සාපෙළ නැවත සමීක්ෂණ ප්‍රතිඵල නිකුත් වෙයි

2014 අධ්‍යයන පොදු සහතික පත්‍ර සාමාන්‍ය පෙළ විභාගයේ නැවත සමීක්ෂණ ප්‍රතිඵල අද (30දා) නිකුත් කළ බව විභාග දෙපාර්තමේන්තුව සඳහන් කරයි. එම ප්‍රතිඵල දෙපාර්තමේන්තුවේ නිල වෙබ් අඩවිය වන www.doenets.lk සහ results.exams.gov.lk වෙබ් අඩවි මගින් ලබාගත හැකිවේ.

නැවත සමීක්ෂණය සඳහා අයදුම්කළ පාසල් අපේක්ෂකයන්ගේ ප්‍රතිඵල අදාළ පාසල් වෙතද, පෞද්ගලික අයදුම්කරුවන්ගේ ප්‍රතිඵල ඔවුන්ගේ පෞද්ගලික ලිපිනයටද තැපැල් කර එවීමට කටයුතු කර ඇති බව විභාග දෙපාර්තමේන්තුව සඳහන් කරයි.

මේ සම්බන්ධයෙන් කිසියම් විමසීමක් අවශ්‍ය වන්නේ නම් පහත සඳහන් දුරකථන අංකවලට ඇමතීමෙන් දැනගත හැකි බවද විභාග දෙපාර්තමේන්තුව වැඩිදුරටත් දන්වා සිටියි.

පාසල් විභාග සංවිධාන ශාඛාව - 011 278 4208/ 011 278 4537/ 011 318 8350 / 011 314 0314

ක්ෂණික ඇමතුම් - 1911