සෞදි සිටි පැමිණි මගියා කටුනායකදී මිය යයි

සෞදි අරාබියේ ජෙඩා සිට ශ්‍රී ලංකාවට පැමිණි ගුවන් මගියෙකු අද (02දා)  කටුනායක ගුවන් තොටුපොළේ දී මිය ගොස් තිබේ .

ඔහු ශ්‍රී ලංකාවේ මහනුවර ,තෙල්දෙණිය ප්‍රදේශයේ පදිංචිව සිටි  49 හැවිරිදි අබුබකර් අබ්දුල් වාහිඩ් නැමැත්තෙකි.

අද අලුයම 4.20 ට පමණ සෞදි අරාබියේ ජෙඩා  නුවර සිට පැමිණි ශ්‍රී ලන්කන් ගුවන් සේවයේ යූ.එල්. - 282 දරන ගුවන් යානයෙන් කටුනායක ගුවන් තොටුපොළ වෙත පැමිණ තිබුණි

මගියාට හදිසියේ වැළදුණු හෘදයාබාධයක් නිසා මෙම මරණය සිදු වන්නට ඇතැයි මේ පිළිබඳව පරීක්ෂණ පවත්වන කටුනායක ගුවන් තොටුපොළ පොලිසිය පවසයි .

මොහු දැනට සෞදි අරාබියේ ජෙඩා නුවර ස්ථිර පදිංචිව සිටින අතර , සිය බිරිඳ ආපසු කැඳවා ගෙන යෑමට පැමිණ තිබේ.