මේක අපිට ගේමක් නෑ - කබීර්

- 20 07 2015 - 11:12 - {{hitsCtrl.values.hits}} views - . .

මේ මැතිවරණය එක්සත් ජාතික පක්ෂයට තරගයක් නැති බවත්, පක්ෂය වටා විශාල පිරිසක් එක්ව සිටින බවත් එකසත් ජාතික පක්ෂ මහලේකම්, අමාත්‍ය කබීර් හෂීම් මහතා පැවැසීය.

මාවනැල්ල විනස් ශාලාවේදි එක්සත් ජාතික පක්ෂයේ ක‍්‍රියාකාරි පිරිසක් අමතමින් ඊයේ ( 19දා) ඔහු මෙම අදහස් දැක්වීය.

“පටන් ගන්නකොටම අපිට කියන්න පුළුවන් එක්සත් ජාතික පක්ෂය අනිවාර්යෙන්ම මෙ මැතිවරණයෙන් විශිෂ්ඨ ජයක් ගන්න බව. සිංහලෙන් මෙකට කියන්නේ ‘ ගෙමක් නැහැ ’ කියලා. අද වෙන කොට ජනතාව තීන්දු කරලා ඉවරයි රටට අවශ්‍ය සැබෑ නායකත්වය මොකක්ද කියන එක.

ඒ නිසා පක්ෂය වටා මහා ජනගහක් එකාරාශි වෙලා තියනවා. ජනාධිපතිතුමා කරපු කථාව ඇසුවා නම් ඔබට තේරෙයි අපේ ආණ්ඩුවට තිබුණු කුමන්ත‍්‍රණ ප‍්‍රමාණය ගැන. අපි ඒවාටත් ඔරොත්තු දුන්නා”