ඉරානයේ සංචාරයක නිරත ව්ලැදිමීර් පූටින් හමුවූ, අයතුල්ලා අලි කමේනි එක්සත් ජනපදයේ නායකත්වයෙන් යුතු නේටෝ සන්ධානය ’’භයානක ආයතනයක්’’ ලෙස හැඳින්වීය.

චීනයේ බලවත්ම වාහක රොකට්ටුව වන ලෝන්ග් මාර්ච්-5B (LM-5B) රටේ අභ්‍යවකාශ මධ්‍යස්ථානය එකලස් කිරීම සඳහා අවශ්‍ය ප්‍රධාන මොඩියුලයක් ප්‍රවාහනය කිරීමට සූදානම්ව සිටියි.

යුරෝපය සෙල්සියස් අංශක 40ට වැඩි උෂ්ණත්වයකට එරෙහිව සටන් වදින අතරතුර පසුගිය සතිය තුළ ස්පාඤ්ඤයේ සහ පෘතුගාලයේ උණුසුම හේතුවෙන් සිය ගණනක් මිනිසුන් ජීවිතක්ෂයට පත්ව ඇත.

පාර්ලිමේන්තුව තුළින් නව ජනපතිවරයෙක් පත්කර ගැනීම වෙනුවෙන් හෙට (20දා) පාර්ලිමේන්තුවේ පැවැත්වීමට නියමිත ඡන්ද විමසීමේදී ඒ සඳහා අපේක්ෂකයෙක් ලෙස එක්ව ඇති පාර්ලිමේන්තු මන්ත්‍රී ඩලස් අලහප්පෙරුම මහතාට පක්ෂව ඡන්දය භාවිත කිරීමට ශ්‍රී ලංකා නිදහස් පක්ෂය තීරණය කර තිබේ. එම පක්ෂය මීට ඉහතදී තීරණය කර තිබුණේ කිසිඳු අපේක්ෂකයෙක් වෙනුවෙන් සහාය නොදැක්වීමටයි.

මව විසින් සිය තුන් හැවිරිදි දියණිය ළිඳට දමා සිටියදී පාසල් සිසුන් දෙදෙනෙකු ළිඳට පැන ඇය බේරාගත් බව කරන්දෙණිය පොලීසිය කියයි.

කොවිඩ් මරණ වලත් වැඩිවීමක් පෙන්නුම් කරමින් ඊයේ දිනයේදී සිදුව ඇතිබවට අද දිනයේදී තහවුරු කර ඇති කොවිඩ් මරණ සංඛ්‍යාව 03ක් බවට පත්ව තිබේ. මෙම මරණ තුනම අවුරුදු 30ට වැඩි කාන්තාවන් වෙයි.

එළැඹෙන සඳුදා (25දා) සිට පාසල් ආරම්භ කිරීමට තීරණය කර ඇතැයි අධ්‍යාපන අමාත්‍යාංශය පවසයි. එළැ‍ඹෙන 21දා සිට යළි පාසල් ආරම්භ කිරීමට නියමිතව පැවති නමුත් රට තුළ පවතින ඉන්ධන හා ප්‍රවාහන දුෂ්කරතා හේතුවෙන් ඇති වී ඇති අර්බුදකාරී තත්ත්වය සලකා 2022.07.25 සඳුදා දින සිට පාසල් නැවත ආරම්භ කිරීමට තීරණය කර ඇතැයි අධ්‍යාපන අමාත්‍යාංශය නිවේදනයක් නිකුත් කරමින් පවසයි.

ජාතික ඉන්ධන බලපත්‍රයට මේ වන විට මිලියන 2කට අධික පිරිසක් අද පස්වරු 4.00 වන විට ලියාපදිංචි වී ඇතැයි විදුලි බල හා බලශක්ති අමාත්‍ය කංචන විජේසේකර මහතා කියයි.

ඒ අනුව වාහනයේ අංක තහඩුවේ අවසාන ඉලක්කම 0,1,2 නම් - අඟහරුවාදා සහ සෙනසුරාදා 3,4,5 නම් - බ්‍රහස්පතින්දා සහ ඉරිදා 6,7,8,9 නම් - සඳුදා, බදාදා සහ සිකුරාදා යන දිනයන්වලදී ඉන්ධන නිකුත් කිරීමට නියමිතය.

ජනපතිවරයෙක් තෝරා පත්කර ගැනීම වෙනුවෙන් හෙට (20දා) පාර්ලිමේන්තුවේ පැවැත්වීමට නියමිත ඡන්ද විමසීමේදී ඩලස් අලහප්පෙරුම මහතාට සහාය දැක්වීමට ආණ්ඩුවේ සිටි ස්වාධීන වූ පක්ෂ එකමුතුව තීරණය කර තිබේ.

