ප්‍රාථමික කර්මාන්ත අමාත්‍ය චාමර සම්පත් දසනායක මහතාට අයිති ආයතන දෙකක් විසින් සිය ආයතනවල ලාභාංශ මුදල් මහා භාණ්ඩාගාරයට යොමුකර තිබේ.

ශ්‍රී ලංකාවේ ණය ප්‍රතිව්‍යුහගත කිරීමේ උපාය මාර්ගයන් අප්‍රේල් මාසයේදී ප්‍රකාශයට පත් කරන බව මහ බැංකු අධිපති ආචාර්ය නන්දලාල් වීරසිංහ මහතා පවසයි. එසේම වාණිජ ණය හිමියන් සමග කරන සාකච්ඡා වේගවත් කිරීමටද කටයුතු කරන බවත් රොයිටර් පුවත් සේවයට අදහස් දක්වමින් මහ බැංකු අධිපතිවරයා පවසයි.

බහුතර ජනතාව සමග මහපාරේ සටන් කර රටේ ජනතාවගේ සර්වජන ඡන්ද බලය දිනා ගැනීමට සූදානම් බව විපක්ෂනායක සජිත් ප්‍රේමදාස මහතා පැවසීය.

පාර්ලිමේන්තු මන්ත්‍රීවරුන් වන ප්‍රේමනාත් සී සී. දොළවත්ත සහ ඉමිතියාස් බාකීර් මාකර් යන මහත්වරු විසින් පෞද්ගලික මන්ත්‍රී පනත් කෙටුම්පත් ලෙස ඉදිරිපත් කරන ලද පළාත් පාලන මැතිවරණ (සංශෝධන) පනත් කෙටුම්පත් ද්විත්වයක්, අමාත්‍යාංශ වාර්තා සමග ව්‍යවස්ථාදායක ස්ථාවර කාරක සභාවේදී පසුගියදා සලකා බැලිණි.

ඇමෙරිකානු ඩොලරයට සාපේක්ෂව ශ්‍රී ලංකා රුපියල අද (09) දිනයේදීද ශක්තිමත් වීමක් පෙන්නුම් කළේය. මේ අනුව ශ්‍රී ලංකා මහ බැංකුවේ නිල විනිමය අනුපාත අනුව ඩොලරයක ගැණුම් මිල රුපියල් 307.36ක් ලෙසත් විකුණුම් මිල රුපියල් 325.52ක් ලෙසත් සටහන් විය.

තමිල්නාඩුවේ විවිධ කඳවුරුවල සිට නවසීලන්තය බලා නීතිවිරෝධීව ගමන් කිරීමට සූදානම් වූ ශ්‍රී ලාංකිකයන් හය දෙනෙක් තමිල්නාඩු පොලිසියේ අපරාධ විමර්ශන දෙපාර්තමේන්තුවේ ‘Q’ අංශය විසින් අත්අඩංගුවට ගෙන තිබේ.

පළාත් පාලන මැතිවරණයට මාස 06ක කාලයක් ලබා දී තිබියදී නිසි පරිදි කටයුතු නොකරමින් මැතිවරණ කොමිෂන් සභාව සිය වගකීම පැහැරහැර තිබෙන බවත්, එය රජය විසින් සිදු කළ කාරණයක් නොවන බවත් පළාත් සභා හා පළාත් පාලන රාජ්‍ය අමාත්‍ය ජානක වක්කුඹුර මහතා පැවසීය.

පාන් භාගයයි පරිප්පු පීරිසියේ මිල අද (09)මධයම රෑ සිට රුපියල් 130දක්වා අඩු කරන බව ආපනශාලා හිමියන්ගේ සංගමයේ සභාපති අසේල සම්පත් මහතා කීවේය.

බලය අයුතු ලෙස යොදාගැනීම සහ මුදල් විශුද්ධිකරණ චෝදනා යටතේ යසීන් අත්අඩංගුවට පත්කළ බව මැලේසියාවේ දූෂණ විරෝධී කොමිෂන් සභාව පවසයි.

