2022 වසරේදී මේ දක්වා සංචාරක ක්ෂේත්‍ර යෙන් ලැබූ ආදායම ඇමෙරිකානු ඩොලර් මිලියන 1022ක් බවට පත්ව තිබේ. ඒ ඔක්තෝබර් මාසයේදී සංචාරක කර්මාන්තයෙන් ඩොලර් මිලියන 75.6ක ආදායමක් උපයා ගැනීමත් සමගිනි.

ළමයි උසාවි ගියා.අවුරුදු දෙකක් කල් ගියා. ඒ අවුරුද දෙක ඇතුලේ සයිටම් එක විශාල අර්බුදයක හිටියේ. ඒ නිසා සයිටම් එක කඩා වැටුණා. අවුරුදු දෙකකට පස්සේ නඩු තීන්දුව දුනනේ සයිටම් එක නීත්‍යානුකූලයි. උපාධිය නීත්‍යානුකූලයි කියලා. දැන් ඒ දරුවෝ වෛද්‍යවරු. ඕන කෙනෙකුට අද පුළුවන් සයිටම් එක පටන් ගන්න. තමුන්නාන්සේලා සූදානම් අපි සයිටම් එක පටන් ගමු

බ්‍රසීල ජනාධිපති බොල්සොනාරෝගේ නායකත්වයේ සිව් වසර තුළ වන විනාශය පෙර වසර හතරට වඩා 60%කින් ඉහළ ගොස් ඇති අතර, මෙවර මැතිවරණය ඔහු පරාජයට පත්වීමට එම වන සංහාරයද හේතුවක් වී ඇති බව විචාරකයෝ පවසති..

15 හැවිරිදි සිසුවෙකු පදිංචිව සිටින නිවෙසට ගොස් ඔහුට ලිංගික අතවර කළ බව කියන හොරණ අධ්‍යාපන කලාපයේ පාසලක ගුරුවරියක් අත්අඩංගුවට ගෙන කරන අධිකරණය වෙත ඉදිරිපත් කිරීමෙන් අනතුරුව මෙම මස 6 වැනිදා දක්වා රිමාන්ඩ් භාරයේ තබන ලෙස වැඩබලන මහේස්ත්‍රාත් නලින් ඉඹුල්ගොඩ මහතා නියෝග කළේය.

ආදායම් බදු ආපසු ගෙවීමේ මෘදුකාංගය අක්‍රීය වී තිබෙන බවත්, මෙය හිතාමතා කළ දෙයක්ද, එසේ නැතිනම් තදබදය හේතුවෙන් සිදුවූවක්ද යන්න පැහැදිලි කිරීමක් සිදු කළ යුතු බවත් සමගි ජන බලවේගයේ පාර්ලිමේන්තු මන්ත්‍රී ජේ.සී.අලවතුවල මහතා පැවසීය. පාර්ලිමේන්තුවේදී අද (01දා) ප්‍රශ්නයක් යොමු කරමින් හෙතෙම මේ බව සඳහන් කළේය.

ප්‍රංශය කාලගුණික දත්ත ලබාගැනීම ආරම්භයේ සිට මේ දක්වා වාර්තා උණුසුම්ම වසර අත්විඳ ඇති බව එරට ජාතික කාලගුණ සේවය ප්‍රකාශ කළේ ගෝලීය උෂ්ණත්වය ඉහළ යාම පිළිබඳ අවදානම ඉහළ නංවමිනි.

සීත සෘතුවේ උණුසුම ලබාගැනීම සඳහා වැඩි වැඩියෙන් ඉන්ධන භාවිතා වන නිසා ඒකත් එක්ක තෙල් මිල යලි ඉහල නගිනවා. ජලාශ හිඳිලා නිසා ජල විදුලිය නෑ. තෙල් මිල එක්ක තෙල් ගන්න ඩොලර් නෑ. ගල්අඟුරු ගෙනැවිත් නෑ. ලබන වසරේ මාර්තු වන විට මේ වසරටත් වඩා භයානක විදුලි අර්බුදයක් ඇතිවීමේ අවදානමක් තියනවා.

