මඩකලපුවට තද වැසි

දිගු නියඟයෙන් පසුව මඩකලපුව දිස්ත්‍රික්කයේ ප්‍රදේශ රැසකට අද (20) උදේ පටන් වර්ෂාව ඇදහැලී‍ම ආරම්භ විය. මේ අනුව ගතවූ පැය නවයක කාලසීමාවේදී දිස්ත්‍රික්කයට මි.මී.10.5 ක වර්ෂාපතනයක් සටහන් වී ඇති බව කාලගුණ විද්‍යා දෙපාර්තමේන්තුවේ භාර නිලධාරී කේ.සූරියකුමාර් මහතා පැවසීය.

මේ නිසා නියඟයට පත්ව තිබූ භූමියේ වර්ෂා ජලය රැඳී තිබෙනු දැක ගත හැකි අතර වර්ෂාව ආරම්භ වීමත් සමග දිස්ත්‍රික්කයේ ගොවීන් අතර විශාල සතුටක් ඇතිව තිබේ. ඉදිරි කාලයේදී දිස්ත්‍රික්කයට අඛණ්ඩව වර්ෂාව පවතින බවට කාලගුණ විද්‍යා දෙපාර්තමේන්තුව පවසයි.

(මඩකලපුව   - ජවුෆර්කාන්)