පොඩි මැණිකේ දුම්රියේ ගැටුණු මව හා දියණිය බරපතළ තුවාල ලබති

කොළඹ කොටුවේ සිට බදුල්ල දක්වා ධාවනය වු පොඩි මැණිකේ දුම්රියේ ගැටි මවක් සහ දියණියක් බරපතළ  ලෙස තුවාල ලබා නාවලපිටිය මුලික රෝහල වෙත ඇතුලත් කර ඇති බව නාවලපිටිය පොලීසිය පැවසිය.

අද (02) පෙරවරු 10.30 පමණ  මෙම අනතුර සිදු වි ඇත්තේ නාවලපිටිය දුම්රිය ස්ථානයට ආසන්නයේ දුම්රිය සංඥ පද්ධතිය අසලදිය.

දුම්රියේ ගැටි බරපතළ  ලෙස තුවාල ලැබු දෙදෙනාගේ පදිංචිය මෙතෙක් තහවුරු කරගෙන නොමැති අතර ඇය 27 වියේ සහ තුවාල ලැබු ඇගේ දියණියට අවුරුදු 6 වන බව පොලීසිය සැකකරයි.

නාවලපිටිය දුම්රිය ස්ථානයට ආසන්නයේ පොඩි මැණිකේ දුම්රිය ඉතා සෙමින් ධාවනය වු බවත්, දුම්රිය මාර්ගයේ මැද දුම්රියේ ගැටුණු කාන්තාව සිය දැරියද අතතිව සිටගෙන සිටි බවත්, දුම්රියේ ගැටුණු මව සහ දියණිය දුම්රිය එන්ජිමේ ගැටි දුම්රිය මාර්ගයෙන් ඉවතට විසි වි තුවාල ලැබු බව පොඩි මැණිකේ දුම්රියේ රියදුරා විසින් නාවලපිටිය දුම්රිය ස්ථානය වෙත දැනුම් දි ඇත.

අනතුරෙන් තුවාල ලැබු දෙදෙනාම මහනුවර ශික්ෂණ රෝහල වෙත මාරු කර යවා ඇත.

අනතුර සම්බන්ධයෙන් නාවලපිටිය පොලීසිය පරික්ෂණ පවත්වයි.