මෛත්‍රී ඉවත්කරන හැටි මහාචාර්ය නලින්ද සිල්වා කියයි

දෝෂාභියෝගයක් මගින් ජනාධිපති මෛත්‍රීපාල සිරිසේන මහතාගේ ජනාධිපති ධුරය අහිමි කරන ආකාරය පිළිබඳව මහාචාර්ය නලීන්ද සිල්වා මහතා අද (15දා) පැහැදිලි කළේය.

කොළඹ පැවැති මාධ්‍ය හමුවකදී ඒ මහතා පවසා සිටියේ ප්‍රථමයෙන්ම පක්ෂ සභාපතිකමින් සහ පක්ෂ සාමාජිකත්වයෙන් මෛත්‍රීපාල සිරිසේන මහතා ඉවත් කරන බවයි.

මහමැතිවරණයෙන් පසුව එක්සත් ජනතා නිදහස් සන්ධාන ආණ්ඩුවේ 2/3 ක ඡන්දයෙන් දෝෂාභියෝගයක් මගින් සිරිසේන මහතාගේ ජනාධිපති ධුරයද ඉතා පහසුවෙන් ඉවත් කරන බවද ඔහු පවසයි.

මේ වනවිට ඊට අවශ්‍ය සැලසුම් සකස් කර ඇතැයිද නලීන්ද සිල්වා මහතා පවසා සිටියේය.

මේ අතර, ඒ මහතා වැඩිදුරටත් සඳහන් කළේ, එක්සත් ජනතා නිදහස් සන්ධානයෙන් මෙවර ඉදිරිපත් කළ ජාතික ලැයිස්තුව තුළ ඉන්දීය රෝ ඔත්තු සේවයේ නියෝජිතයෙකු සිටින බැවින් තමන්ගේ නම ඉවත් කරගැනීමට කටයුතු කළ බවයි.