වඩාත් වැදගත්ම කරුණ වන්නේ අවුරුදු 18-29 අතර පසුවන අයගෙන් සියයට 77.2ක්ම ශ්‍රී ලංකාවෙන් පිටත්ව වෙනත් රටක ජීවත්වීමට කැමැත්ත ප්‍රකාශ කර තිබේ. එයට අකමැත්ත ප්‍රකාශ කර ඇත්තේ සියයට 22ක ප්‍රතිශතයකි.

අයහපත් කාලගුණය එය පිහිටි ස්ථානයේ ස්වභාවය අනුව මුදා ගැනීමේ ප්‍රයත්නය අවුල් කරන බව ගලවා ගැනීමේ සේවකයන් පවසයි.

මියගොස් සිටි කොටියාගේ පාද හතර, සම සහ කොටියාගේ දත් කිසියම් පිරිසක් විසින් ගලවා ගෙන ගොස් ඇති බවත්, බගවන්තලාව පොලිසිය පවසයි.

උණවටුණ මහරඹ දුම්රිය හරස් මාර්ගයේදී ත්‍රිරෝද රියක් රජරට මැණිකේ දුම්රියේ ගැටීමෙන් සිදුවූ අනතුරකින් දෙදෙනෙක් ජිවිතකෂයට පත්ව තිබේ.

නිදහස් අධ්‍යාපනය නම් බාහිර කළත් නිදහස් අභ්‍යන්තර කළත් නිදහස්. අපිට තිබෙන්නේ බාහිර උපාධිවලට බදු අයකරන්න. ඒ අය ව්‍යාපාරයක් කරනවනම් අපි බද්ධක් අය කරන්න ඕන. වැට් එක හරි දාන්න ඕන. කවුද මේ පංති පවත්වන්නේ. මේ පංති පවත්වන සමහර අය විශ්වවිද්‍යාවල ඉන්න අය. මෙතන යනවා පුද්ගලික ක්‍රමවේදයක්. අපිට කරනවා මේක කරන්න එපා කියලා. අපි මේක නැවැත්විය යුතුයි. මේකට ලෑස්තිනම් අපි සාකච්ඡා කරමු

විදුලි බිල වැඩි කිරීම වහාම නතර කර අයවැයෙන් වැඩි වශයෙන් වෙන් කර තිබෙන ප්‍රතිපදන රටේ ලක්ෂ 43ක් වන දරැ පරපුරට සහ මව් පරපුරට වෙන් කරන ලෙස යෝජනා කරන බව විපක්ෂනායක සජිත් ප්‍රේමදාස මහතා පැවසීය.පාර්ලිමේන්තුවේදී අද (01දා) ප්‍රකාශයක් කරමින් හෙතෙම මේ බව සඳහන් කළේය.

සෑම පුද්ගලයෙකුටම සමෘද්ධිය ලබාදීම සඳහා මුදල් නොමැති නමුත් සමෘද්ධිය ලැබීමට නුසුදුසුකම් ඇති අය ඉවත් කළ හොත් සුදුසුකම් ඇති අයට ලබාදිය හැකි බවත් ජනපති රනිල් වික්‍රමසිංහ මහතා පවසයි.

’’අද මේ හැමෝම කථා කරන්නේ කාගේ අයිතිවාසිකම්ද? විදුහල්පති වැටුප් විශමතාව, ගුරුවරුන්ගේ වැටුප් විශමතාව, දීමනා පිළිබඳව, හැබැයි මේ ඒක්කෙනෙක්වත් කථා කළේ නෑනේ මේ දරුවන්ට පංතියේ හරියට උගන්වනවද කියලා. දැන් හයදාස් ගණනක් ඔ්ලෙවල් වල වැඩ සියල්ලම අසමත්. කවුද මේවට වග කියන්නේ. වග කියන්න කෙනෙක් නෑ. අවුරුදු 11ක් පාසලේ ඉගෙන ගෙන වැඩ සියල්ලම අසමත් වුණාම වග කියන්න කෙනෙක් නෑ. මේ ඔක්කොම කථා කරන්නේ කාගේ අයිතිවාසිකම්ද? වැඩිහිටියන්ගේ අයිතිවාසිකම්. අනිත් පැත්තෙන් තමන්ගේ මතයම

