නාරම්මල ප්‍රදේශයේ විදුහලක දහවන වසරේ ඉගෙනුම ලබන සිසුවියක් විසින් වල් නාශක කුඩු වර්ගයක් පානීය ජලයට කළවම් කර බීමට දීමෙන් රෝගාතුරවූ සිසුවියන් හය දෙනෙකු ප්‍රතිකාර සඳහා නාරම්මල ප්‍රාදේශීය රෝහලට ඇතුළත් කර සිටින බව නාරම්මල පොලීසිය පවසයි.

රාජ්‍ය අමාත්‍යවරුන් වන තාරක බාලසූරිය, ජානක වක්කුඹුර, කනක හේරත්, පාර්ලිමේන්තු මන්ත්‍රී යදාමිණි ගුණවර්ධන, අග්‍රාමාත්‍ය ලේකම් අනුර දිසානායක යන මහත්වරු ද මෙම සංචාරයට එක්ව සිටිති.

එමෙන්ම මුදල් වංචා සිදු නොකිරීමටද සියලු දෙනා වග බලා ගත යුතුයි. මුදල් වංචා සිදු කරන අයට එරෙහිව තරාතිරම නොබලා දැඩි පියවර ක්‍රියාත්මක වෙනවා.මුදල් වංචා නිසා දිනකට රුපියල් ලක්ෂ 20 ක මුදලක් ලංගමට අහිමිවනවා. ටිකට් පත් වංචා සදහා ලංගමයේ හදිසි වැටලීම් ඒකකයේ ඇතැම් අයත් සම්බන්ධ බවට ලැබුනු වාර්තා නිසා පසුගිය සතියේ දී ලංගම හදිසි වැටලීම් ඒකකය විසුරුවා හැරියා. වංචා දූෂණ වලට සම්බන්ධ අය සදහා ආයතනික මට්ටමෙන්ද නව අල්ලස් පනත අනුවද පරීක්ෂන ක්‍රියත්මක වනවා.

යාපනය මහනුවර මාර්ගයේ මාන්කුලම් පනිච්චංකුලම් ප්‍රදේශයේදී අද (15) අලුයම සිදුවූ මාරක රිය අනතුරකින් පුද්ගලයින් තිදෙනෙකු මිය ගොස් තවත් 8 කට බරපතල තුවාල සිදුව ඇති බවට මාන්කුලම් පොලීසිය පවසයි.

වාරිමාර්ග අමාත්‍යාංශය යටතේ ක්‍රියාත්මක වෙමින් තිබූ මහා පරිමාණ සංවර්ධන ව්‍යාපෘති 09 ක් අතරින් ව්‍යාපෘති 07 ක ප්‍රගතිය 0%සිට 13.6% ක අවම මට්ටමකට පැවති බව, ජාතික විගණනය මගින් අනාවරණය කර ඇතැයි ජාතික විගණන අංශයේ නිලධාරියෙකු සමගඉකුත් 12දින කළ විමසීමක දී අනාවරණය විය.

මගීන්ට සිටගෙන යා හැකි ආකාරයේ සුඛෝපභෝගි බස්රථ සේවාවක් කොළඹ නගරය මූලික කර ගනිමින් ආරම්භ කිරීමට සැලසුම් කර තිබෙන බවත්, වාහන ආයනයන සීමා ඉවත් වූ වහාම බස්රථ ගෙන්වීමට සැලසුම් කර තිබෙන බවත් ලංකා පෞද්ගලික බස්හිමියන්ගේ සංගමය සඳහන් කරයි.

විනාඩි 30 ක පමණ කාලයක් කළුතර විදුහලක බිත්ති දෙකකට සිරවී සිටී හත් දැරියක බේරාගැනීමට කළුතර මහ නගර සභාවේ ගිනි නිවන ඒකකය සමත්ව ඇති බව කළුතර දකුණ පොලිසිය පවසයි .

යාපනය, කල්වියන්කාඩු, ජී.පී.එස් ක්‍රීඩාංගණය අසල ගොඩනැගිල්ලක් තුළ පුද්ගලයකුට පහරදී ඝාතනය කිරීම සම්බන්ධයෙන් සැකපිට කාන්තාවන් දෙදෙනකු ඇතුළු හයදෙනකු අද (14) දින අත්අඩංගුවට ගත් බව යාපනය පොලිසිය කියයි.

