ආසාදිතයන් සංඛ්‍යාව 8%කින් ඉහළ ගොස් ඇති අතර එය බොහෝ දුරට ඇමෙරිකා එක්සත් ජනපදයේ සහ බටහිර පැසිෆික් කලාපවල සැලකිය යුතු වැඩි වීමකට හේතු වී ඇති බව ලෝක සෞඛ්‍ය සංවිධානය සිය සතිපතා යාවත්කාලීන වාර්තාවේ සඳහන් කරයි.

ඇස්ට්‍රාසෙනෙකා එන්නත් මාත්‍රා 728,460ක් ලබන 31 වැනි සෙනසුරාදා පස්වරුවේ දිවයිනට ලැබෙන බව සෞඛ්‍ය අමාත්‍ය පවිත්‍රා වන්නිආරච්චි සඳහන් කර සිටියේය.

ව්‍යාජ ඇටර්නි බලපත්‍රයක් සකස් කර ඔස්ට්‍රේලියානු ජාතික ව්‍යාපාරිකට අයත් සමාගමක කොටස් විකුණා රුපියල් මිලියන 20ක මුදලක් සාවද්‍ය ලෙස පරිහරණය කළේ යැයි චෝදනා කරමින් අමාත්‍ය උදය ගම්මන්පිල මහතාට එරෙහිව ගොනුතර තිබෙන නඩුවේ විශේෂ සාක්ෂකාරියක වන රෝස් ස්මිත් මහත්මිය ඇතුළු තිදෙනෙකුට ලබන සැප්තැම්බර් මස 3වනදා සාක්ෂි ලබාදිම සඳහා අධිකරණය හමුවේ පෙනි සිටින ලෙසට අද දින කොළඹ මහාධිකරණ නිවිසුරු අමල් රණරාජා මහතා සිතාසි නිකුත් කළේය.

අද දිනට මේ දක්වා කොවිඩ් ආසාදිතයින් 1,380ක් හඳුනාගෙන ඇත. ඒ අනුව මෙතෙක් මෙරටින් හමුවී ඇති සමස්ත කොවිඩ් ආසාදිතයින් ගණන 301,272ක් ලෙස සඳහන් වෙයි.

කොළඹ විශ්ව විද්‍යාලයේ වෛද්‍ය පීඨයේ අධිකරණ වෛද්‍ය විද්‍යාව පිළිබඳ මහාචාර්ය ජීන් පෙරේරා මහත්මිය, කොළඹ විශ්වවිද්‍යාලයේ වෛද්‍ය පීඨයේ අධිකරණ වෛද්‍ය විද්‍යා අංශයේ ප්‍රධානී ජ්‍යෙෂ්ඨ කථිකාචාර්ය, වෛද්‍ය සමීර ගුණවර්ධන මහතා, පේරාදෙණිය ශික්ෂණ රෝහලේ අධිකරණ වෛද්‍ය විද්‍යාව පිළිබඳ විශේෂෙඥ අධිකරණ වෛද්‍ය ප්‍රභාත් සේනසිංහ මහතා යන අය මෙම විශේශඥ කමිටුවට නම්කර තිබේ.

ශ්‍රී ලංකා මහ බැංකුව අද වන විට රු. ට්‍රිලියනයක (රු. බිලියන 1,135.5) මුදලක් ණය වී ඇතැයි හිටපු ආණ්ඩුකාර රංජිත් කීර්ති තෙන්නකෝන් මහතා පවසයි. එසේම මහ බැංකුවේ ණය (භාණ්ඩාගාර බිල්පත්, බැඳුම්කර) වල මුහුණත අගය රු. ට්‍රිලියනය ඉක්මවා ඇති බවත් එසේ වූයෙ ඉතිහාසයේ පළමු වතාවට බවත් හිටපු ආණ්ඩුකාරවරයා නිවේදනයක් නිකුත් කරමින් පවසයි.

ශ්‍රී ලංකා නාවික හමුදාව යාපනය මාදගල් සිට පේදුරුතුඩුව දක්වා වූ මුහුදු ප්‍රදේශයේ 2021 ජූලි 27 වන දින රාත්‍රියේ සිදුකළ විශේෂ සෝදිසි මෙහෙයුමක් මඟින් කේරළ ගංජා කිලෝ 417යි ග්‍රෑම් 200ක පමණ ප්‍රමාණයක් සමඟ සැකකරුවන් තිදෙනෙකු (03) සහ ඩිංගි යාත්‍රාවක් නාවික හමුදා භාරයට ගැනීමට කටයුතු කෙරිණි.