“මේ කාරණයේදී ජාත්‍යන්තර මූල්‍ය අරමුදල මේ රටේ ජනතාවගේ හතුරෙක් හැටියට ක්‍රියාත්මක වෙන්නේ. ජාත්‍යන්තර මූල්‍ය අරමුදල තමයි මේ රටේ පවුල් ලක්ෂ 52කින් පවුල් ලක්ෂ 35කගේ පමණ ජීවිත විනාශ කර තිබෙන්නේ. ඒ කොන්දේසි ක්‍රියාත්මක කරමින් අපිට ඇවිල්ලා කියන කොට දැන් රටේ තත්ත්වය හොඳයි උද්ධමනය බැහැලයි කියලා ජනපතිට ඔලුවේ අමාරුවක් හැදිලා තියෙනවා කියලා එතුමාට එරෙහිව අපිට දෝෂාභියෝගයක් ගෙන්නත් අපිට ඉඩ තිබෙනවා”

ශ්‍රී ලංකා පොදුජන පෙරමුණ ප්‍රමුඛ රජය මැතිවරණයට සූදානම් බවත්, එම මැතිවරණය සුදුසු වාතාවරණයක පවත්වන ලෙස ඉල්ලීමක් කරන බවත් එම පක්ෂයේ පාර්ලිමේන්තු මන්ත්‍රී රෝහිත අබේගුණවර්ධන මහතා පැවසීය.

ඩොලරයට සාපේක්ෂව මේ වන විට ශක්තිමත්ම මුදල් ඒකකය බවට ශ්‍රී ලංකා රුපියල මේ වන විට පත්ව ඇතත් වසර අවසන් විට ශ්‍රී ලංකා රුපියල යළිත් පහත වැටීමක් සිදුවෙනු ඇතැයි ෆිච් රේටින්ග් ආයතනය පුරෝකතනය කරයි. ඒ අනුව වසර අවසන් වන විට ශ්‍රී ලංකා රුපියල ඩොලරයට සාපේක්ෂව සියයට 20කින් පමණ අවප්‍රමාණය වනු ඇතැයි එම ආයතනය පවසයි.

පොලීසිය විශ්වවිද්‍යාල තුළට පැමිණ ශිෂ්‍යන්ට පහරදුන් බව කියන සිදුවීම පිළිබඳ පියවරක් ගන්නා ලෙස අභ්‍යන්තර කටයුතු පිළිබඳ අමාත්‍යාංශයෙන්, විශයභාර ඇමතිවරයාගෙන් සහ පොලිස් දෙපාර්තමේන්තුවෙන් ඉල්ලීමක් කළ බව සභානායක, අධ්‍යාපන අමාත්‍ය සුසිල් ප්‍රේමජයන්ත් මහතා පැවසීය.

’’ඒ ඡන්දෙ පුල්ලෙයාර්ගෙ කසාදෙ වගේ ශිව දෙවියො කිව්වලු ඔයාගෙ කසාදෙ හෙට කියල. ගණ දෙවියන් ඒක ලියා ගත්තලු රන් පත්‍රයක. හැමදාම උදෙන්ම නැගිටලා ඒක බලන ගණදෙවියන් ’’ආ කසාදෙ හෙට’’ කියල එයාගෙ වැඩවල යෙදෙනවලු.’’ යනුවෙනි

ලංකා සතොස භාණ්ඩ වර්ග 07ක මිල පහළ දැමීමට ලංකා සතොස කටයුතු කර තිබේ. වියළි මිරිස්, රතු පරිප්පු, පාන් පිටි, සුදු සීනි, රතු කැකුළු (දේශීය), සුදු නාඩු (දේශීය), ලොකු ලූණු යන භාණ්ඩවල මිල පහළ දමා තිබේ.

සංචාරක ශ්‍රී ලංකා කණ්ඩායම හා නවසීලන්ත කණ්ඩායම අතර පැවැත්වෙන පළමු ටෙස්ට් තරගයේ පළමු දිනය නිමාවන විට ශ්‍රී ලංකා කණ්ඩායම පන්දුවාර 75ක් අවසානයේදී කඩුලු 6ට ලකුනු 305ක් රැස්කරගෙන සිටියි.