ඇය විසින් ලියන ලදැයි සැකකරන ලිපියක් මේසය මත තිබී හමුවී ඇති අතර එහි සදහන්ව ඇත්තේ දෙමාපියන්ට බරක් වීමට ඇකමැති බැවින් සිය දිවිනසාගත් බව යැයි . පැවසේ . මෙම දැරියගේ සොහොයුරියක් විශ්වවිද්‍යාලයකද සහෝදරයා කාර්මික විද්‍යාලයකද ඉගෙනුම ලබති .

ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් මහතාට අයත් ෆේස්බුක් ගිණුමට සයිබර් ප්‍රහාරයක් එල්ල වී තිබේ. තෙන්නකෝන් මහතා Deshabandu Tennakoon යන නමින් ෆේස්බුක් ගිණුමක් පවත්වාගෙන ගොස් තිබුණි.

විදුලි බිලක් නොගෙවීම සම්බන්ධයෙන් විශාල ප්‍රශ්නයක් මතු වූ බවත් ඒ සම්බන්ධයෙන් පූර්ණ වාර්තාවක් ලබා දෙනලෙස විදුලිබල මණ්ඩලයට ලිඛිතව දැනුම් දී තිබෙන බවත්පැවසූ නාමල් රාජපක්ෂ මහතාඑවැනි බිලක් ලැබුණොත් ගෙවීමට ඇති මුදල ගෙවීමට තමන් සූදානම් යැයි ද අවධාරණය කළේය.

යාපනය, පේදුරුතුඩුව කට්කෝලම් ප්‍රදේශයේ ඉදිකොට ඇති යුද හමුදා කඳවුර කුමන හෝ හේතුවක් නිසා ඉවත් නොකරන ලෙසට බලකරමින් ප්‍රදේශවාසීන් පිරිසක් අද (14) එම කඳවුර ඉදිරිපිට විරෝධතාවක නිරත වූහ.

සිවිල් ආරක්‍ෂක දෙපාර්තමේන්තුවේ නව අධ්‍යක්‍ෂ ජෙනරාල්වරයා ලෙස එයාර් වයිස් මාර්ෂල් රොෂාන් සේනක බියන්විල පත්කර තිබේ.

මුදලට තරඟ පාවා දුන්නේ යැයි කියන සිද්ධියකට සම්බන්ධ බව කියන ශ්‍රී ලංකා ක්‍රිකට් ක්‍රීඩක සචිත්‍ර සේනානායක පදිංචි ස්ථානයෙන් අතුරුදන් වී ඇතැයි කියමින් නීතීපතිවරයා කළ ඉල්ලීමකට අනුව සචිත්‍ර සේනානායකට විදේශ ගතවීම වළකාලමින් කොළඹ අතිරේක මහේස්ත්‍රාත් අයි.එන්. රිස්වාන් මහතා තහනම් නියෝගයක් නිකුත් කළේය.

පසුගිය සමයේ සිදුවූ සීනි බදු වංචාවෙන් මෙරටට සිදු වූ පාඩුව අයකර ගැනීම සඳහා ගෙන ඇති ක්‍රියාමාර්ගය සම්බන්ධයෙන් රජයේ මුදල් පිළිබඳ කාරක සභාව මුදල් අමාත්‍යාංශය නියෝජනය කරන නිලධාරීන්ගෙන් ප්‍රශ්න කළේය. මේ සම්බන්ධයෙන් මුදල් අමාත්‍යාංශය මෙතෙක් නිසි ක්‍රියාමාර්ගයක් ගැනීමට අපොහොසත් වීම පිළිබඳව කමිටුව සිය අප්‍රසාදය පළ කළේය.

බෙන්තොට ප්‍රා දේශීය සභා කීඩාංගණයේ පැවති සංගීත සංදර්ශනයක් අතරතුර එම සංගීත සංදර්ශනය නැරඹීමට පැමිණි තරුණයින් දෙපිරිසක් අතර අද (14දා) අලුයම්කාලයේ ඇතිවූ ගැටුමක් සමතයකට පත්කිරීමට යැමේදී එම තරුණයින් විසින් පොලිස් නිලධාරීන්ට පහරදී තුවාල සිදුකොට ඇති බව බෙන්තොට පොලීසිය කියයි.

