සම්ප්‍රේෂණ සංඛ්‍යාත ව්‍යාපාරික හා දේශපාලන සූදුවක් වෙලා

වර්තමානයේදී සම්පේ‍්‍රෂණ සංඛ්‍යාත මේ රටේ එක්තරා ව්‍යාපාරික සහ දේශපාලන සූදුවක් බවට පත්ව තිබෙන බව ජනපති මෛත්‍රීපාල සිරිසේන මහතා පවසයි. විදුලි සංදේශන නියාමන කොමිෂන් සභාව මෙන්ම මෙම සංඛ්‍යාත ලබා ගන්නා පිරිස් සහ දේශපාලන ක්ෂේත‍්‍රයේ කටයුතු කරන පිරිස් ද මේ පිළිබඳ වගකීමෙන් කටයුතු කළයුතු බවද ජනාධිපතිවරා පැවැසීය.

දේශීය සිනමා, ටෙලි නාට්‍ය සහ සංගීත ක්ෂේත‍්‍රයේ බුද්ධිමය අයිතිය පිළිබඳ කමිටු වාර්තා ත‍්‍රිත්වය අද (03දා) පස්වරුවේ ජනාධිපති මන්දිරයේදී ජනාධිපතිවරයා වෙත පිළිගැන්වූ අවස්ථාවේදී ඔහු මේ බව පැවැසීය.

රටේ අනාගතය වෙනුවෙන් මුළු මහත් ජනතාව යහපත් ගමනක් ගෙන යාමට කලාකරුවන් ඇතුළු ක්ෂේත‍්‍රයේ සියලූදෙනාට පුළුල් කාර්යභාරයක් පැවරී තිබෙන බවත් එය ඉටුකිරීමේදී රජයක් ලෙස ලබාදිය හැකි සියලු සහයෝගය සහ ව්‍යවස්ථාපිත තත්ත්වයන් තහවුරු  කරන බව ද ජනාධිපතිවරයා මෙයිදී පවසා ඇත.