කොවිඩ් එන්නත් මාත්‍රා දෙකම ලබාගත් පුද්ගලයන්ට පමණක් මගී බස්රථ සේවා සැපයීමට හැකි ක්‍රමවේදයක් සකස් කරන ලෙස පෞද්ගලික බස් හිමියන්ගේ සංගමය රජයෙන් ඉල්ලා සිටියි.

ඩෙල්ටා කොවිඩ් වෛරස ප්‍ර භේදය ආසාදනය වූ රෝගීන් ලංකාවේ වාර්තාවුවත් තවමත් ඉන්දියාව වැනි ව්‍යවසනකාරී තත්ත්වයකට පත්වීමට තරම් බරපතල තත්ත්වයක් ලංකාවේ උද්ගතව නොමැති බව නියෝජ්‍ය සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය හේමන්ත හේරත් මහතා පවසයි.

ගුරු විදුහල්පති වැටුප් විෂමතාව සහ ගුරු විදුහල්පති සේවාව සංවෘත්ත සේවාවක් බවට පත් කිරීම පිළිබඳ අවසන් තීරණය ලබන සඳුදා පැවැත්වෙන කැබිනට් මණ්ඩල රැස්වීමෙන් අනතුරුව ලබාදෙන බව අග‍්‍රාමාත්‍ය මහින්ද රාජපක්‍ෂ මහතා ඊයේ (27දා) අරලියගහ මන්දිරයේ දී පැවසීය.

ඉන්දීය කණ්ඩායම හා ශ්‍රී ලංකා කණ්ඩායම අතර දෙවන විස්සයි විස්ස තරගය අද නියමිත පරිදි පැවැත්වෙන බව මෙම තරගාවලියේ විස්තර විචාරකයෙකු ලෙස කටයුතු කරන ෆර්විස් මහරුෆ් ට්විටර් සටහනක් තබමින් සඳහන් කර සිටියි.

ජාතික වශයෙන් ප්‍රමුඛතා ක්ෂේත්‍ර ­ලෙස අවධානය යොමු වී ඇති අංශයන්හි ආයෝජන අවස්ථා හඳුනා ගනිමින් ප්‍රවර්ධනය කිරීම සඳහා විධිමත් ඒකාබද්ධ ක්‍රමවේදයක් සකස් කෙරේ. මෙම වැඩපිළිවෙළ සකස් කිරීම පිළිබඳ විශේෂ සාකච්ඡාවක් අද (28) මුදල් අමාත්‍යාංශයේ දී මුදල් අමාත්‍ය බැසිල් රාජපක්ෂගේ ප්‍රධානත්වයෙන් පැවැත්විණි.

රත්නපුර මලන්ගම ප්‍රදේශයේ පදිංචිව සිටි දාහතර හැවිරිදි පාසල් සිසුවෙකු දින කිහිපයක සිට අතුරුදන්ව ඇති බව දෙමව්පියන් පවසයි.

රිෂාඩ් බදුර්ඩින් මන්ත්‍රිවරයාගේ බොරැල්ල නිවසේ මෙහෙකාර සේවයේ යෙදි සිටියදි සිරුරට ගිනි ඇවිලිමෙන් මිය ගිය ඉෂාලිනි ජුඩ් 16 හැවිරිදි දැරියගේ මරණය සම්බන්ධයෙන් කොළඹ පොලිස් කොට්ඨාශයෙන් ඩයගමට පැමිණි ප්‍රධාන පොලිස් පරික්ෂක වරුණි බොගහවත්ත මහත්මිය ඇතුළු පොලිස් කණ්ඩායම තවදුරටත් එම වතු යායේ කිහිප දෙනෙකුගෙන් ප්‍රකාශ ලබාගැනිම සිදු කරනු ලබයි

මෙරට පළමු හා දෙවන පුරවැසියන් කියා දෙකොටසක් නොමැති බවත් අතිශය ද්‍රරිද්‍රතාවයෙන් පෙළෙන ජනතාවක් ලෙස වතුකරයේ ජීවත්වන වතුකම්කරු ජනතාව මෙරටේ දෙවන පුරවැසියන් නොවන බව නාගරික සංවර්ධන රාජ්‍ය අමාත්‍ය නාලක ගොඩහේවා පැවැසීය.