තිරිඟු පිටි කිලෝවක මිල රුපියල් 15කින් අඩු කිරීමත් සමග අද දින සිට ග්‍රෑම් 450ක පාන් ගෙඩියක් රු 10/= කින් අඩු කර රු 170/= මිලකට අලෙවි කරන බවත්, එයට සමගාමිව බේකරි නිෂ්පාදන කෙටි ආහාර මිල රු 10/= කින් අඩු කළද බේකරි නිෂ්පාදන මිල දි ගැනිම සදහා පාරිභෝගිකයන්ගෙන් විශාල ඉල්ලුමක් නොමැති බව හැටන් ප්‍රදේශයේ බේකරි හිමියන් පැවසිය.

ශ්‍රී ලංකාව වෙනුවෙන් ටෙස්ට් ලකුණු 7000 සීමාව පසුකර ගිය තෙවැනි පිතිකරුවා බවට පත්වීමට ශ්‍රී ලංකා හිටපු නායක ඇන්ජලෝ මැතිව්ස් සමත්විය. ඒ නවසීලන්තයට එරෙහිව ඔහු ලකුණු 47ක් රැස්කිරීමත් සමගිනි.

ආනයනික අර්තාපල් සඳහා වූ විශේෂ වෙළෙඳ භාණ්ඩ බද්ද ඉහළ දැමීමට රජය තීරණය කර තිබේ. ඒ අනුව එම බද්ද රුපියල් 30කින් ඉහළ දමා ඇති අතර මීට පෙර රුපියල් 20ක්ව පැවැති බදු අගය ඒ අනුව රුපියල් 50ක් දක්වා ඉහළ ගොස් තිබේ.

ශ්‍රී ලංකා කණ්ඩායම හා නවසීලන්ත කණ්ඩායම අතර පැවැත්වෙන පළමු ටෙස්ට් තරගයේ පළමු ඉනිම ක්‍රීඩා කරමින් සිටින ශ්‍රී ලංකා කණ්ඩායම මේ වන විට පන්දුවාර 65කදී කඩුලු පහක් දැවී ලකුණු 262ක් රැස්කරගෙන සිටියි.

’’දේශපාලන පක්ෂ විසින් මේ රටට ඩොලර් එවන්න එපා යැයි කියමින් පසුගිය කාලයේ විශාල ප්‍රචාරයක් ගෙන ගියා. ඒ දේශපාලන පක්ෂ විශ්වාස කරපු විදේශ රැකියාවල නිරත සමහරු රටට ‌ඩොලර් එවන්නේ නැතිව සඟවාගෙන හිටියා. අද මොකද වෙලා තියෙන්නේ. ඒ දේශපාලන පක්ෂ විශ්වාස කරළා රටට ඩොලර් එවන්නේ නැතිව ඒවා හංගාගෙන හිටපු අය අමාරුවේ වැටි ඇතැයි’’ කෘෂිකර්ම අමාත්‍ය මහින්ද අමරවීර මහතා පැවසීය.

පනාගොඩ යුද හමුදා කදවුරට යාබද මුරපලකින් ටී 56 ගිනි අවිය සොරාගැනීමේ සිද්ධියට සම්බන්ධ බවට සැක පිට හිමිනමක සහ තවත් පුද්ගලයකු අපරාධ පරීක්ෂණ දෙපාර්තමේන්තුවේ නිලධාරීන් කණ්ඩායමක් මගින් සැකපිට අත්අඩංගුවට ගත් බව උසස් පොලිස් නිලධාරියකු පැවැසීය .

මධ්‍යම සංස්කෘතික අරමුදලේ ක්‍රියාකාරීත්වය පිළිබඳ විශේෂ විගණන වාර්තාව මගින් මතු කරන කරුණු පිළිබඳ විමර්ශනය කිරීම කොට පසුගිය නොවැම්බර් 24 වැනිදා පැවති කෝප් කමිටුව විසින් ලබාදෙන ලද නිර්දේශ ක්‍රියාත්මක කිරීමේ ප්‍රගතිය සොයාබැලීම පිණිස පොදු ව්‍යාපාර පිළිබඳ කාරක සභාව ගරු මහාචාර්ය රංජිත් බණ්ඩාර මහතාගේ සභාපතීත්වයෙන් ඊයේ පස්වරුවේ (07) රැස් විය.