තමන් අමාත්‍යවරයෙක් ලෙස පළමු වරට පත්වූයේ 2000 වසරේදී බවත් අද පාර්ලිමේන්තුවේ සිටින ඇතැම් අය ඒ වන විට සිය පාසල් ගමන හෝ නිමාකර නොමැති බවත් අධ්‍යාපන අමාත්‍ය සුසිල් ප්‍රේම්ජයන්ත මහතා පැවැසීය.

ශ්‍රී ලංකාව හා ශ්‍රී ලාංකික ජනතාව සමග සත්‍යවශයෙන්ම චීනය සිටගනීනම් චීනය ශ්‍රී ලංකාවේ ණය ප්‍රතිව්‍යුහගත කිරීමේ ක්‍රියාවලියට සහාය දැක්විය යුතු බව පාර්ලිමේන්තු මන්ත්‍රී ශානික්කියන් රාසමානික්කම් කළ ප්‍රකාශයට ශ්‍රී ලංකාවේ චීන තානාපති කාර්යාලය පිළිතුරු ලබා දී තිබේ.

මඩකළපුව දිස්ත්‍රික්කය තුළ සංචාරක කර්මාන්තය ප්‍රවර්ධනය සඳහා ඉඩම් හඳුනා ගැනීම පිළිබඳ සාකච්ඡාවක් ජනාධිපති රනිල් වික්‍රමසිංහ මහතාගේ ප්‍රධානත්වයෙන් ඊයේ (30) පෙරවරුවේ ජනාධිපති කාර්යාලයේ දී පැවැත්විණි.

ශ්‍රීමත් ජෝන් කොතලාවල ආරක්ෂක විශ්වවිද්‍යාල රෝහ‍ලේ ඉදිරි කටයුතු පිළිබඳ සාකච්ඡාවක් ජනපති ප්‍රධානත්වයෙන් ශ්‍රීමත් ජෝන් කොතලාවල ආරක්ෂක විශ්වවිද්‍යාල රෝහ‍ලේ කටයුතු විධිමත්ව ඉදිරියට පවත්වාගෙන යාම පිළිබඳ සාකච්ඡාවක් ජනාධිපති රනිල් වික්‍රමසිංහ මහතාගේ ප්‍රධානත්වයෙන් ඊයේ (30) පෙරවරුවේ ජනාධිපති කාර්යාලයේ දී පැවැත්විණි

ඔක්සිජන් අධිශෝෂක යන්ත්‍ර මිලදී ගැනීමේ ටෙන්ඩරයට ලංසු තැබූ අඩු මිල සමාගම් ඉවත්කොට, වැඩි මිල සමාගමට අවස්ථාව ලබා දීම සදහා සෞඛ්‍ය අතිරේඛ ලේකම්වරයෙකු උත්සාහ කරමින් සිටින බව සෞඛ්‍ය විද්වත් වෘත්තීය වේදීන්ගේ සංගමයේ සභාපති රවී කුමුදේශ් මහතා පවසයි.

ඒ අනුව රතු කැකුළු කිලෝවක් රුපියල් 6 කින් අඩු කරමින් රුපියල් 199 ක් දක්වාත්, කීරි සම්බා කිලෝවක් රුපියල් 15 කින් අඩු කරමින් රුපියල් 225 ක් දක්වාත්, ලොකු ලූනු කිලෝවක් රුපියල් 30 කින් අඩු කරමින් රුපියල් 225 ක්දක්වාත් සහ හාල්මැස්සන් කිලෝවක් රුපියල් 150 කින් අඩු කරමින් රුපියල් 1150 ක් දක්වාත් මිල අඩුකර තිබේ.

