මත්ද්‍රව්‍ය ජාවාරම්වල නිරත කාන්තාවක් අත්අඩංගුවට

රත්මලාන ප්‍රදේශයේ මත්ද්‍රව්‍ය ජාවාරම්වල නිරත කාන්තාවක් අත්අඩංගුවට ගැනීමට පොලීසිය සමත්වුණා.

ඇය සතුව තිබූ රුපියල් දහනව ලක්ෂයකට ආසන්න වටිනාකමින් යුත් හෙරොයින් තොගයක් ද පොලිස් භාරයට ගෙන තිබෙනවා.

අගුලාන පොලීසියට ලැබුණු තොරතුරකට අනුව සයුරුපුර මහල් නිවාසයේ සිදුකළ වැටලීමකදී ඇය අත්අඩංගුවට ගැණුනා. සැකකාරිය අබුඩාබි හි සේවය කර ශ්‍රී ලංකාවට පැමිණ ඇති බව පොලීසිය පවසනවා.

කුඩු අංජු නමැති මත්ද්‍රව්‍ය ජාවාරම්කරුගේ මුදල් බැංකු ගත කිරීම සිදු කර ඇත්තේ මෙම කාන්තාව බවයි පරීක්ෂණවලදී හෙළිවුණේ. සැකකාරිය මොරටුව මහේස්ත්‍රාත් අධිකරණයට ඉදිරිපත් කිරීමට නියමිතයි.