ඊශ්‍රායල් රාජ්‍යයේ සාත්තු සේවා රැකියාවක් ලබාදීම සඳහා පුද්ගලයෙකුගෙන් රු.1,195,000.00 ක මුදලක් වංචනිකව ලබාගත් කාන්තාවක, තවත් පුද්ගලයින් දෙදෙනෙකුගෙන් එලෙස මුදල් ලබාගන්නා අවස්ථාවේදීම විදේශ සේවා නියුක්ති කාර්යාංශයේ විමර්ශන නිළධාරීන් විසින් 2023.03.07 දින මාලඹේ ප්‍රදේශයේදී අත්අඩංගුවට ගෙන ඇත.

මෙවර 2023 අධ්‍යයන වර්ෂයට අදාළ පාසල් නිල ඇඳුම් ප්‍රමාණයෙන් 70%ක් ලබා දීමට එකඟත්වය පළ කර තිබූ චීන රජය එයින් 1/3ක් මින් පෙර ලබා දී තිබූ අතර ඉතිරි 2/3ක ප්‍රමාණය ද ලබා දෙමින් සම්පූර්ණ නිල ඇඳුම් ප්‍රදානය ම මේ වන විට පූර්ණ වශයෙන් ලබා දී අවසන් කර ඇත. චීන තානාපති චී. ෂෙන්හොන්ග් (Qi Zhenghong) මහතා විසින් අධ්‍යාපන අමාත්‍ය ආචාර්ය සුසිල් ප්‍රේමජයන්ත මහතා වෙත අධ්‍යාපන අමාත්‍යාංශයේ දී මෙම ඉතිරි නිල ඇඳුම් තොගය අද දින භාර දෙන ලදි.

විදේශ රැකියා ලබා දෙන බවට පවසමින් මුදල් ලබා ගැනීම ඇතුළු නීති විරෝධි කටයුතු වල නිරතවීමේ චෝදනාව මත විදේශ සේවා නියුක්ති කාර්යංශයේ විශේෂ විමර්ශන අංශය පසුගිය ජනවාරි සහ පෙබරවාරී මාස 2ක තුළ පමණක් පුද්ගලයින් 24 දෙනෙකු අත්අඩංගුවට ගෙන අධිකරණයට ඉදිරිපත් කිරීමට කටයුතු කල බව විදේශ සේවා නියුක්ති කාර්යංශය පවසයි.

ජාතික ඉන්ධන අවසරපත හෙවත් කිව්.ආර්. කේතයේ සතියේ ඉන්ධන කෝටාව යාවත්කාලීන කිරීම මෙතෙක් පැවැති ඉරිදා දින මධ්‍යම රාත්‍රිය වෙනුවට අඟහරුවාදා දින මධ්‍යම රාත්‍රිය ලෙස වෙනස් කිරීමට කටයුතු කළ බව විදුලි බල හා බලශක්ති අමාත්‍ය කංචන විජේසේකර මහතා පවසයි.

ජාත්‍යන්තර මූල්‍ය අරමුදල ශ්‍රී ලංකාව වෙනුවෙන් ක්‍රියාත්මක කිරීමට නියමිත විස්තීර්ණ මූල්‍ය පහසුකම වෙනුවෙන් අනුමැතිය හිමිවූ විට ශ්‍රී ලංකාවට ඇමරිකානු ඩොලර් බිලියන 7 ක් දක්වා අරමුදල් ලබා ගැනීමට ඉඩ සැලසෙන බව මුදල් රාජ්‍ය අමාත්‍ය ෂෙහාන් සේමසිංහ මහතා පවසයි.

කාන්තා දිනයට සමගාමීව ශ්‍රී ලංකන් එයාර්ලයින් වෙතින් සම්පූර්ණ කාන්තා කාර්යමණ්ඩලයක් සහිත ගුවන් ගමනක් දියත් කිරීමට අද (08දා) සමත්විය.