දේශපාලනයේ බෙදිම් ආගම්වාදීව එපා

දේශපාලනය තුළ බෙදීම් ඇති විය යුත්තේ ආගම්වාදීන් ජාතීවාදීන් ලෙස නොව ආණ්ඩුවක් ආර්ථිකමය සහ සමාජීය ප්‍රශ්න විසඳනවාද නැතිද යන්න මත බව අග්‍රාමාත්‍ය රනිල් වික්‍රමසිංහ මහතා පැවැසිය. ජාතිවාදය ආගම්වාදය නොමැතිව ශ්‍රී ලාංකික අනන්‍යතාව තුළ ඉදිරියට යා හැකි රටක් ගොඩනැගීමට කැපවන ලෙසද අගමැතිවරයා ඉල්ලීමක් කළේය.

ශ්‍රී ලංකා බාලදක්ෂිකා ව්‍යාපාරයට වසර 100ක් පිරීම නිමිත්තෙන් අද (12දා) කොළඹ බණ්ඩාරනායක අනුස්මරණ සම්මන්ත්‍රණ ශාලාවේදී පැවැති උත්සවයට සභභාගීවෙමින් අග්‍රාමාත්‍යවරයා මේ බව සඳහන් කළේය.

 සියලුම කාන්තා පාසල් තුළ බාලදක්ෂිකා ව්‍යාපාරය ආරම්භ කළ යුතු බවත්,මීළඟ වසර පහ තුළ බාලදක්ෂිකා ව්‍යාපාරය දිවයින තුළ ව්‍යාප්ත කරන ආකාරය පිළිබඳ වාර්තාවක් ලබාදෙන ලෙසද රනිල් වික්‍රමසිංහ මහතා බාලදක්ෂිකා කොමසාරිස්වරිය නියෝග කළේය.

ඡායාරූප ඉසුරු පෙරේරා