අනුරාධපුර ශික්ෂණ රෝහලේදී ජීවිතක්ෂයට පත් වූ දරුවා ඇඳෙන් බිමට වැටී ජීවිතක්ෂයට පත් වූවාද, වැටෙන කොට අල්ල ගත්තාද කියන කාරණාව හරියටම කියන්න වෙන්නේ එම දරුවාගේ පශ්චාත් මරණ පරීක්ෂණ වාර්තාවෙන් බවත්, මේ වන විට සිදු කළ සොයා බැලීමේදී රෝහල් කාර්ය මණ්ඩලය අපරික්ෂාකාරීව කටයුතු කර නොමැති බව අනාවරණය වූ බව අනුරාධපුර ශික්ෂණ රෝහල් අධ්‍යක්ෂ වෛද්‍ය දුලාන් සමරවීර මහතා පැවසීය.

මේ දිනවල බලපා ඇති වියලි කාලගුණික තත්වය හා සුළං හේතුවෙන් කෙසෙල් වගාවන් වැනසීමේ තර්ජනයකට ලක්ව.ඇති බව කුරුණෑගල දිසාවේ ගොවීන් පවසති.

මත්ද්‍රව්‍ය ජාවාරමට එරෙහිව මුහුණු පොතේ දැන්වීමක් පළ කිරීමේ සිද්ධියක් මුල් කරගෙන මත්ද්‍රව්‍ය ජාවාරම්කරුවෙකු ඇතුළු පිරිසක් දොලේලන්ද ප්‍රදේශයේ නිවසකට තියුණු ආයුධ රැගෙන කඩා වැදී පුද්ගලයෙකු ඝාතනය කර පලා ගොස් ඇතැයි දොඩම්ගොඩ පොලිසිය සඳහන් කරයි.

උමාඔය බහුකාර්ය සංවර්ධන ව්‍යාපෘතිය යටතේ ඉඳිකළ ඩයරබා ජලාශය ජලය පුරවා විවෘතකිරීම ඉකුත් (13) වෙනිදා උදෑසන සිදුකෙරිණි.

නීති විරෝධීව මුදල් ඔට්ටුවට යතුරු පැදි තරග පැවැත්වීමට සූදානම් වූ තරුණයන් නව දෙනකු අත්අඩංගුවට ගෙන ඊට යොදාගත් යතුරුපැදි හතරක් සිය භාරයට ගත් බව පානදුර උතුර පොලිසිය කියයි.

හල්දුම්මුල්ල සොරගුණේ ප්‍රදේශයේ මහා විදුහලක් කඩා මල්ටිමීඩියා ප්‍රොජෙක්ටරයක්, සීඩී ප්ලේයර් යන්ත්‍රයක්, ඇතුළු රුපියල් එක් ලක්ෂ පනස් දෙදහසක් වටිනා දේපළ සොරාගත් එම පාසලේම ඉගෙනුම ලැබූ ආදි ශිෂ්‍යයෙක් වූ ප්‍රධාන ශිෂ්‍ය නායකයා බව කියන යුද හමුදා සෙබළෙකු අද (14දා) සැකපිට අත්අඩංගුවට ගත් බව හල්දුම්මුල්ල පොලිසිය කියයි.

බෞද්ධ කටයුතු දෙපාර්තමේන්තුවේ ලියාපදිංචි පුණ්‍ය භූමියක ඉදිකිරිම් නවත්වන ලෙස ප්‍රාදේශිය ලේකම් මැදිහත් කරගෙන ජාතිවාදි, ආගම්වාදි, අන්තවාදි ආර්.සම්බන්දන්ගේ ඉල්ලිමට කටයුතු කිරිම පිලිකුලෙන් හෙලා දකින බව නැගෙනහිර ආණ්ඩුකාර සෙන්දිල් තොණ්ඩමාන් මහතාට ලිපියක් යවමින් ත්‍රිකුණාමලයේ ප්‍රාදේශිය ශාසනාරක්ෂක බලමණ්ඩලයේ ලේඛකාධිකාරි පුජ්‍ය අලුත්ඔය සද්ධාතිස්ස හිමියෝ පැවසුහ. ලේඛකාධිකාරි පූජ්‍ය අලුත්ඔය සද්ධාතිස්ස හිමියෝ ආණ්ඩුකාර සෙන්දිල් තොණ්ඩමාන් මහතාට යැවු ලිපිය

