රු මි 2ක අයිස් සමග දෙදෙනෙක් අත්අඩංගුවට

කොළඹ අලුත්කඩේ  කුමාර දොරටුව ප්‍රදේශයේ දී රුපියල් ලක්ෂ විස්සකට ආසන්න පමණ වටිනා  අයිස් මත්ද්‍රව්‍ය සමග ප්‍රධාන සැකකරු ඇතුළු පුද්ගලයන් දෙදෙනෙක් අද (10දා) අත්අඩංගුවට ගත් බව කොළඹ මධ්‍යම කොට්ඨාස අපරාධ විමර්ශන අංශය කියයි .

එම සැකකරුවන් සමග අයිස් මත්ද්‍රව්‍ය ග්‍රෑම් 100 පොලිස් භාරයට ගෙන ඇත. පිටකොටුව පොදු  වෙළෙඳ පොලේ එළවලු විකුණන වෙළෙන්දෙක් අයිස් මත්ද්‍රව්‍ය ජාවාරමේ යෙදෙන බවට  කොළඹ මධ්‍යම කොට්ඨාස අපරාධ කොට්ඨාසයට ලැබුණ තොරතුරක් මත මෙම අත්අඩංගුවට ගැනිම සිදුකර තිබේ.