පාසල් ළමුන් සඳහා නිල ඇදුම් ලබාදීම වෙනුවට වවුචර් පත් ලබාදීමට අධ්යාපන අමාත්යංශය ගෙන ඇති තීරණය සම්බන්ධයෙන් ලංකා ගුරු සේවා සංගමය විරෝධය පළ කරයි. මේපිළිබඳව සදහන්කරමින් ලංකා ගුරුසේවා සංගමයේ ප්රධාන ලේකම් මහින්ද ජයසිංහ මහතා පවසන්නේ විධිමත් සැලැස්මක් සහිත ක්රමවේදයක් සකස් කිරීමට අධ්යාපන අමාත්යාංශයට ඇති නොහැකියාව ප්රදර්ශනය කිරීමක් ලෙස මෙය හැඳින්විය හැකි බවයි.
පාසල් නිල ඇඳුම් නොමිලේ ලබාදීමේ ව්යාපාතියේ ප්රමුඛ කරුණු හඳුනාගෙන පාසල් දරුවන්ට ප්රමිතියෙන් යුතු සුදුසු නිල ඇඳුම් රෙදි ලබාදීමට කටයුතු කරන ලෙස ලංකා ගුරු සේවා සංගමය රජයෙන් ඉල්ලයි . එමෙන්ම අමාත්යාංශයේ මෙම තීරණය තුළ නිල ඇදුම් රෙදි ලබාදීම සම්පූර්ණයෙන් කප්පාදු කිරීමේ සැලැස්මක් ඇති බවට බරපතළ සැකයක් ද මතුවන බවට ඔහු පවසයි.