පක්ෂ 5ක් රාජ්‍ය දේපළ අවභාවිත කරන බවට චෝදනා
මහ මැතිවරණයේ දී රාජ්‍ය දේපළ අවභාවිතය පිළිබඳව මේ වනවිට පක්ෂ 05 කට චෝදනා එල්ල වී තිබේ.
මෙලෙස රාජ්‍ය සම්පත් මැතිවරණයට යොදාගැනීම පිළිබඳව චෝදනා එල්ල වී තිබෙන දේශපාලන පක්ෂ වන්නේ, එක්සත් ජාතික පක්ෂය, එක්සත් ජනතා නිදහස් සන්ධානය, ශ්‍රී ලංකා මුස්ලිම් කොංග්‍රසය, සමස්ත ලංකා මුස්ලිම් කොංග්‍රසය, ද්‍රවිඩ ජාතික සන්ධානය යන පක්ෂවලට බවද කැෆේ සංවිධානය සඳහන් කරයි.
සාමාන්‍යයෙන් මැතිවරණවලදී මෙතෙක් රාජ්‍ය දේපළ අවභාවිතය පිළිබඳව චෝදනා එල්ල වී තිබුණේ බලයේ සිටින පක්ෂයට පමණක් වුවත්, මෙම මහ මැතිවරණයේ දී මේ වනවිටත් පක්ෂ 05 ක් රාජ්‍ය දේපළ අවභාවිතයට ලක්කරමින් සිටින බව කැෆේ සංවිධානයේ විධායක අධ්‍යක්ෂක කීර්ති තෙන්නකෝන් මහතා %අද^ පුවත්පතට සඳහන් කළේය.
මෙම පක්ෂ 05 නියෝජිතයන් රාජ්‍ය වාහන, රාජ්‍ය සේවකයන්, රාජ්‍ය ගොඩනැගිලි මැතිවරණ ප්‍රචාරක කටයුතු සඳහා යොදා ගන්නා බවත්,
රාජ්‍ය ආයතන තුළටම ගොස් මැතිවරණ ප්‍රචාරක කටයුතු සිදුකරන බවත් එම සංවිධානයේ විධායක අධ්‍යක්ෂක කීර්ති තෙන්නකෝන් මහතා සඳහන් කළේය.
ගෙවීගිය කාලය තුළදී රාජ්‍ය ආයතන 14 කට පත්වීම් ලබාදීමට, රාජ්‍ය නිලධාරීන්ට උසස්වීම් ලබාදීමට, ස්ථාන මාරුවීම් ලබාදීමට උත්සහකර තිබෙන බවත්, එහෙත් මැතිවරණ කොමසාරිස්වරයා වෙත ඒ පිළිබඳව ලැබුණු පැමිණිලි මත එම ක්‍රියා සියල්ලම නවතා දමා තිබෙන බවද හෙතෙම සඳහන් කළේය.
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
