හරින් දයාසිරි පොරයක

වයඹ පළාත් ප්‍රධාන අමාත්‍ය දයාසිරි ජයසේකර මහතා සහ එක්සත් ජාතික පක්ෂ පාර්ලිමේන්තු මන්ත්‍රී හරින් ප්‍රනාන්දු මහතා අතර ඇති වූ බහින් බස්වීමක් දුරදිග යාම නිසා දෙදෙනා අතර ගුටිබැට හුවමාරුවක් වූ බව වාර්තා වෙයි.

දෙරණ රූපවාහිනී නාලිකාවේ පෙරේදා (08දා) රාත්‍රී පැවැති 'වාදපිටිය' වැඩසටහනට ආණ්ඩු පක්ෂය නියෝජනය කරමින් වයඹ පළාත් ප්‍රධාන අමාත්‍ය දයාසිරි ජයසේකර මහතාත්, පාර්ලිමේන්තු මන්ත්‍රී අරුන්දික ප්‍රනාන්දු මහතාත්, එක්සත් ජාතික පක්ෂය නියෝජනය කරමින් හරින් ප්‍රනාන්දු මහතා සහ ජනතා විමුක්ති පෙරමුණ නියෝජනය සුනිල් හඳුන්නෙත්ති මහතා සහභාගී වූහ.

වැඩසටහන අතරතුර ප්‍රධාන අමාත්‍යවරයා  සහ හරින් ප්‍රනාන්දු මන්ත්‍රීවරයා අතර උණුසුම් වචන හුවමාරුවක් සිදුව තිබෙන අතර, වැඩසටහන කෙටි විරාමයකට නතර කළ අවස්ථාවේදීද ප්‍රධාන අමාත්‍යවරයා සහ හරින් ප්‍රනාන්දු මන්ත්‍රීවරයා අතර වචන හුවමාරුව දුර දිග ගොස් තිබේ.