මහින්ද නැතිව සන්ධානය කුරුණෑගලට නාමයෝජනා දෙයි

එක්සත් ජනතා නිදහස් සන්ධානය හා එක්සත් ජාතික යහපාලන පෙරමුණ මහ මැතිවරණය සඳහා කුරුණෑගල දිස්ත්‍රික්කයට නාම යෝජනා ලබා දීම සඳහා කුරුණෑගල දිස්ත්‍රික් ලේකම් කාර්යාලයට පැමිණියේය.

කෙසේ වෙතත් සන්ධානයෙන් කුරුණෑගලට තරග වැදීමට සිටින හිටපු ජනපති මහින්ද රාජපක්ෂ මහතා මේ අවස්ථාව සඳහා එක්නොවීය.

 ඔහු කුරූණෑගල කණ්ඩායම් නායකයා බවට පත්කර තිබෙන බවට මීට ඉහතදී වාර්තාවිය. සන්ධාන නාමයෝජනා ලැයිස්තුවේ මහින්ද රාජපක්ෂ මහතාගේ නම ඇතුළත් විය.

කෙසේ වෙතත් සන්ධාන නාමයෝජනා හිටපු අමාත්‍ය අනුර ප්‍රියදර්ශන යාපා මහතා විසින් රැගෙන ගියේය. දයාසිරි ජයසේකර හා නීතිඥ ගෝමීන් දයාසිරිද එම අවස්ථාවට එක්ව සිටියහ.

එජාපයෙන් අමාත්‍ය ගාමිණී ජයවික්‍රම පෙරේරා, අමාත්‍ය අකිල විරාජ් කාරියවසම්, හිටපු අමාත්‍ය එස්.බී. නාවින්න යන මහත්වරු පැමිණියහ.