සංගා මහේල වාර්තාව කෙලින්ම පාර්ලිමේන්තුවට ගේන්න - දයාසිරි

ශ්‍රී ලංකා ක්‍රිකට් ක්‍රීඩාව නැංවිමට අදාළ හිටපු ක්‍රිකට් ක්‍රීඩකයන් වන කුමාර් සංගක්කාර හා මහේල ජයවර්ධන ඇතුළු පිරිස සකස්කළ වාර්තාව පාර්ලිමේන්තුවට ගෙන එන ලෙස හිටපු ක්‍රීඩා අමාත්‍ය දයාසිරි ජයසේකර මහතා සඳහන් කළේය.

අයවැය කාරක සභා විවාදයට එක්වෙමින් ඔහු මේ බව සඳහන් කළේය.  එසේම එම වාර්තාව ක්‍රිකට් ආයතනය නොයවන ලෙසත් පාර්ලිමේන්තුව තුළ සහයෝගය ලබාදිමට සූදානම් බවත් දයාසිරි ජයසේකර මහතා සඳහන් කළේය.

ශ්‍රී ලංකා ක්‍රිකට් ආයතනයේ නිලවරණය වසර 8කට පසුව තමන්ට පැවැත්වීමට හැකීවූ බවත් ඒ වෙනුවෙන් තමන් හා අග්‍රාමාත්‍යවරයා අතර මත භේදයක් පවා ඇතිවූ බව ඔහු සඳහන් කළේය.

තමන් කිසිවිටකවත් තිලංග සුමතිපාල, අර්ජුන රණතුංග හො ජයන්ත ධර්මදාස යන පාර්ශව තුන වෙනුවෙන් පෙනී නොසිටි බවත් ඔහු වැඩිදුරටත් සඳහන් කළේය.