යෝධ තාරකා ඉබ්බෙකු නෙළුම් ගමින් වනජීවියට

කරුවලගස්වැව නෙළුම්ගම කුඹුරු යායක සිටි විශාල තාරකා ඉබ්බෙකු ගොවින් පිරිසක් අද ( 29 ) අල්ලා වනජීවි නිලධාරින්ට  භාර දි  තිබුනී.

මෙම තාරකා ඉබ්බා වයස අවුරුදු 100 කට ආසන්න බවත් කිලෝ 16 යිග්‍රෑම් 250ක බරකින් යුක්ත බවද වනජීවි නිලධාරින් පවසයි.

කරුවලගස්වැව  නෙළුම්ගම කුඹුරු යායක රැදි සිටි මෙම දැවැන්ත තාරකා ඉබ්බා කුඹුරු වලට ගමන් කරමින් සිටි ගොවින් පිරිසක් දැක ඇති බව පැවසේ.

ඔවුන් පවසන්නේ තාරකා ඉබ්බන් බහුලව දැක ඇතත් මේ තරම් විශාල තාරකා ඉබ්බේකු  දුටු පළමු වතාව මෙය බවයි .

තාරකා ඉබ්බා දැක ඇති ගොවින් වහාම කරුවලගස්වැව වනජීවි නිලධාරින් දැනුවත් කිරිමේන් පසුව වනජිවි නිලධාරින් පැමිණ  තාරකා ඉබ්බා රැගෙන යාම සිදුවිනි.

වනජීවි නිලධාරින් පවසා සිටියේ මෙම තාරකා ඉබ්බා විල්පත්තුව  ජාතික වන උද්‍යානයට මුදා හැරිමට කටයුතු කරන බවයි .