බම්බලපිටිය පොලිස් වසමේ ඩුප්ලිකේෂන් පාර ජුබිලි බුලස් හංදිය අසළදී කොළඹ සිට කතරගම දක්වා ධාවනය වූ පුද්ගලික බස් රථයක් තුම්මුල්ල දෙස සිට පැමිණි ලොරි රථයක ගැටී පෙරළී අනතුරක් සිදුව ඇතැයි පොලීසිය කියයි.

පසුගිය සමයේ රට මුහුණ දුන් අන්දමේ අවාසනාවන්ත යුගයක් මතු පරපුරට උරුම කරන්නේ නැහැ සියලු ක්ෂේත්‍රයන්හි නවීකරණයක් සමඟින් රට ඉදිරියට ගෙන යනවා – ජනපති මාතලේ ශාන්ත තෝමස් විද්‍යාලයේ 150 වන සංවත්සර උත්සවයේ දී කියයි.

“අපේ භාණ්ඩාගාරයේ පිච්චිය නෑ. මේ හම්බුවෙන මුදල් ටිකෙන් හැම මාසයේම රාජ්‍යය සේවකයින්ගේ වැටුප් හා විශ්‍රාම වැටුප් ගෙවලා, සමෘද්ධිය ඇතුළු සහනාධාර ගෙවලා. ගත්ත ණය සඳහා පොලී ගෙව්වට පස්සේ මොකුත් ඉතුරු වෙන්නේ නෑ.”

පියාගෙන් චෝදනාවක්!දරු ප්‍රසූතිය සඳහා අනුරාධපුර කල්ලන්චිය රෝහලේ සිට අසාධ්‍ය තත්වයෙන් ගිලන් රථයක් මඟින් අනුරාධපුර ශික්ෂණ රෝහලට රැගෙන ආ තම බිරිඳට දරුවා ප්‍රසූත වන අවස්ථාවේදී, සූතිකාගාරයේ සිටි රෝහල් කාර්යය මණ්ඩලයට දරුවා අල්ලා ගැනීමට නොහැකි වී බිම ඇද වැටී, දැඩිසත්කාර ඒකකයේ ප්‍රතිකාර ලැබූ තම දරුවා අද (13) ජීවිතක්ෂයට පත්වූ බවත් මිය ගිය තම දරුවාට රෝහලේදී පාංශුකූලය ලබා දීමට රෝහල් බලධාරීන් ඉඩ නොදුන් බව එම දරුවාගේ දරුවගේ පියා පවසයි.

මහනුවර ප්‍රධාන පෙළේ බාලිකා පාසලක අධ්‍යාපනය හැදෑරූ සිසුවියක තම අස්වීම් සහතිකය ලබා ගැනීමට පාසලට ගිය අවස්ථාවේදී එම විදුහලේ අනධ්‍යන කාර්ය මණ්ඩලයේ කිහිප දෙනෙකු එම සිසුවිය බලහත්කාරයෙන් පාසල තුළ රඳවාගෙන බැණ තර්ජනය කිරීමේ සිද්ධියක් සම්බන්ධයෙන් මහනුවර මූලස්ථාන පොලිසිය සහ අධ්‍යාපන දෙපාර්තමේන්තුව විසින් විමර්ශනයක් ආරම්භ කොට තිබේ .

මෙහිදී අනුරාධපුරයේ සිට මිහිනතලේ දුම්රිය ස්ථානය දක්වා කිලෝමීටර් 12 ක දුර ප්‍රමාණයකින් දුම්රිය මාර්ගය ප්‍රතිසංස්කරණය කිරිමට නියමිතයි. මෙම දුම්රිය මාර්ගය ප්‍රතිසංස්කරණය කරනු ලබන්නේ , දිගුකාලීන විසල් සංවර්ධන වැඩපිළිවෙලක් ඉලක්ක කරගනිමිනි.