බොට්ටුවකින් කේරළ ගංජා ගෙනා දෙදෙනෙකු අත්අඩංගුවට

අද දින(18) අලුයම 3.00ට පමණ කල්පිටිය පොලිස් වසමේ කන්දකුලිය ඊව්වන්කාඩුව වෙරළ තීරයට බෝට්ටුවකින් කේරළ ගංජා රැගෙන එන බවට පොලිස් මත්ද්‍රව්‍ය කාර්යාංශයේ නිලධාරීන්ට ලද තොරතුරක් මත වැටලිමක් සිදු කර බෝට්ටුවක් සමඟ සැකකරුවන් දෙදෙනෙකු අත්අඩංගුවට ගෙන ඇත.

බෝට්ටුව තුළ තිබි කේරළ ගංජා කිලෝ20 ග්‍රෑම් 35ක් පොලිස් භාරයට ගෙන තිබේ.

අත්අඩංගුවට පත් සැකකරුවන් වුයේ වර්ණකුලසුරිය හෙන්ඩ්‍රි පෙරේරා නොහොත් බෙන්ඩි (49)සහ වර්ණකුලසුරිය සමන් කපිල ඇන්ටනි පෙරේරා(53) යන අයවලුය.

කල්පිටිය පොලීසිය වැඩිදුර විමර්ශන සිදු කරයි.