බීමත් රියදුරෝ 586ක් පොලීසියේ

10වැනිදා උදෑසන  6.00 සිට අද (13දා) උදෑසන 6.00 දක්වා දිවයිනේ සියලුම ප‍්‍රදේශ ආවරණය වන පරිදි බීමත් රියදුරන් අත්අඩංගුවට ගැනීම සඳහා පොලීසිය සිදුකළ මෙහෙයුම් වලදී බීමත් රියදුරන් 586ක් අත්අඩංගුවට ගැනීමට පොලීසිය සමත්ව තිබේ.  

මෙහිදී බීමත් යතුරු පැදි ධාවකයන් 324ක්, ති‍්‍රරෝද රථ රියදුරන් 199ක්, වෙනත් වාහන 57ක රියදුරන් හා බස්රථ  රියදුරන් 06ක් අත්අඩංගුවට ගත් බව පොලිස් මූලස්ථානය සඳහන් කරයි.

ඊයේ (12දා) උදෑසන  6.00 සිට අද (13දා) උදෑසන 6.00 දක්වා දිවයිනේ සියලුම ප‍්‍රදේශ ආවරණය වන පරිදි කළ සෝදිසි මෙහෙයුම් වලදී පමණක් බීමත් රියදුරෝ 207ක් අත්අඩංගුවට පත්ව සිටිති.