හලාවතදීත් මාරක අනතුරක්

හලාවත - කුරුණෑගල මාර්ගයේ කොක්කාවිල් 06කණුව හන්දියේදී අද (23දා) අළුයම ලොරි රථයක් හා මෝටර් රථයක් මුහුණට මුහුණ ගැටීමෙන් සිදුවූ අනතුරින් එක් පුද්ගලයෙක් ජීවිතක්ෂයට පත්ව තිබේ.

මෝටර් රථයේ රියදුරු ලෙස කටයුතු කළ ගම්පොළ සිංහපිටිය ප්‍රදේශයේ පදිංචි ඉන්දික රුවන් ජයලත් 29 නැමැත්තෙකු මෙලෙස ජීවිතක්ෂයට පත්ව ඇත. මෙම අනතුරින් තුවාල ලැබූ තවත් තිදෙනෙක් හලාවත රෝහලට ඇතුළත් කොට සිටිති.

ලොරි රථ රියදුරු අත්අඩංගුවට ගෙන ඇති අතර හලාවත පොලීසිය සිද්ධිය සම්බන්ධයෙන් වැඩිදුර විමර්ශන කටයුතු සිදු කරයි.