දිවුලපිටියේදී පස් කියුබ් 500 ට 61000ක් කපලා

පස් කියුබ් 500 කට අඩු ‘බී’ ශ්‍රේණියේ කුඩා පරිමාණ පස් ඉවත් කිරීමේ බලපත්‍රයක් යොදා ගෙන දිවුලපිටියේදී පස් කියුබ් 61,000 ක් කපා ඉවත් කොට ඇති බව අණාවරණය වී තිබේ. දිවුලපිටියේ සංචාරය කළ පරිසර අධිකාරියේ හා භූ විද්‍යා කාර්යාංශයේ නිලධාරීන් මේ බව අනවරණය කොට ගෙන ඇතැයි ශ්‍රී ලංකා මානව හිමිකම් කේන්ද්‍රය නිවේදනයක් නිකුත් කරමින් සඳහන් කරයි.

ගම්පහ දිස්ත්‍රික්කයේ පස්, වැලි, මැටි සහ බොරලු ජාවාරම හේතුවන් පුද්ගල ඝාතන 40 කට වැඩි සංඛාවක් සිදුව ඇති බවට සැක කරන බව ශ්‍රී ලංකා මානව හිමිකම් කේන්ද්‍රයේ විධායක අධ්‍යක්ෂ කීර්ති තෙන්නකෝන් මහතා පවසයි.  

එක්සත් ජාතික පක්ෂය හා ශ්‍රී ලංකා නිදහස් පක්ෂය සමග වරින්වර සෘජු සම්බන්ධතා ඇති කරගන්නා පිරිස් විසින් මෙම ජාවාරම සිදු කර ඇති බවත් මුතුරාජවෙල ගොඩකිරීම සඳහා පස් සැපයීමේ ප්‍රධාන සැපයුම්කරුවන් වී ඇත්තේ දිවුලපිටිය එජනිස දේශපාලනඥයෙකු සහ වත්තල එජාප අමාත්‍යවරයෙකු ගේ සමීපතම ඥාතීන් හා ආධාරකරුවන් පිරිසක් බවත් එම නිවේදනයේ වැඩිදුරටත් දැක්වෙයි.