මහනුවර කුඩු ජාවාරම්කරු කුඩු සුරේඛා අත්අඩංගුවට

මහනුවර රෝහල් පටුමගේ කුඩු සුරේඛා නමින් අන්වර්ථ නාමයෙන් හඳුන්වනු ලබන ප්‍රධාන පෙළේ හෙරොයින් මත් කුඩු ජාවාරම්කරු මත්කුඩු ග්‍රෑම් 2 .5 ක් සමග අත්අඩංගුවට ගත් බව මහනුවර මූලස්ථාන පොලිසියේ දූෂණ මර්දන අංශය කියයි .
මහනුවර රෝහල් පටුමගේ පිහිටි ඔහුගේ දෙමහල් නිවස  (01) පොලිස් නිලධාරීන් විසින් වටලන විට එහි උඩුමහලේ රැඳී සිට ඇති සැකකාර කුඩු ජාවාරම්කරු ඔහු සන්තකයේ තිබූ කුඩු පාර්සලය ජනේලයක් ඇර පහළට විසි කිරීමට තැත් කරන අවස්ථාවේදී අත්අඩංගුවට ගත් බව පොලීසිය කියයි .

සැකකරු මත්කුඩු ජාවාරම සම්බන්ධයෙන් මීට පෙර අට වතාවක් සිරගතව සිට පැමිණ ඇති අයෙකු බව පවසන පොලිසිය ඔහුගේ බිරිඳ ද හෙරොයින් මත් කුඩු ජාවාරම සම්බන්ධයෙන් ජීවිතාන්තය දක්වා සිරගත ව සිටින බවද පොලිසිය කියයි .

ෂේන් සෙනෙවිරත්න