ලෝක කුසලාන පාපන්දු තරගාවලියේ තමන් සහභාගි වූ තෙවැනි තරගයෙන් සෞදි අරාබිය පරදා ගෝල 2-1 ක ජයක් වාර්තා කිරීමට මෙක්සිකෝව සමත්විය. මෙම තරගය ලුසේල් ක්‍රීඩාංගණයේදී පැවැත්විණි.

ලෝක කුසලාන පාපන්දු තරගාවලියේ පෝලන්තය සමගින් පැවති තරගය ගෝල 2-0 ක් ලෙසින් ජය ගැනිමට ආර්ජන්ටිනාව සමත්විය. ‘සී’ කාණ්ඩයේ පැවති තරගය දෝහා හිදී පැවැත්විණි.

‍චරිත් අසලංක නොදැවී රැස් කළ ලකුනු 83 ත් කුසල් මෙන්ඩිස්ගේ අර්ධ ශතකයත් නිසා සංචාරක ඇෆ්ගනිස්ථානය සමගින් පැවති තෙවැනි හා අවසන් එක්දින තරගයෙන් කඩුළු 4 ක විශිෂ්ඨ ජයක් හිමිකර ගැනීමට ශ්‍රී ලංකාව සමත්විය.

ආහාර කාණ්ඩයෙහි වාර්ෂික ලක්ෂ්‍යමය උද්ධමනය 2022 ඔක්තෝබර් මාසයේ පැවති 85.6%හි සිට 2022 නොවැම්බර් මාසයේදී 73.7% දක්වා පහළ ගොස් තිබේ.

සංචාරක ඇෆ්ගනිස්ථානය සමගින් පැවැත්වෙන තෙවැනි හා අවසන් එක්දින තරගයේ ලකුනු 314ක ඉලක්කයක් හඹායන ශ්‍රී ලංකා කණ්ඩායමේ ආරම්භක පිතිකරු කුසල් මෙන්ඩිස් සිය 20 වැනි එක්දින අර්ධ ශතකය වාර්තා කලේය

විදේශ රැකියා ලාභීන් ශ්‍රී ලංකා විදේශ සේවා නියුක්ති කාර්යාංශයේ ලියාපදිංචි කිරීමේදී විදේශ ගමන් බලපත්‍රයෙහි අලවනු ලබන ආරක්ෂිත මුද්දර ව්‍යාජ අයුරින් යොදාගෙන ඕමානයට විදේශ ගත වීමට උත්සහකල කාන්තාවන් දෙදෙනෙකු පසුගියදා කටුනායක ගුවන් තොටුපල නිළධාරීන් විසින් විදේශ සේවා නියුක්ති කාර්යාංශයේ විශේෂ විමර්ශන අංශයට යොමුකරන ලදී.

මිනිසුන් සභා යාඥාවෙන් පිටව යමින් සිටියදී මෙම පිපිරීම සිදුව ඇති බව පැවසෙන අතර ප්‍රාදේශීය රෝහලේ වෛද්‍යවරයකු පැවසුවේ මියගිය අයගෙන් වැඩි දෙනෙක් පාසලේ සිසුන් බවයි.

ශ්‍රී ලංගම සේවකයින්ට ප්‍රසාද දීමනා වශයෙන් රු. 20,000/- ක මුදලක් ද පාසල් උපකරණ මිලදී ගැනීම සඳහා රුපියල් 20,000/- ක මුදලක් ද වශයෙන් රුපියල් 40,000/- මුදලක් ලබාදීමට කඩිනමින් මැදිහත් වන ලෙස සමස්ත ලංකා ප්‍රවාහන සේවක සංගමය ජනපති රනිල් වික්‍රමසිංහ මහතාගෙන් ඉල්ලා සිටියි.