ලංකාවේ රබර් කර්මාන්ත කලාපයකට චීන රජයෙන් අත හිත

චීනයේ හයිනෑං රබර් සංවර්ධන කලාපය නියෝජනය කරමින් විශේෂ දූත පිරිසක් අද (03) දා බත්තරමුල්ල සෙත්සිරිපාය 11 වන මහලේ පිහිටි වැවිලි කර්මාන්ත අමාත්‍යාංශ පරිශ්‍රයේදී නවින් දිසානායක මහතා  සමඟ විශේෂ සාකච්ඡාවකට එක් වූහ.             

එහිදී හයිනෑං විදේශ කටයුතු හා අන්තර් ජාතික ආර්ථික සම්බන්ධතා පිළිබඳ ප්‍රධානී Jinglei han මහතාගේ ප්‍රධානත්වයෙන් මෙය මෙහෙයවීය.

එම සංවර්ධන ව්‍යාපෘතිය මගින් ශ්‍රී ලංකාවේ රබර් ක්ෂේත්‍රයේ සංවර්ධනය උදෙසා ආයෝජනය කිරීමට  චීන රජය එකඟතාවය පල කර ඇත.

ඒ සම්බන්ධයෙන් දෙරට අතර අවබෝධතා ගිවිසුම අත්සන් කිරීම සඳහා නවින් දිසානායක මහතා මෙම මස අගදී චීන සංචාරයකටද එක් වීමට නියමිතය.

එම ව්‍යාපෘතියේ ප්‍රතිඵලයක් ලෙස විශේෂ රබර් සංවර්ධන කලාපයක් සහ ඊට සමාන්තරව රබර් ආශ්‍රිත කර්මාන්ත කලාපයක් ස්ථාපනයටද නියමිතයි.

වැඩි ඵලදාවක් සහිත රබර් බීජ හා නව තාක්ෂණයද රබර් ක්ෂේත්‍රයට හදුන්වා දෙන අතර ස්වභාවික රබර් නිෂ්පාදනය කෙරෙන ප්‍රමුඛ පෙළේ රටක් ලෙස ශ්‍රී ලංකාව ස්ථානගත කිරීම මෙහි අරමුණයි.

කෂිනි හපුආරච්චි