ලේක්හවුස් වටරවුමේ දැඩි රථවාහන තදබදයක්

කොළඹ ලේක් හවුස් වටරවුම ආශ්‍රිතව දැඩි වාහන තදබදයක්  මේ වන විට පවතින බවත් මේ හේතුවෙන් පාසන් පාර වසා ඇති බවත් නිවේදනයක් මඟින් පොලීසිය පවසයි. 

ශ්‍රී ලංකා විදුලි බල මණ්ඩලයේ සේවකයන් පවත්වන විරෝධතාවක් හේතුවෙන් කොම්පඤ්ඤ වීදිය දෙස සිට කොළඹට ඇතුලුවන මාර්ගය අවහිර වීම මත මෙම රථවාහන තදබදය නිර්මාණය වී තිබේ. ඔවුහු එක් මංතීරුවක් අවහිර කරමින් විරෝධතාව පවත්වති.

මේ හේතුවෙන් මහජනතාව හා රියදුරන් කොළඹට අවතීර්ණ වීමෙන් වළකින ලෙසත් හැකිතාක් විකල්ප මාර්ග භාවිතා කර වාහන තදබදය අවම කිරීම සඳහා සහය වන ලෙස පොලීසිය එම නිවේදනය මඟින් මහජනතාවගෙන් හා රියදුරන්ගෙන් ඉල්ලා සිටී.