පොළොන්නරුව කදුරුවෙල සමුපකාර ඉන්ධන පිරවුම්හලේ සෞඛ්‍ය සේවය සඳහා වෙන් කරන ලද ඉන්ධන පොළොන්නරුව මහ රෝහලේ සෞඛ්‍ය කාර්යය මණ්ඩලය වෙත නිසි පරිදි ලැබී නැතැයි පවසමින් පොළොන්නරුව මහ රෝහලේ හෙද හෙදියන් ඇතුළු සෞඛ්‍ය කාර්ය මණ්ඩල දැවැන්ත විරෝධතාවක් අද (19දා) දහවල් පොලොන්නරුව මහ රෝහල ඉදිරිපිට දී පැවැත්වූහ.

පාර්ලිමේන්තුවේ ජනපතිවරයෙක් තෝරා ගැනීමට පැවැත්වීමට නියමිත ඡන්ද විමසීම සඳහා අපේක්ෂකයෙක් ලෙසින් එක් නොවුණ විපක්ෂනායක සජිත් ප්‍රේමදාස මහතා අග්‍රාමාත්‍යධුරයට තරග කිරීමට නියමිත බව දේශපාලන ආරංචි මාර්ග සඳහන් කරයි.

ජනාධිපතිවරයා තෝරා පත්කර ගැනීමේ කටයුතු හෙට (20දා) සිදු කෙරෙන බැවින් පාර්ලිමේන්තුව අවට විශේෂ ආරක්ෂාවක් අද (19දා) සිට යොදා තිබේ.

ඉන්ධන මිල අඩු වීම නිසා පහත දමන ලද පොදු මගී ප්‍රවාහන බස් ගාස්තු අද(19) මධ්‍යම රාත්‍රී 12 සිට ක්‍රියාත්මක බව ජාතික ගමනාගමන කොමිෂන් සභාවේ අධ්‍යක්ෂ ආචාර්ය නිලාන් මිරැන්ඩා පවසයි. අධ්‍යක්ෂවරයා මේ බව සඳහන් කළේ බස් ගාස්තු සංශෝධන නව සැලැස්ම පිළිබඳව ජනතාව දැනුවත් කිරීමට රජයේ ප්‍රවෘත්ති දෙපාර්තමේන්තු ශ්‍රවණාගාරයේ අද(19) පැවති ප්‍රවෘත්ති සාකච්ඡාවට එක් වෙමිනි.

ඉන්ධන ලබාගැනීම ‘ජාතික ඉන්ධන බලපත්‍රය’ සමග වාහනයේ ලියාපදිංචි අංකයේ අවසන් ඉලක්කමට අනුව පමණක් අනිද්දා (21දා) සිට නිකුත් කරන බව ඉන්ධන පිරවුම්හල් හිමියන්ගේ සංගමයේ සභාපති කුමාර රාජපක්ෂ මහතා අද (19දා) කොළඹ පැවැති මාධ්‍ය හමුවකදී පැවසීය.

අදාළ නීතිරීතිවලට අනුගත වෙමින් පාර්ලිමෙන්තුව විසින් අනුප්‍රාප්තික ජනාධිපතිවරයා තෝරා ගැනීම සදහා හෙට (20) පැවැත්වෙන ඡන්ද විමසීම ප්‍රජාතන්ත්‍රවාදයට ගරු කරමින් සාර්ථකව අවසන් කර ගැනීම සදහා සියලු පක්ෂවල සහය අපේක්ෂා කරන බව කථානායක මහින්ද යාපා අබේවර්ධන මහතා අද පැවසීය.

ඉන්ධන අර්බුදය නිසා බස් ගාස්තු අධික ලෙස ඉහළ යෑමත් බස් ධාවනය අවම වීමත් හේතුවෙන් දුම්රිය සඳහා ඉල්ලුම වැඩිවීමත් සමඟ දුම්රිය ප්‍රවේශපත් අවසන් වෙමින් තිබෙන බව දුම්රිය ස්ථානාධිපතිවරු පවසති.

බදුල්ල ලංගම ඩිපෝවෙන් වැඩි මිලට අලෙවිකිරීමට බාහිර පුද්ගලයෙකුට ඩීසල් ඉන්ධන ලීටර් 1040ක් නිකුත් කර තිබියදි සැකකරුවන් තිදෙනෙකු සමග අද (19දා) අත්අඩංගුවට ගත් බව පාරිභෝගික සේවා අධිකාරිය පවසයි.

ගොවීන් විසින් මිලදී ගන්නා යූරියා කිලෝග්‍රෑම් 50කින් යුත් පොහොර මිටියක් අලෙවි කරනු ලබන්නේ රු.10,000කට වුවත්, අද දින සිට පොහොර බෑගයේ අන්තර්ගත බර ප්‍රමාණය මැන, ඒ අනුව මුදල් අය කරන ලෙස සියලුම ගොවිජන සේවා මධ්‍යස්ථාන වෙත දැනුම් දීමට කටයුතු යොදා තිබේ.

