සේවය හැරගිය හමුදා සාමාජිකයන් 1300ක් අත්අඩංගුවට

නිවාඩු නොලබා සේවයට වාර්තා නොකර සිටින ත්‍රිවිධ හමුදා සාමාජිකයන් සෙවීම සඳහා දිවයිනපුරා සිදුකළ මෙහෙයුම් වලදී 1300ක පිරිසක් අත්අඩංගුවට ගත් බව හමුදා ප්‍රකාශක බ්‍රිගේඩියර් රොෂාන් සෙනෙවිරත්න මහතා පැවසීය.

ඒ අනුව ඉකුත් දෙසැම්බර් (31දා) සිට ඊයේ (13දා) දක්වා කළ මෙහෙයුම්වලින් අත්අඩංගුවට ගත් හමුදා සාමාජිකයන් 984 දෙනෙක්ද‚ නාවික හමුදා  සාමාජිකයන් 236 දෙනෙක් ද‚ ගුවන් හමුදා  සාමාජිකයන් 14 දෙනෙක් ඒ අතර වන බවද ඒ මහතා පැවසීය.

ඒ අනුව ඉදිරි දිනවලත් සේවයට වාර්තා නොකර  සිටින සෙබළුන් සොයා මෙහෙයුම් ක්‍රියාත්මක කරන බවද හමුදා ප්‍රකාශකවරයා වැඩිදුරටත් පැවසීය.