මත්ද්‍රව්‍ය වැටලිමට සමගාමිව වරායේ ආරක්ෂාව තර කිරිමට යයි

දිවයිනේ විවිධ ප්‍රදේශවලින් සිදුවන මත්ද්‍රව්‍ය වැටලීම් වලට සමගාමීව කොළඹ වරාය සහ ඒ අවට ප්‍රදේශයේ ආරක්ෂාව තර කරන ලෙස වරාය, නාවික සහ දක්ෂිණ සංවර්ධන අමාත්‍ය සාගල රත්නායක මහතා ශ්‍රී ලංකා වරාය අධිකාරියට උපදෙස් ලබා දී තිබේ. 

වරායේ ආරක්ෂාව තර කිරීම සම්බන්ධයෙන් ශ්‍රී ලංකා රේගුව, ශ්‍රී ලංකා පොලීසිය සහ අදාළ සියලු ආයතන සමග මනා සම්බන්ධීකරණයෙන්  යුතුව කටයුතු කරන ලෙස ද අමාත්‍යවරයා ශ්‍රී ලංකා වරාය අධිකාරියේ සියලු නිලධාරීන්ට උපදෙස් දී තිබේ

රටේ වත්මන් තත්ත්වයට ගැලපෙන පරිදි වරාය ආශ්‍රිතව නව ආරක්ෂක සැලසුමක් වහාම සකස් කරන ලෙස ද එය ක්‍රියාවට නංවන ආකාරය සම්බන්ධයෙන් තමන් දැනුවත් කරන ලෙස ද අමාත්‍යවරයා වරාය අධිකාරියේ ඉහළ කළමනාකාරීත්වයට දැනුම් දී තිබේ. 

කෂිනි හපුආරච්චි