පාර්ලිමේන්තු මන්ත්‍රී හරීන් ප්‍රනාන්දු වෙනුවෙන් තමන් මෙන්ම තම පක්ෂය ද පෙනි සිටින බව පක්ෂ නායක සජිත් ප්‍රේමදාස සඳහන් කර සිටියි.

අපේ රට ගැන ඇතැමුන් ප්‍රකාශ කළ මිත්‍යවන් අසත්‍ය බව පෙන්වා දෙමින් ගෙවීමට තිබූ බිලියනයක ණය මුදල ගෙවා දමමින් අඛණ්ඩව පවත්වාගෙන ආ රටේ ගෞරවය ආරක්ෂා කර ගැනීමට රජයට හැකිවූ බව විදේශ කටයුතු අමාත්‍ය දිනේෂ් ගුණවර්ධන මහතා ඊයේ (27) කුරුණෑගලදී ප්‍රකාශ කළේය.

ජගත් ක්‍රිකට් කවුන්සලයේ නවතම ක්‍රීඩක ශ්‍රේණිගත කිරීම් අනුව වනිඳු හසරංග 20-20 පන්දු ‍යවන්නන්ගේ ශ්‍රේණිගත කිරීම් වල 2වන ස්ථාන​ය තෙක් ඉදිරියට පැමිණ තිබේ.

මෙවර මන්නාරම මරුදමඩු දේවස්ථානයේ වාර්ෂික මංගල්‍යයට පිට පළාත් වල කිසිදු බැතිමතෙකුට සහභාගී වීමට අවසර ලබා නොදෙන බව මන්නාරම දිසාපතිනී නන්දනී ස්ටැන්ලිද මෙල් මහත්මිය කියා සිටියාය.

රට වැටී ඇති තත්ත්වයෙන් ගොඩ ඒමට නම් පැරණි ක්‍රමයට නැවත ආපසු ගමන් කළ නොහැකි බව එක්සත් ජාතික පක්ෂ නායක රනිල් වික්‍රමසිංහ සඳහන් කර සිටියි .

කොවිඩ්-19 ගෝලීය වසංගතයට එරෙහිව මෙරට ක්‍රියාත්මක ප්‍රතිකාර සේවාවන් ශක්තිමත් කරමින් කොවිඩ් වසංගතයෙන් ළමුන් බේරා ගැනීම සදහා සෞඛ්‍ය අමාත්‍යාංශයට අවශ්‍ය ඔක්සිජන් චිකිත්සක උපකරණ (Oxygen Therapy Equipment) සහ පුද්ගලික ආරක්ෂණ උපකරණ (Personal Protective Equipment) තොඟයක් සංවර්ධන හා මානූෂිය වැඩසටහන්කරණයේ ප්‍රමුඛ සංවිධානයක් වන “Save the children” සංවිධානය විසින් සෞඛ්‍ය අමාත්‍යාංශය වෙත පරිත්‍යාග කරන ලදි.

මැණික අලෙවි කිරීමෙන් ලැබෙන මුදලින් සියයට 10ක මුදලක් රජයට හිමිවෙයි.

ගතවු පැය 24ක් තුළ දිවයින පුරා සිදුවු මාරක රිය අනතුරුවලින් පුද්ගලයින් 10 දෙනෙකු මියගොස් ඇතැයි පොලිස් මාධ්‍ය ප්‍රකාශක ජ්‍යෙෂ්ඨ පොලිස්පති අජිත් රෝහණ මහතා පවසයි.

තම ඉල්ලීම් ඉටු නොකිරීම හේතුවෙන් අද (28) විරෝධතා ව්‍යාපාරයක නිරත වන බව රජයේ හෙද නිලධාරීන්ගේ සංගමයේ සභාපති සමන් රත්නප්‍රිය සඳහන් කර සිටියි

පාස්කු ප්‍රහාරය සම්බන්ධයෙන් ප්‍රකාශයක් ලබාදීම සඳහා පාර්ලිමේන්තු මන්ත්‍රී හරීන් ප්‍රනාන්දු අද (28) අපරාධ පරීක්ෂණ දෙපාර්තමේන්තුව වෙත පැමිණ තිබේ.