හැටන් කොළඹ ප්‍රධාන මාර්ගය යථාතත්වය

අද අලුයම(22) 4.30ට හැටන් කොළඹ ප්‍රධාන මාර්ගයේ හැටන් කුයිල්වත්ත ප්‍රදේශයේ ප්‍රධාන මාර්ගය අභියස තිබූ මාර ගසක අතු කිහිපයක් ප්‍රධාන මාර්ගයට කඩා වැටී ඇනහිට තිබූ එම මාර්ගයේ ගමනා ගමන කටයුතු යලි යථාතත්වයට පත්කර ඇති බව පොලීසිය පැවසීය.

අලුයම් කාලයේ ප්‍රදේශයට අධික සුළං සමඟ ඇදහැලුණු වර්ෂාවත් සමඟ මෙම ගස් අතු කඩා වැටී තිබු බවත් පසුව වටවල පොලීසිය හා හැටන් පොලීසිය එක්ව ප්‍රධාන මාර්ගයට වැටී තිබූ ගස් අතු කපා ඉවත් කිරීමෙන් පසු අද උදෑසන 5.30පමණ එම මාර්ගය යථා තත්වයට පත්කර ගත හැකි වූ බව පොලීසිය පවසයි.මේ හේතුවෙන් මාර්ගය අසල දුරකථන රැහැන් කිහිපයකටද හානී වී ඇති බව වැඩිදුරටත් පොලීසිය සඳහන් කරයි.