'පදික වේදිකාව වෙළදාමේ වේදිකාවක් නෙවෙයි'

ඒක නිසා මේක වර්ල්ඩ් මාකට් කියලා ප්‍රේමදාස මහත්තයාගේ කාලේ එකකුත් හැදුවා. ඒ අවශ්‍යතාවය නිසා වරින්වර හදන කඩවල් පදිකයින් අතට පත් කළාම කඩ අරගෙන කඩ ටික කුලියට දෙනවා. ආයේ එනවා පදික වේදිකාව ඕනේ කියාගෙන. මේක දැන් අවුරුදු 5ක් - 10ක් සැරින් සැරේට වෙච්චි දෙයක්. නමුත් පහුගිය අවුරුදු 3 - 4 ම පාලනයක් කළා.

උත්සව සමයට ඇවිල්ලා වෙසක් කාලෙට වෙසක් සැරසිලි විකුණන එක බෞද්ධ කොඩි විකුණන එක, සිංහල අවුරුදු කාලෙට ඇවිල්ලා රතිඥ්ඥා විකුණන කඩයක් දාන එක, ඒ වගේම නත්තල් කාලෙට නත්තල් සැරසිලි , ගස් විකුණන එක අපි දන්නවා රඹුටන් කාලෙට රඹුටන් විකුණනවා. දූරියන් විකුණනවා ඒ කාල වල අවශ්‍යතාවයට වෙළෙඳුන් එනවා. ඒක ප්‍රශ්නයක් නැහැ.

නමුත් මේ පදික වේදිකාව සම්පූර්ණයෙන්ම නැවතත් පදික වෙළෙඳුන්ට යොමු කලොත් විශාල ප්‍රශ්නයක්. කවදාවත් මේ රට ඉස්සරහට යන්න බෑ පස්සටයි යන්න වෙන්නේ. ඒකට අපි විරුද්ධයි."