ගෝඩා සමග පුද්ගලයෙක් අත්අඩංගුවට

බෝට්ටු යොදා ගනිමින් බොල්ගොඩ ගඟේ සිදුකළ මෙහෙයුමකදී ගෝඩා මිලිලීටර්  විසිලක්ෂයකට ආසන්න තොගයක් සමඟ පුද්ගලයෙක්  7  අත්අඩංගුවට ගත් බව පානදුර වලාන  දූෂණ මර්ධන ප්‍රහාරක ඒකකය කියයි

එම සැකකරු සමඟ බැරල් 10 ක අඩංගු  ගෝඩා පොලිස් භාරයට ගෙන ඇත .

පිටස්තර පුද්ගලයකුට පාගමනින් ඒමට නොහැකි ලෙස බොල්ගොඩ  ගඟේ    මැද්දට වන්නට   තෝරාගත්  ස්ථානයක මහබෙල්ලන ප්‍රදේශයේ මහා පරිමාණයෙන්    නීති විරෝධී  මත්පැන් ජාවාරමේ යෙදෙන පුද්ගලයෙක්  මත්පැන් පෙරීමට සූදානම් වන බවට ලද තොරතුරක් අනුව වැටලීම කළ බව පොලිස් නිළධාරියෙකු පැවසීය

ප්‍රධාන පොලිස් පරීක්ෂක මහේන්ද්‍ර කුමාර මහතාගේ ප්‍රධානත්වයෙන් යුත් පොලිස් නිලධාරීන් කණ්ඩායමක් බෝට්ටුවක් උපයෝගී කරගෙන  එම ස්ථානය වැටලීමේදී සැකකාර පුද්ගලයා ගෝඩා පිරවූ  බැරල්  පෙරීම සඳහා සූදානම් කරමින් සිටි බව  පොලිස් නිලධාරියා වැඩිදුරටත් පැවසීය

සැකකරු  බණ්ඩාරගම ,මහබෙල්ලන , කළුතර  ,  මොරටුව ,හා පිළියන්දල ප්‍රදේශවලට  මහා පරිමාණයෙන් මත්පැන් බෙදා හැරීමේ  නිරත වූ පුද්ගලයෙක් බව පොලිසිය කියයි