මාගම්පුර වරායට සංචාරක නැවක් පැමිණේ

හම්බන්තොට මාගම්පුර මහින්ද රාජපක්ෂ ජාත්‍යන්තර වරායට එංගලන්තයේ සිට සුඛෝපභෝගී සංචාරක මගී නෞකාවක් අද (05දා) ළඟා විය.

මගීන් 1400 කට ගමන් කළ හැකි මෙම මගී නෞකාවෙන් පැමිණි සංචාරකයන් 300 කට අධික පිරිසක් කතරගම, යාල, උඩවලව, මුල්ගිරිගල, අම්බලන්තොට සහ හම්බන‍්තොට යන නගරවල සංචාරය කිරීමට පිටත්ව ගියහ.

ආසියානු රටවල සංචාරය කිරීම සඳහා මෙම නෞකාවෙන් එංගලන්තය, යුරෝපය, ඕස්ට්‍රේලියාව, සිංගප්පූරුව යන රටවල සංචාරකයන් පැමිණ තිබේ.

සංචාරක මගී නෞකා පසුගිය කාලයේ දිගින් දිගටම වරායට පැමිණි අතර, ඉදිරියේද තවත් මගී නෞකා පැමිණීමට නියමිත බව හම්බන්තොට මාගම්පුර මහින්ද රාජපක්ෂ ජාත්‍යන්තර වරායේ සාමාන්‍යධිකාරී නෝමන් වීරරත්න මහතා පවසයි.