පාසල් නිවාඩුවට මහනුවරින් යාපනයට දුම්රියක්

පාසල් නිවාඩු සමයේ මහනුවර සිට යාපනයට ශීඝ්‍රගාමී දුම්රියක් ධාවනය කිරීම ආරම්භ කර ඇති බව දුම්රිය ගමනාගමන අධිකාරී එල්.ඒ.ආර්. රත්නායක මහතා පැවසීය.

සෑම සෙනසුරාදා දිනකම අලුයම 3.55 ට මහනුවරින්ද, ඉරිදා දහවල් 12.00 ට යාපනයෙන්ද මෙම දුම්රිය ගමන් ආරම්භ කිරීමට නියමිතය.

මගී අවශ්‍යතා සලකා බලා පාසල් නිවාඩු කාලයෙන් පසුව වුවද මෙම දුම්රිය සේවාව පවත්වාගෙන යෑමට සලකා බලන බව ඒ මහතා වැඩිදුරටත් පවසා සිටියේය.