ඊයේ වැඩිම ආසාදිතයින් කොළඹින්

ඊයේ දිනයේ දී මෙරටින් කොරෝනා ආසාදිතයන් 1721 දෙනෙකු හමුවුණි.

මේ අනුව කොරෝනා ආසාදිතයින් සංඛ්‍යාව ලක්ෂ 3 සීමාවට ළගා වෙමිනුයි තියෙන්නේ.

ආසාදිතයින් 1721 දෙනෙකු ඊයේ හමුවීමත් සමග මෙරටින් වාර්තා වන සමස්ත කොරෝනා ආසාදිතයින් සංඛ්‍යාව දෙලක්ෂ අනූ එක් දහස් දෙසිය අනූ අටක් වනවා. මේ අතුරින් දෙලක්ෂ හැට හතර දහස් හත්සිය පනස් පස් දෙනෙකු සුවය ලැබුවා. ආසාදිතයන් 22,646 දෙනෙකු තවදුරටත් ප්‍රතිකාර ලබනවා.

ඊයේ දිනයේ වැඩිම කොරෝනා ආසාදිතයින් සංඛ්‍යාවක් හමුවී ඇත්තේ කොළඹ දිස්ත්‍රික්කයෙන් එම සංඛ්‍යාව 347 ක්. ගම්පහ දිස්ත්‍රික්කයෙන් 218 දෙනෙකු ද,  කළුතරින් 209 දෙනෙකු ද සොයා ගැණුනා. එමෙන්ම රත්නපුරයෙන් 139 දෙනෙකු,  ගාල්ලෙන් 116 දෙනෙකු හා අම්පාර දිස්ත්‍රික්කයෙන් 109 දෙනෙකු වාර්තා වී ඇති බව සෞඛ්‍ය අංශ සදහන් කරනවා.

කොරෝනා මරණ 3959 ක් සිදුව තිබෙනවා. ඊයේ දිනයේ වාර්තා කර ඇති සෞඛ්‍ය සේවා අධ්‍යක්ෂ ජනරාල්වරයා පෙරේදා තහවුරු කළ කොරෝනා මරණ 42 ක් පිළිබද නිවේදනය කරනවා. මෙසේ මිය ගිය අය අතුරින් 25 දෙනෙකු පිරිමි පුද්ගලයින් වන අතර 17 දෙනෙකු කාන්තාවන්.

මිය ගිය අය අතුරින් 35 දෙනෙකු වයස අවුරුදු 60 ට වැඩි කාණ්ඩයට ඇතුළත්.