ප්‍රදේශ කිහිපයකට හෙට ජල කප්පාදුවක්

හෙට (26) පෙරවරු 8.00 සිට පස්වරු 5.00 දක්වා පැය 9 ක කාලයක් ගම්පොළ ඇත්ගාල ප්‍රදේශයට ජල කප්පාදුවක් සිදුකරන බව ජාතික ජලසම්පාදන හා ජලාපවහන මණ්ඩලය නිවේදනය කර සිටියි.

ඇත්ගාල නැගෙනහිර, ඇත්ගාල සිංහපුර, ඇත්ගාල ආරාම පාර, ඇත්ගාල ලක්ෂ පිහිල්ල 1 වන පටුමග, 2 වන පටුමග, ඇත්ගාල බංගලාව පාර ජයමාල රීජන්සි ටෙරස්, ජයමාලි පුර 6 වන පටුමග ඉහළ කොටසට මෙලෙස ජල කප්පාදුව සිදු කිරීමට නියමිතයි.

මේ අතර, වත්තල ප්‍රදේශ කිහිපයකට ද හෙට පෙරවරු 10.00 සිට අඟහරුවාදා පෙරවරු 10.00 දක්වා පැය 24 ක කාලයක් සඳහා ජල සැපයුම අත්හිටුවන බවද ජාතික ජලසම්පාදන හා ජලාපවහන මණ්ඩලය සඳහන් කළා.

වත්තල - මීගමුව පාරේ කොටසක්, මාබෝල කොටසක්, වැලිකඩමුල්ල, හැඳල පාර නායකකන්ද හන්දිය දක්වා සියලුම අතුරු මාර්ග, අල්විස් ටවුම, මරදාන පාර, පුවක්වත්ත පාර, ගලගහදූව සහ කෙරවලපිටිය කොටසකට මෙලෙස ජල සැපයුම අත්හිටු වනු ඇතියි.