හෙට රෑ 12 සිට දුම්රිය වර්ජනයක්

චීන දුම්රිය මැදිරිවල හා S10 දුම්රිය මැදිරිවල පවතින තාක්ෂණික දෝෂ නිවැරදි නොකිරීමට එරෙහිව හෙට (01දා) මධ්‍යම රාත්‍රී 12.00 සිට දුම්රිය එන්ජින් රියදුරන් වැඩ වර්ජනයක නිරතවන බව ශ්‍රී ලංකා දුම්රිය එන්ජින් රියදුරු සංගමය සඳහන් කරයි.

පවතින තාක්ෂණික දෝෂ නිවැරදි නොකර, දුම්රිය ධාවනයේදී සිදුවන විවිධ දෝෂ තත්ත්වයන් සම්බන්ධයෙන් දුම්රිය රියදුරන්ට එරෙහිව විනය ක්‍රියාමාර්ග ගැනීමට බලධාරීන් කටයුතු කරන බවද එම සංගමයේ ලේකම් ඉන්දික දොඩංගොඩ මහතා සඳහන් කළේය.

මේ නිසා මෙය නිවැරදි කරන ලෙස ඉල්ලා S10දුම්රියවල හා චීනයේ නිෂ්පාදිත දුම්රියවල සේවයෙන් ඉවත් වන බවද හෙතෙම පවසා සිටියේය.