දෙමටගොඩ චමින්දගේ සමීපතමයන් අත්අඩංගුවට

දැනට මරණ දඬුවම නියම වි ඇති සංවිධානාතමක අපරාධකරුවෙක් මෙන්ම මත්ද්‍රව්‍ය ජාවාරම්කරුවෙක් වන දෙමටගොඩ චමින්ද නැමැත්තාගෝ සමීපතමයන් දෙදෙනෙකු  පොලිස් විශේෂ කාර්ය බළකාය විසින් අත්අඩංගුවට ගෙන තිබේ.

කසුන් චින්තක (වැලිපාරෝ කසුන්) හා අරුණ උදයකුමාර (ලාල් බබා) නම් සැකකරුවන් දෙදෙනා හොරොයින් ග්‍රෑම් 50ක් සමග අත්අඩංගුවට ගෙන තිබේ.

කසුන් චින්තක නැමැත්තා යුද හමුදාවෙන් පළාගිය අයෙකු බවත් ඔවුන් පෑලියගොඩදී අත්අඩංගුවට  ගත් බවත් පොලිස් විශේෂ කාර්ය බළකාය සඳහන් කරයි.

දෙමටගොඩ චමින්ද නැමැත්තා භාරත ලක්ෂ්මන් ප්‍රේමචන්ද්‍ර ඝාතනයට අදාළව හිටපු පාර්ලිමෙන්තු මන්ත්‍රී දුමින්ද සිල්වා සමග මරණ දඬුවම් නියම වි ඇත්තෙකි.