දූෂිත පොලිස් නිලධාරීන්ට නීති දැඩිවෙයි

දූෂිත පොලිස් නිලධාරීන්ට එරෙහිව නීති දැඩිව ක්‍රියාත්මක කර පොලිස් සේවාවේ කීර්තිය වැඩිදියුණු කිරීම තම අපේක්ෂාව බව මහජන සාමය හා ආපදා කළමාකරණය පිළිබඳ අමාත්‍ය ජෝන් අමරතුංග මහතා සඳහන් කරයි.

ඒ මහතා ‘අද’ ට සඳහන් කළේ පසුගිය ආණ්ඩු සමය තුළ දේශපාලන උවමනාවන් මත දූෂිත අන්දමින් ක්‍රියා කළ සියලුම පොලිස් නිලධාරීන්ගේ සේවය පරීක්ෂණයකින් අනතුරුව අත්හිටුවන බවය.

යුක්ති ගරුක සහ නීති ගරුක අන්දමින් රාජකාරි කළ සියලු නිලධාරීන්ට හිමිවිය යුතු උසස්වීම් ලබාදීම තම අරමුණ බවත්, නීතිය හා සාමය පිළිබඳ අමාත්‍යාංශයේ වර්තමාන ලේකම් තනතුර දරන හිටපු පොලිස්පති මහින්ද බාලසූරිය මහතාටද එරෙහිව පියවරක් ගන්නා බවත් අමාත්‍යවරයා පවසා සිටියේය.

මහජන සාමය පිළිබඳ අමාත්‍යාංශයටතට පොලීසිය මෙන්ම ආපදා යන විෂයන් හිමිව ඇතැයි සඳහන් කළ අමාත්‍යවරයා මේ දක්වා වගකීම් පිළිබඳව දැක්වෙන ගැසට් නිවේදනය ලැබී නැතැයිද සඳහන් කළේය.