මෙරටින් යළිත් කොරෝනා වෛරසය ව්‍යාප්ත වීමේ අවදානමක් මතුව ඇති බවත් ඊයේ (18දා) කොරෝනා අසාදිතයින් 62ක් හදුනාගත් බවද වසංගත රෝග අංශයේ ප්‍රධානී විශේෂඥ්‍ය වෛද්‍ය සමිත ගිනිගේ මහතා පැවසීය.

ජපානයේ හිටපු අග්‍රාමාත්‍ය ෂින්සෝ අබේ මහතාගේ අභාවය වෙනුවෙන් සිය ශෝකය ප්‍රකාශ කිරීම සඳහා හිටපු ජනාධිපති මහින්ද රාජපක්ෂ මහතා අද (19දා) ජපාන තානාපති කාර්යාලයට පැමිණියේය.

හිටපු ජනපති ගෝඨාභය රාජපක්ෂ මහතාට සිංගප්පූරුවේ රැදී සිටිය හැක්කේ දින 15ක කාලයක් පමණක් බවට එරට රජය නිල වශයෙන් ගෝඨාභය රාජපක්ෂ මහතා වෙත දන්වා ඇතැයි ජාත්‍යන්තර මාධ්‍ය වාර්තා කරයි.

පවතින දැඩි ඉන්ධන හිගය හේතුවෙන් මන්නාරමේ ධීවරයින් මාස එකහමාරකට ආසන්න කාලයක් මුහුදු ගමන් නොයෑම හේතුවෙන් ධීවර පවුල් 2000 කට ආසන්න ප්‍රමාණයක් දැඩි පීඩාවන්ට පත්ව සිටින බවට මන්නාරම් ධීවර සංගම් පෙන්වා දෙයි.

බස් ගාස්තු සියයට 2.23කින් අද මධ්‍යම රාත්‍රියේ සිට ක්‍රියාත්මක වන පරිදි අඩුවන බව වාර්තා වේ. ඒ අනුව අවම බස් ගාස්තුව රුපියල් 38ක් ලෙස සංශෝධනය කිරීමට නියමිතය.

වැඩබලන අගමැති ලෙස පත්ව ඇති රනිල් වික්‍රමසිංහ මහතා එම ධුරයට පත්වීම නීතිවිරෝධී බවත් ඔහුගේ පත්වීම අහෝසි කරන ලෙසත් සඳහන් කරමින් ශ්‍රේෂ්ඨාධිකරණයට ඉදිරිපත් කළ පෙත්සම නිශ්ප්‍රභ කිරීමට ශ්‍රේෂ්ඨාධිකරණය තිරණය කළේය. ඒ එම පෙත්සම අද දිනයේදි ශ්‍රේෂ්ඨාධිකරණයේ කැඳවූ අවස්ථාවේදීය.

ශ්‍රී ලංකාවට අයත් මුහුදු සීමාව තුළ අනවසර ධීවර කටයුතු සිදු කල ඉන්දීය ධීවර යාත්‍රා පලවා හැරීම සඳහා ඊයේ (18දා) නාවික හමුදාව විසින් සිදුකල විශේෂ මෙහෙයුමකදී, කච්චතිව් දූපත අසල මුහුදේ පාවෙමින් තිබූ කේරළ ගංජා කිලෝග්‍රෑම් 30 ක (තෙත බර සහිතව) පමණ තොගයක් නාවික හමුදා භාරයට ගැනීමට කටයුතු කෙරිණි.

මෙය 2021 ජනවාරි මාසයේදී එක්සත් ජනපද ජනාධිපති ජෝ බයිඩන් බලයට පත්වීමෙන් පසු තායිවාන කලාපයට සිදු කරන ලද පස්වන ආයුද අලෙවිය වන අතර මෙම වසරේ සිව්වැනි අවි අලෙවිය ලෙස සැලකෙයි.

ගල්කිස්ස දුම්රිය පොල ආසන්නයේ ගමන් කරමින් තිබූ දුම්රිය මගියකු අතබැඳි රුපියල් 75,000 කට අධික වටිනා බේස්ලට් එකක් කඩාගන පලා යමින් සිටි පුද්ගලයෙකු ගල්කිස්ස වෙරළ තීරයේදී ඊයේ (18දා ) වන දින ගල්කිස්ස අපරාධ විමර්ශන කාර්යාංශය මගින් අත්අඩංගුවට ගෙන ඇතැයි පොලීසිය පැවසීය.

පාර්ලිමේන්තුවේ හෙට දිනයේ පැවැත්වීමට නියමිත නව ජනපතිවරයෙක් තෝරා පත්කර ගැනීම වෙනුවෙන් වූ ඡන්ද විමසිම ජයග්‍රහණය කිරිමට පාර්ලිමේන්තු මන්ත්‍රී ඩලස් අලහප්පෙරුම මහතාට වැඩි අවස්ථාවක් නිර්මාණය වී තිබේ.