ඒ - 9 මාර්ගය දෙපස ගිනිගැනිමකින් ගමනාගමනයට බාධා

යාපනය මහනුවර ඒ -9 ප්‍රධාන මාර්ගයේ පූනෑව ප්‍රදේශයේදී මාර්ගය දෙපස වූ ප්‍රදේශයට කිසියම් පිරිසක් ගිනි තැබීමෙන් වාහන ගමනාගමනයටද බාධා සිදුවිය.

පවතින වියලි කාලගුණය හමුවේ මෙලෙස ගිනි තැබීම හේතුවෙන් ගින්න වේගයෙන් ව්‍යාප්ත වූ අතර ගින්න නිවා දැමීමට ප්‍රදේශවාසීන් පිරිසක්ද උත්සාහ ගන්නා ලදි.

එමෙන්ම මාර්ගය අසලින් දමා තිබූ ජලනල පද්ධතියක උපකරණ කිහිපයකටද ගින්නෙන් හානි සිදු විය.

ඒ-9 ප්‍රධාන මාර්ගයේ පූනෑව ප්‍රදේශයේ පිහිටි වෙල් යායට මෙලෙස ගිනි තැබීම හේතුවෙන් පවතින වියලි කාලගුණය හා සුළං තත්වයන් හේතුවෙන් ගිනි තැබීමෙන් වැලක්වීමට ප්‍රදේශවාසී ජනතාවද අවධානයෙන් සිටින ලෙසට ආපදා කළමනාකරන නිලධාරීන් වැඩිදුරටත්  පෙන්වා දෙයි.