පතලකින් මතුවූ විෂ වායුවකින් සිවුදෙනෙක් මරුට

රත්නපුර, ගිලීමලේ, හගොව වෙල්යායේ මැණික් පතලකින් මතුවූ විෂ වායුවක් ආඝ්‍රාණය වීමෙන් එහි වැඩ කරමින් සිටි පතල්කරුවන් සිවුදෙනෙකු ජීවිතක්ෂයට පත්ව ඇත.

අද (08දා) පස්වරු 5.00 ට පමණ මෙම විෂ වායුව මතුවී ඇති බව පොලීසිය පවසයි. එම අවස්ථාවේ පුද්ගලයන් හයදෙනෙකු පතලයේ වැඩ කරමින් සිට ඇති අතර, දෙදෙනෙකුගේ ජීවිත බේරී ඇත. එක් අයෙකු රත්නපුර මහා රෝහලේ දැඩි සත්කාර ඒකකයේ ප්‍රතිකාර ලබයි.

ගිලීමලේ පදිංචිකරුවන් වන ඩී.ඒ. ජයසේකර (33), කේ.යූ. සුජීව (33), කේ.ඩී.සිරිපාල (38), එන්.කේ. නමුනුකුල (59) යන අය මෙසේ ජීවිතක්ෂයට පත්ව ඇත.

ඩී.ඒ.පියදාස යන අය රත්නපුර මහා රෝහලේ දැඩි සත්කාර ඒකකයේ ප්‍රතිකාර ලබයි.

රත්නපුර මලිතිපෙරේරා